1 TIMOTIUS 2:1 - WUKE SUSI WATTI'U AL᷊AL᷊USASSA

¹ Paarorone, i ya'u sumal᷊ande tadea'u sasal᷊ande, aal᷊iomanna, wuṛṛu aal᷊iomannu awadaalla, see adiangkamanna iwal᷊o su Ruata hunan anambon taumata;

1 TIMOTIUS 2:1 Referans Kwoze

2 TESALONIKA 1:3

Manga tuṛṛangnga, i yami siddutu ma'adiangkamanna su Ruata ana waugu i yamiu. Wuṛṛu mangngimanna si Kristus, wuṛṛu i yamiu lembon uararangngu sangkatou ringannu waine.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.

EFESUS 5:20

Sidutu wuṛṛu su al᷊awo'u manara, ṛinone i yamiu maadiangkamanna su Ruata Iamangnga, sulal᷊ummu aranni Yesus Kristus Mawun kite.

2 TIMOTIUS 2:24

Taumata apan mammanara manaran Mawu tawe ṛinone mattatiakka; i tou ṛinone masaṛṛionto'a su anambon taumata, wuṛṛu wotongnge mangaṛṛa'a taumata ringannu mapia wuṛṛu masabare.

1 TIMOTIUS 2:4

I Tou maapulu tadea'u anambon taumata maasomba asasal᷊amatta wuṛṛu masingkatu apapia.

FILIPI 1:3

Suapawe i ya'u maanaungnga si yamiu, i ya'u maadiangkamanna su Ruata.

IBRANI 6:11

I yami ma'apulu taasul᷊unge tadea'u i yamiu sangkatou-sangkatou maṛṛimadda saran panginsueanne, ma'oman sara i yamiu manengkamma apa apan a'antimanni yamiu udde.

TITUS 3:2

Wal᷊oa'a si mangitou tadea'u tawe mangal᷊uandaga ara'e matatiakku manga taumata, ewe'e mabbiakka masaṛṛionto'a. Ṛinone i mangitou sidutu masambiolo su saruannu anambon taumata.

TITUS 2:11

Ana waugu Ruata suete napaal᷊iatta'u darangngu-Ne ipanal᷊amatta anambon taumata.

1 TIMOTIUS 5:5

Wawine wal᷊u apan atonna-tonna sassane, wuṛṛu tawe isai-sai apan wotongnge mammadul᷊i si tou, tumba'u uaantimma Ruata. Allo ṛabbi i tou sidutu u'al᷊iomanna su Ruata maddorongnga tul᷊ungan-Ne.

1 KORINTUS 15:3

Apa apan buatte ta'u niwal᷊o si yamiu eteudde apan buatte ta'u nisengkamma lai. Ahunanne eteudde, ere uawoṛṛetta sulal᷊ummu Wuke Susi, ya'u mabbatti'a si yamiu manungku Mawu Yesus nate ana waugu manga rosan kite;

WATTI'U MANGA RASUL 17:30

Tempon awawodong kite suete tinimbul᷊ianannu Ruata, arawe orassa indi i Tou nandolokku taumata su ahewallu runia tadea'u mawal᷊u wuassu manga rosa mangitou.

1 TESALONIKA 3:12

Antimanna Mawu ma'ola'a si yamiu lembon marangngu sangkatou ringannu waine wuṛṛu lembon marangngu su anambon taumata, na'oman sara darangngunu udde aatambanna, ere lai darangngun kami si yamiu.

ROMA 6:17

Arawe adiangkamanna su Ruata! Ana waugu paarorone yamiu naola'a allangngu rosa, arawe orassa indi yamiu ringannu ahewallu naungngu tuttuṛṛutta al᷊aṛṛa'a naṛṛino apan buatte nionggola si yamiu.

ROMA 1:8

Paarorone sulal᷊ummi Yesus Kristus, i ya'u maadiangkamanna su Ruata ana waugu manga tuṛṛangnga sarangkanambone; ana waugu ahewallu runia naaringikke manungku i yamiu mangngimanna atonna su Mawu Yesus Kristus.

DARALO 72:19

Daralo su aran-Ne apan mawantuga saran mal᷊annu-l᷊annu; antimanna ahewallu runia mapenen awawantu-Ge! Ariaddite aroddi. Amin!

2 KORINTUS 8:6

Ana waugu udde i yami nandolokki Titus – apan nanattaku manara indi – tadea'u i tou manassu manara apan mapia indi su wallatti yamiu lai.

EFESUS 3:13

Ana waugu udde darorongku eteudde: arie paasinggawangnga su ola'u asasusa'u indi ana waugu i yamiu, ana waugu sarangkanambone udde hunan apapianu.

EZRA 6:10

Amata'e sarangkanambone udde tadea'u i mangitou wotongnge mangonggollu sasamba apan maal᷊uassa naungngu Ruata uataṛṛino su surga, wuṛṛu tadea'u i mangitou sumal᷊ande al᷊amatta apan hunane si ya'u wuṛṛu su manga ana'u.

YEREMIA 29:7

Pammanarate hunan lal᷊umanna'u manga soa su tampa i yamiu Ta'u niwuanga. Aal᷊iomante si Ya'u su hausannu manga soa udde, ana waugu amungkangngu manga soa udde su lal᷊ummanna'a, i yamiu lai su lal᷊umanna'a.

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

FILIPI 4:6

Arie paasinggawanga su ola'u manga apa. Sulal᷊ummu al᷊awo'u inolaanna, aal᷊iomante wuṛṛu paddorongke su Ruata. Apa apan ipaapulun kamiu, wal᷊oa'e udde sidutu su Ruata ringannu wisara aadiangkamanna.