1 TIMOTIUS 2:4 - WUKE SUSI WATTI'U AL᷊AL᷊USASSA

⁴ I Tou maapulu tadea'u anambon taumata maasomba asasal᷊amatta wuṛṛu masingkatu apapia.

1 TIMOTIUS 2:4 Referans Kwoze

YEHEZKIEL 18:32

I Ya'u tawe mal᷊uassa amungkangngu pia sangkatou mate. Tantanga'e manga rosanu tadea'u i yamiu sidutu wiakka. I Ya'u Mawu Apan Atanggaṛṛanne buatte nabbisara.”

2 PETRUS 3:9

Mawu tawe mal᷊iwue mangonggolu apa apan suete nipa'ire-Ne, salaiwe piaddu massunna aroddi. Arawe i Tou masabare si yamiu, ana waugu i Tou maddiri pia sangkatou apan mate. I Tou maapulu tadea'u anambon taumata mawal᷊u wuassu manga rosane.

YEHEZKIEL 18:23

Apa i'o maṛṛingidda manungku i Ya'u Mawu Apan Atanggaṛṛanne mal᷊uassa amungkangngu taumata lal᷊eo mate? Mangke tawe! I Ya'u mappulu i tou manantangngu manga rosane tadea'u i tou sidutu wiakka.

TITUS 2:11

Ana waugu Ruata suete napaal᷊iatta'u darangngu-Ne ipanal᷊amatta anambon taumata.

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

LUKAS 24:47

Wuṛṛu lai manungku ringannu arannu Ratum Punnu Sal᷊amatta udde ṛinone iwatti'a su anambon walahanna manungku ṛinone taumata mawal᷊u wuassu rosane, wuṛṛu manungku Ruata mangampungnga rosa mangitou. Wuṛṛu watti'a udde ṛinone iapasingkatta manattakka wuassu Yerusalem.

SONDAPPA 14:6

See i ya'u naasilo sangkatou mala'ekatta waine apan tuttalla'a matanggaka su langitta. Mala'ekatta udde uaapiddu watti'a su ola'u Watti'u Al᷊al᷊uassa apan awasa iapaasingkatta su taumatan runia eteudde su anambon walahanna, ṛuanganna, wahasa wuṛṛu araratuanna.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

MATIUS 28:19

Ana waugu udde roote su anambon taumata su wowon dunia indi, ola'e i mangitou mallal᷊aṛṛenggeng-Ku. Saṛṛanite i mangitou ringannu arannu Iamangnga, wuṛṛu Ana'a, wuṛṛu Ghaṛṛahon Duata.

TITUS 1:1

Ana'u Titus! I ya'u, Paulus, namoṛṛetu suratta indi ere ola'u sangkatou allangngu Ruata wuṛṛu rasulli Yesus Kristus. I ya'u nipile wuṛṛu nirolokka mantul᷊ungu manga taumata apan nipilen Duata tadea'u maola'a matohassa sulal᷊ummu pangangimanni mangitou. I ya'u lai ṛinone mangehetta si mangitou tadea'u maasingkattu al᷊aṛṛa'a apan naṛṛino niaṛṛa'u agaman kite.

YESAYA 55:1

Mawu nabbisara, “Wette i yamiu sarangkanambone apan marou, pa'inumpe, ua'e nasaddiate. Rantate i yamiu apan tawe uatahuanna roitta, panengkampe gandumma apan tawe bawaekke, wuṛṛu ante! Anggore wuṛṛu susu nasaddiate, sengkampe ringannu tawe bawaekke.

2 TIMOTIUS 3:7

Manga wawine udde sidutu mammiaṛṛa'a, arawe tawe saran paassa maasunna al᷊aṛṛa'a apan atonna wuassu Ruata.

LUKAS 14:23

See tuanga udde nabbisara, ‘Roote watukku lal᷊anna wuṛṛu manga sasuttanna su liuddu soa, wuṛṛu wataa'e taumata rumanta, tadea'u wal᷊e'u mapene.

LUKAS 1:77

see mamasingkatta su pabbawala-Ge manungku i mangitou sarun masal᷊amatta, amungkangngu Ruata suete nangampungnga manga rosa i mangitou.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YOHANES 17:17

Olaawe i mangitou pussa'an Iamangnga sassane sulal᷊ummu atatul᷊idda; wisaran Iamangnga eteudde atatul᷊idda.

YOHANES 6:37

Anambon taumata apan nionggolu Iamangnga si Ya'u sarun rumanta ringang-Ku. I Ya'u tawe mapawelengngi sai-sai apan rumanta ringang-Ku.

MARKUS 16:15

See Mawu Yesus nabbisara si mangitou, “Roote su ahewallu runia wuṛṛu wal᷊oa'e Watti'u Al᷊al᷊uassa wuassu Ruata udde su anambon taumata.

IBRANI 10:26

Ana waugu amungkangu watti'a apan atonna wuassu Ruata suete niapassingkata si ite, arawe i ite sidutu ma'ola'a rosa ringannu apulu naungnga, ne tate lai sasamba ipamappasa rosang kite.

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

ROMA 11:14

I Ya'u mangngantimma, i ya'u wotongnge mapaal᷊apputu naungnga lal᷊eo su walahannu sassane, tadea'u ringannu lal᷊anne udde i ya'u wotongnge manal᷊amatta sambageanganna wuassi mangitou.

YAKOBUS 3:14

Arawe amungkangu i yamiu taṛṛa l᷊uadda, naungnge lal᷊eo, wuṛṛu maṛṛingiddu ririnu sassane, arie mamarabungan apande udde, ana waugu ringannu udde i yamiu mammal᷊elongngu watti'a mapia wuassu Ruata.

2 YOHANES 1:1

Su Inangnga apan suete nipilen Duata, wuṛṛu su manga al᷊aṛṛana'u Inangnga. Suratta indi wuassi ya'u, piaṛṛa'u jamaatta apan atonna-tonna marangngu si yamiu. Wal᷊ine tumba'u i ya'u, arawe anambon taumata apan maaillal᷊a Ruata apan naṛṛino, marangngu si yamiu lai.