1 TIMOTIUS 1:13 - WUKE SUSI WATTI'U AL᷊AL᷊USASSA

¹³ salaiwe dorone i ya'u mangngal᷊uandaga wuṛṛu mandal᷊eo see mangngadio'a si Tou. Arawe Ruata marangngu si ya'u, ana waugu su tempo udde i ya'u taambe nangimanna, nariaddi ya'u wagga apa apan a'olaangku.

1 TIMOTIUS 1:13 Referans Kwoze

WATTI'U MANGA RASUL 8:3

Arawe i Saulus sidutu maddea'a manongkakku jamaatta. I tou rudanganna su manga wal᷊e wuṛṛu mammol᷊engnga su liudde manga taumata apan mangngimanna, see i mangitou nitaṛṛo su tuttupanna.

1 PETRUS 2:10

Dorone i yamiu wal᷊ine walahannu Ruata, arawe orassa indi yamiu nareengke al᷊aṛṛana'u Ruata. Dorone i yamiu tawe rangnguannu Ruata, arawe orassa indi yamiu manengkamma darangngu-Ne.

WATTI'U MANGA RASUL 9:13

Ananias sinumimbakka, “Mawu, i ya'u suete naaringikka manambo taumata uahahatton taumata indi, lembonete su ola'u pandal᷊al᷊eo apan niolangnge su saruannu walahanna su Yerusalem.

IBRANI 4:16

Ana waugu udde, wette i ite ringannu awawaṛṛani sumaruanna Ruata apan mammarenta ringannu naungnge mapia. Ruata sarun umakkana wuṛṛu mangal᷊amatta si ite tadea'u i ite maasomba tul᷊unganna maṛṛino su tempone.

WATTI'U MANGA RASUL 3:17

Manga tuṛṛangnga! Orassa indi ya'u masingkate manungku apa apan a'olaanni yamiu wuṛṛu manga piaṛṛa'i yamiu su Mawu Yesus, udde a'olaanni yamiu ana waugu i yamiu wagga apa apan tantal᷊anna a'olaanni yamiu.

LUKAS 23:34

See Mawu Yesus inumal᷊iomanna, “O Iamang-Ku, ampungewe i mangitou! I mangitou wagga apa apan a'olaanni mangitou.” Laubbu Mawu Yesus nitahia isudde su wallatti mangitou wuṛṛu niundi.

1 TIMOTIUS 1:16

Ana waugu udde Ruata marangngu si ya'u, tadea'u Kristus Yesus wotongnge mapaal᷊iatta'u anambon asasabare-Ne si ya'u, taumata apan arosanne indi. Wuṛṛu indi maola'a sambau tul᷊ada su anambon taumata apan mangngimanna si Tou wuṛṛu maasomba wiakka tutune wuṛṛu mal᷊annu-l᷊annu.

FILIPI 3:6

I ya'u lembon mammanara maṛṛimada na'oman sara i ya'u mammate jamaatta. Amungkangu ellehanna wuassu titan agaman Yahudi, ya'u sangkatou taumata mapia apan tawe sal᷊ane.

GALATIA 1:13

Asinungka i yamiu buatte naaringikka su ola'u i ya'u mabbiakka dorone eteudde sangkatou apan mangngimanna agaman Yahudi. Yamiu masingkata ereapa aṛṛagine i ya'u su jamaatu Mawu wuṛṛu ereapa aṛṛagine i ya'u mappandumma mamate si mangitou.

1 KORINTUS 15:9

Eteudde i ya'u rasullu Mawu apan awawoanne. I ya'u tawe su tampane isaggo rasul, ana waugu ete i ya'u apan suete nanansara jamaattu Ruata.

1 KORINTUS 7:25

Orassa indi su ola'u manga taumata apan taambe naawingnga. Su ola'u hatto udde, i ya'u tawe naasengkamma parenta wuassu Mawu. Arawe su manga taumata ana waugu al᷊amattu Mawu wotongnge pangimananna, i ya'u maapulu mangonggolu tatantiro'u.

WATTI'U MANGA RASUL 22:4

I ya'u mammate ma'oman sara mallal᷊aṛṛenggennu al᷊aṛṛa'a wakku udde nate. I mangitou sarangkanambone mapia esakka ara'e lai wawine, ta'u sinametta wuṛṛu tinaṛṛo sulal᷊ummu tuttupanna.

WATTI'U MANGA RASUL 9:5

“Isai I'o, Mawu?” aiwal᷊on Saulus. Tingikka udde sinumimbakka, “Ete i Ya'u Mawu Yesus, apan raddal᷊eoannu.

WATTI'U MANGA RASUL 9:1

Tantal᷊anna udde i Saulus sidutu mangke ma'apulu mammansaga wuṛṛu mamate manga mallal᷊aṛṛenggennu Mawu Yesus. I tou inaite ringannu imam bahewa,

LUKAS 12:47

Mangangimbe apan masingkattu apulu mawune, arawe tawe uasasaddia wuṛṛu maddiri tumuṛṛutta apulu mawune udde sarun heseṛṛanna ringannu ma'ikkatta.

HOSEA 2:23

Sarun Ta'u olaanna uma-U mabbiakka su lal᷊umanna'a wuṛṛu mamanua su wanuan mangitou. Si mangitou apan isassago ‘Apan Tawe Niakkanna’ sarun Ta'u iapaal᷊iatta'a manungku i mangitou Ta'u arangnguanna, wuṛṛu si mangitou apan isassago ‘Wal᷊ine Uma-U’ sarun Ta'u iwal᷊o, ‘I yamiu Uma-U’. I mangitou sarun sumimbakka arendi, ‘Ete I'o Ruatan kami.’ ”

REENGANNA 15:30

Arawe amungkangngu sangkatou taumatan Israel ara'e sangkatou taumata raho ringannu nipattatudda na'ola'a rosa, i tou nallobbossa Mawu. Taumata udde ṛinone pateanna,

IMAMATTA 13:16

Arawe amungkangngu ibbongnga udde napia wuṛṛu nabbal᷊i mawira apia, taumata udde ṛinone sumaruanna imam