1 TIMOTIUS 1:4 - WUKE SUSI WATTI'U AL᷊AL᷊USASSA

⁴ Wal᷊oa'a si mangitou tadea'u ariete lai maddaringikka manga wa'e wuṛṛu manga watti'u arariaddiannu walahanna apan tawe panginsueanne. Sarangkanambone udde tumba'u mandantan pabbawawul᷊o, wuṛṛu tawe mappaamattu pandumannu Ruata apan tumba'u wotongnge aillal᷊anna sulal᷊ummu pangangimanna si Tou.

1 TIMOTIUS 1:4 Referans Kwoze

TITUS 3:9

Pangindaute manga pattatiakka apan tawe gunane, manga watti'u al᷊amona, pattatiakka wuṛṛu pabbawawul᷊o su ola'u titan agama. Sarangkanambone udde tawe gunane wuṛṛu tawe gessine.

TITUS 1:14

wuṛṛu tate lai mangngimanna manga watti'u wa'en Yahudi ara'e manga atoranna apan niola'u manga taumata maddirin al᷊aṛṛa'a apan naṛṛino udde.

1 TIMOTIUS 4:7

Paaraua'a manga watti'a wawahia apan tawe gunane. Ṛinone wadangngu inaramma su pabbiaṛṛanna mattaṛṛamawu.

2 TIMOTIUS 4:4

I mangitou sarun maṛṛapinga tal᷊inga su watti'a atonna, arawe sarun maddaringikka wa'e tawe gunane.

2 PETRUS 1:16

Su tempo i yami namasingkatta si yamiu aroddi awantuge daranta Mawun kite Yesus Kristus, i yami tawe uatundeetta su manga wa'e iaaṛṛa'u taumata. Awawantugi Kristus udde suete niasiloanni ami ringannu matan kami sassane.

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

IBRANI 13:9

Imbaṛṛanga mapaawalan al᷊awo'u hatin al᷊aṛṛa'a apan ma'aheranga apan mangal᷊iwung kamiu. Naungngi ite ṛinone tohasannu apapia naungngu Ruata, eteudde apan mapia; imbaṛṛanga ringannu manga atoranna su ola'u anna. Manga taumatan tiwatta apan matuṛṛuta su manga atoranna udde tawe naasomba hunane.

2 TIMOTIUS 2:14

Ṛinone i'o mapaanaungnga su manga taumata su ola'u sarangkanambone indi. Su saruannu Ruata, tantiroi i mangitou, tadea'u tawe mattatiakka su ola'u manga wisara wakku. Udde tawe gunane, ewe'e tumba'u mangngal᷊iwu manga taumata apan maddaringikka.

2 TIMOTIUS 2:22

Pangindau manga lal᷊umanna'u taumata dario'a. Pabbiakke tumuṛṛuttu apulun Duata, paatuṛṛutta su al᷊aṛṛang-Nge wuṛṛu paarangngu taumata sansul᷊unga, wuṛṛu pia atatammudu naungnga. Pabbiakke aroddi suadio'a ringanni mangitou apan sussal᷊ande madorongnga tul᷊unganna su Mawu ringannu naungnga waresi.

1 TIMOTIUS 6:11

Arawe ete i'o taumata tatahuanannu Ruata, nariaddi i'o ṛinone mangindaun sarangkanambone udde. Padea'a maola'a taumata mapia su aellegu Ruata, apan mattaṛṛamawu Ruata, mangngimanna si Kristus, mandangngu sansul᷊unge, masabare sulal᷊ummu asasusa, wuṛṛu masaṛṛionto'a.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

TITUS 1:1

Ana'u Titus! I ya'u, Paulus, namoṛṛetu suratta indi ere ola'u sangkatou allangngu Ruata wuṛṛu rasulli Yesus Kristus. I ya'u nipile wuṛṛu nirolokka mantul᷊ungu manga taumata apan nipilen Duata tadea'u maola'a matohassa sulal᷊ummu pangangimanni mangitou. I ya'u lai ṛinone mangehetta si mangitou tadea'u maasingkattu al᷊aṛṛa'a apan naṛṛino niaṛṛa'u agaman kite.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

EFESUS 3:2

Asinungka i yamiu buatte naaringikka manungku Ruata, ana waugu apapia naung-Nge, i Tou suete nangonggola si ya'u manara indi hunane si yamiu.

2 TIMOTIUS 2:23

Arie lumal᷊o'a su pattatiakku manga taumata woddo apan waggan apa-apa. I'o masingkatta manungku sarangkanambone udde tumba'u mapaal᷊apputu pattatiakka.