1 TIMOTIUS 1:17 - WUKE SUSI WATTI'U AL᷊AL᷊USASSA

¹⁷ Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

1 TIMOTIUS 1:17 Referans Kwoze

YUDAS 1:25

tumba'u i Tou sassane Ruata, Punnu Sal᷊amatti ite sulal᷊ummu Yesus Kristus Mawun kite. Ete i Tou Ruata apan mawantuga, ahewal᷊anne, pia taṛṛino, wuṛṛu pia saṛṛaungnge ro'en al᷊amonane ma'oman sara orasa indi wuṛṛu saran mal᷊annu-l᷊annu! Amin.

SONDAPPA 19:1

Napawe wua'udde i ya'u naaringikka sambau naal᷊ihidda tingikku taumata nambo wuassu surga apan u'ui, “Paddalote Ruata! Ruatang kite eteudde Ruata apan mannal᷊amatta; i Tou Ruata awantuhanne wuṛṛu mataṛṛino!

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

KOLOSE 1:15

Eteudde Kristus hambaranna apan matualaga wuassu watangannu Ruata apan tawe asiloanna; eteudde Kristus Ana'a pahul᷊une, apianne wuassu manga al᷊awo'u inolaanna.

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”

ROMA 1:23

Wal᷊inewe Ruata apan uata'a sassubanni mangitou, ewe'e manga paal᷊uanna apan naal᷊ihida riadianna apan wotongnge mate; eteudde taumata, manu'u winalanganna, winatangnga leddane appata wuṛṛu winatangnga apan tuttondon roone.

DARALO 45:6

Anaannu apan maṛṛoro nallappasa su pappuson seennu, manga walahanna nanawo su saruannu leddanu.

SONDAPPA 19:6

Napawe wua'udde i ya'u naaringikka sambau ere tingikku ammul᷊annu taumata nambo atonna; tingikke naal᷊ihidda lua'a mabbasse wuṛṛu ere rallu'a mappose. I ya'u naaringikka i mangitou mabbisara, “Paddalote Ruata! Ana waugu Ruatang kite Lembon Taṛṛino udde, orassa indi uaparenta!

1 YOHANES 4:12

Tawe saran sangkatou apan suete naasilo Ruata, arawe amungkangngu i ite uararangngu, Ruata uaaukka ringanni ite wuṛṛu darangngu-Ne masuungnga sulal᷊ummu watanganni ite.

YOHANES 1:18

Tawe saran sangkatou apan suete naasilo Ruata, tumba'u ana'u Iamangnga tinggassa, apan uasul᷊ungngu Iamangnga wuṛṛu uaaukka atonna ringanni Tou. Ete i Tou apan napaal᷊iatta'u Iamangnga si ite.

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

DARALO 90:2

Ro'en manga wowone taambe niola'a, ro'en leta'a wuṛṛu runia taambe niriaddi-Nu, ete I'o Ruata apan sarangkal᷊o'engnge, tawe panattaṛṛanne wuṛṛu tawe pangudusanne.

DARALO 10:16

Mawu uaparenta saran mal᷊annu-l᷊annu; manga walahanna apan tawe maaillal᷊a si Tou sarun mawul᷊i wuassu letang-Nge.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

SONDAPPA 7:12

I mangitou u'ui, “Amin! Dalo su Ruatang kite apan mawantuga wuṛṛu pande. I Tou ṛinone onggol᷊annu al᷊awo'u aadiangkamanna wuṛṛu addata. I Tou uataṛṛino wuṛṛu matohassa saran mal᷊annu-l᷊annu! Amin.”

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

1 PETRUS 5:11

Ete i Tou apan uataṛṛino sara mal᷊annu-l᷊annu. Amin.

IBRANI 11:27

Ana waugu mangngimanna, ne i Musa nanantangu Mesir ringannu tawe matta'utta su asasa'un ratu. Musa niumamatta mattudam pattudanne ere ola'u i tou naasilote Ruata apan tawe asiloanna udde.

