1 TIMOTIUS 2:8 - WUKE SUSI WATTI'U AL᷊AL᷊USASSA

⁸ I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.

1 TIMOTIUS 2:8 Referans Kwoze

DARALO 134:2

Wattea'e limanu watukku tampa na'ukkassa, wuṛṛu paddalote Mawu!

DARALO 63:4

Darangngu-Nu maaregganne wuassu wiakka, ana waugu udde i ya'u maddalo Si'o.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

LUKAS 24:50

Wua'udde Mawu Yesus nangapidde mangitou sinumabangnga wuassu soa nadatingngu Betania. Isudde i Tou namatten lima-Ne, see nangal᷊amatta si mangitou.

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

1 PETRUS 3:7

Wuṛṛu i yamiu lai, manga awingnga esakka, ṛinone mabbiakka ringannu napenen pasasunna su saruannu awingngu, wuṛṛu ringannu asingkata manungku ete i mangitou udde walahanna apan lome. Olaawe i mangitou ringannu addata, ana waugu i mangitou su sambau ringanni yamiu, sarun manengkamma al᷊amattu pabbiaṛṛana apan tutune wuassu Ruata. Olaawe indi, tadea'u taweddu maasal᷊awa'a aal᷊iomannu.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

WATTI'U MANGA RASUL 21:5

Arawe napawe nasuete tempone i yami uatana'a isudde, i yami nanantangngi mangitou, wuṛṛu i yami nanassukku amatanni yami. I mangitou sarangkanambone ringannu anangnge wuṛṛu awingnge nanguntudi yami sara liuddu soa. Poiaroddi su winggin apanne, i yami sarangkanambone inumal᷊intuda see inumal᷊iomanna.

WATTI'U MANGA RASUL 10:4

I Kornelius nanutuda mala'ekatta udde ringannu atata'utta see nabbisara, “Pia apa Mawu?” Mala'ekatta udde sinumimbakka, “Aal᷊iomannu wuṛṛu asasaṛṛionto'u naungngu sinengkampen Ruata wuṛṛu Ruata mannaungnga si'o.

WATTI'U MANGA RASUL 10:2

I tou sangkatou apan matta'uttu Ruata wuṛṛu anambon lal᷊oṛṛon bal᷊ene mattaṛṛamawu Ruata. I tou masokka mantul᷊ungngu taumatan Yahudi apan asiangnga wuṛṛu i tou sidutu u'al᷊iomanna su Ruata.

WATTI'U MANGA RASUL 7:60

See i tou inumal᷊intuda wuṛṛu inumui ringannu tingikka ma'ikkatta, “Mawu, ariewe rosa indi maola'a winabbawa mangitou!” Napawe wua nabbisara aroddi i tou nate.

1 KORINTUS 7:7

Ṛinone i ya'u lembo maapulu amungkangngu anambon taumata maola'a ere i ya'u. Arawe sangkatou-sangkatou buatte nanengkamma al᷊amatta apan uapapaṛṛala wuassu Ruata. Sangkatou pia al᷊amatta indi, waine lai pia al᷊amatta udde.

WATTI'U MANGA RASUL 10:31

I tou nabbisara, ‘Kornelius! Ruata suete nadaringikka aal᷊iomannu wuṛṛu uanaungnga sasaṛṛionto'u naungngu.

YOHANES 4:21

“Pangimante,” unnu Mawu Yesus si tou, “su sambau tempo taumata sarun massubba Iamangnga, wal᷊ine lai su wuidda indi, wuṛṛu wal᷊ine lai su Yerusalem.

LUKAS 23:34

See Mawu Yesus inumal᷊iomanna, “O Iamang-Ku, ampungewe i mangitou! I mangitou wagga apa apan a'olaanni mangitou.” Laubbu Mawu Yesus nitahia isudde su wallatti mangitou wuṛṛu niundi.

MATIUS 21:21

“Atonna,” sasimbakku Mawu Yesus, “amungkangngu i yamiu mangngimanna wuṛṛu tawe humago'a, i yamiu maaola'a apa apan suete niola-U su alu ara indi, wuṛṛu tawe tumba'u udde sassane, ewe'e lai yamiu maawisara lai su wuidda indi, ‘Awengkette wuṛṛu awontolle sulal᷊ummu tahal᷊oangnga’: ne olangnge udde sarun mariaddi.

MATIUS 5:44

Arawe orassa indi Ya'u mabbisara si yamiu: pandangngute manga seennu, wuṛṛu al᷊iomana'a manga taumata apan mammate si yamiu,

DARALO 66:18

Unnuwisara i ya'u mal᷊uassa maṛingiddu al᷊al᷊eo, Mawu sarun tawe maddaringikka.

DARALO 26:6

Lima'u niukkasa tatialan tawe nassal᷊a, wuṛṛu u'amatta mammal᷊iwutta mezba-Nu, oh Mawu,

DARALO 24:4

Taumata apan ṛingiranne wuṛṛu inolaanne tawe sangkule, apan tawe massalu awusu wuṛṛu tawe massubba paal᷊uanna.

AYUB 16:17

Arawe i ya'u tawe nilumawangnga; nasemakke aal᷊iomangku matul᷊idda su Mawu.

MATIUS 6:12

Ampungewe i yami wuassu passasal᷊ang kami, ere lai yami suete nangampungnga taumata apan nassal᷊a si yami.

AMSAL 21:27

Mawu tawe lumuassu sasamban taumata lal᷊eo, nangillembote amungkangngu ionggolla ringannu naungnga lal᷊eo.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

DARALO 35:13

Sutempo i mangitou maradda'a, i ya'u massusa wuṛṛu tawe umanna; i ya'u u'al᷊iomanna ringannu uaruutta,

1 MARARATU 3:11

wuṛṛu nabbisara si tou, “Ana waugu i'o maddorongnga asingkatta ipamarenta ringannu atatul᷊idda, wuṛṛu wal᷊ine uukka mal᷊oengnga ara'e paa'ala hunan batangannu sassane ara'e apapaten manga seennu,

DARALO 28:2

Daringiṛṛewe sasal᷊ande'u napawe i ya'u maiontola, wuṛṛu mamatunna lima'u watukku Wal᷊en-Nu apan susi.

DARALO 141:2

Sengkammawe aal᷊iomangku maola'a ere sambau sasamba amania, wuṛṛu lima'u apan uawilatta maola'a sasamban ṛabbi.

2 KORINTUS 2:14

Arawe aadiangkamanna su Ruata! I Tou sidutu mangngehetta si yami tumantalongnga su amatanni Kristus ana waugu i yami mabbiakka su sambau ringanni Tou. Ruata nappaatti yami tadea'u watti'a su ola'i Kristus massal᷊iawukka naal᷊ihida hal᷊uru mawangngi su al᷊awo'u tampa.

FILIPI 1:12

I ya'u maapulu i yamiu maasingkata, manungku manga inolaanna apan suete nariaddi si ya'u, ewe'e naaola'a manambo taumata maddaringikka wuṛṛu mangngimanna Watti'u Al᷊al᷊uassa udde.

1 TESALONIKA 1:8

Ana waugu nanattakka wuassi yamiu, watti'a su ola'u Mawu suete niapaasingkata na'oman sara watukku Makedonia wuṛṛu Akhaya. Wuṛṛu wal᷊ine tumba'u udde lai; arawe watti'a su ola'u ereapa i yamiu nangimanna Ruata na'omate su al᷊awo'u tampa, na'oman sara i yami lasa'e lai maggahaton al᷊awo'u hatto si yamiu.