ROMA 16:27

Ete i Tou Ruata tinggassa, i Tou lembon apandeanne. Antimanna i Tou wantuhanna sarangkal᷊o'engnge sulal᷊ummu Mawu Yesus Kristus! Amin. Tabea wuassi yami, Paulus, allangngi Kristus Yesus

ROMA 11:36

Ruata apan nandiaddi sarangkanambone. Sarangkanambone udde wuassu Ruata wuṛṛu udde lai hunane su Ruata. Paddalote Ruata ma'oman sarangkal᷊o'engnge! Amin.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

ROMA 1:20

Ro'en Duata nandiaddi runia, pallal᷊agun Duata apan tawe asiloanna, eteudde olangnge ere Ruata wuṛṛu taṛṛino-Ne apan uatialu, wotongnge asunnannu taumata wuassu al᷊awo'u niriaddianne. Nariaddi taumata tawe pangaiananne mapaaṛṛinon batanganne.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

MALEAKHI 1:14

Niawontohante iapa taṛṛa wahia apan mangngonggollu sasamba si Ya'u winatangnga apan tawe aregane, amungkangngu suwallattu winatangnga papadul᷊iananna pia binatangnga apan mapia apan buatte nipa'irene si Ya'u! Ana waugu ete i Ya'u Ratu Mawantuga, wuṛṛu aaddatannu anambon balahanna.”

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

DANIEL 7:14

I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

DANIEL 4:34

Napawe pitu tonna udde nal᷊iudde, i ya'u tinumingngara langitta, wua'udde nawelengke apia ringirangku. Ne i ya'u naddalote Ruata Apan Atanggaṛṛanne. Ta'u niraloanna wuṛṛu ta'u niwantuhanna i Tou apan mabbiakka saran mal᷊annu-l᷊annu udde. “Ruata sarun maola'a ratu saran mal᷊annu-l᷊annu. I Tou ataṛṛino su al᷊o'engngu tempo.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

DARALO 145:13

Pamamarenta-Nu sidutu su al᷊o'engngu tempo, taṛṛino-Nu mattaṛṛangnga maṛṛawa mappulunna. Mawu matuṛṛutta su anambon paaire-Ne, i Tou napenen darangngu sulal᷊ummu al᷊awo'u inolaan-Ne.

DARALO 106:48

Paddalote Mawu, Ruatan Israel, orassa indi saran mal᷊annu-l᷊annu. Wala'ewe anambon taumata mabbisara, “Amin!” Paddalote Mawu!

NEHEMIA 9:5

Patataṛṛamawu su allo udde nitattakku manga taumatan Lewi manansunna indi; Yesua, Kadmiel, Bani, Hasabneya, Serebya, Hodia, Sebanya, wuṛṛu Petahya. I mangitou nabbisara, “Darisikke wuṛṛu paddalote Mawu Ruatan kite! Onggol᷊eten daralo si Tou saran mal᷊annu-l᷊annu! Dalo su aran-Ne apan napenen awawantuga, aranna apan wahewalla, nagillembo wuassu al᷊awo'u daralo!”

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DARALO 57:11

Ana waugu darangngu-Nu wahewalla naddatingngu langitta, wuṛṛu apapia-Nu naddatingngu winabbawa.

DARALO 45:1

Daralon ṛuanganni Korah. Antarin darangngu. Su piaṛṛa'u mangangantari. Tumuṛṛuttu ronsi: Wunga hal᷊ohomma.

DARALO 41:13

I'o niumontolla si ya'u ana waugu awawaresin naungku, wuṛṛu namala'u mabbiakka suadio'a ringan-Nu saran mal᷊annu-l᷊annu.

YOHANES 5:44

Ereapa i yamiu wotongnge apangimananna, amungkangngu i yamiu maddea'a daralo wuassu sansul᷊ungngu taumata, wuṛṛu tawe mappandumma maddea'a daralo wuassu Ruata apan Tinggassa?

ROMA 2:10

Arawe anambon taumata apan maapulu ma'ola'a apapia sarun onggol᷊annu Ruata awawantuga wuṛṛu aaddata see al᷊al᷊uassa; paarorone su taumatan Yahudi, aroddi lai manga walahanna waine.

IBRANI 2:7

Su tempo apan mal᷊ihakka I'o mandiaddi si tou mabbawoanna adio'a wuassu mala'ekatta. I'o nangonggolu ai'ananna si tou apan mawantuga wuṛṛu lembon a'addatanna.