1 TESALONIKA 5:9 - WUKE SUSI WATTI'U AL᷊AL᷊USASSA

⁹ Ruata namile si ite wal᷊ine iṛṛuumanna, arawe tadea'u maasomba asasal᷊amatta wuassu Mawun kite Yesus Kristus.

1 TESALONIKA 5:9 Referans Kwoze

1 TESALONIKA 1:10

I mangitou uahahatto lai su ola'u ereapa i yamiu mangngantimma darantan Ana'u Ruata wuassu surga, eteudde Mawu Yesus, apan suete niapaawiakku Ruata wuassu papate. Ete Mawu Yesus udde lai apan manal᷊amatta si ite wuassu asasa'un Duata apan sarun rumanta.

1 PETRUS 2:10

Dorone i yamiu wal᷊ine walahannu Ruata, arawe orassa indi yamiu nareengke al᷊aṛṛana'u Ruata. Dorone i yamiu tawe rangnguannu Ruata, arawe orassa indi yamiu manengkamma darangngu-Ne.

2 TIMOTIUS 2:10

Ana waugu udde i ya'u tawe matta'uttu sarangkanambone udde apan hunane su manga taumata apan suete nipilen Duata, tadea'u i mangitou lai maasomba asasal᷊amatta apan ionggola sulal᷊ummi Kristus Yesus, wuṛṛu tatantalongannu awawantuga saran mal᷊annu-l᷊annu.

WATTI'U MANGA RASUL 13:48

Su tempo manga walahanna waine apan wal᷊ine Yahudi naaringikka udde, i mangitou lembon lulluassa, see mangke maddalo wisara Mawu. Wuṛṛu manga taumata apan suete nitantunnu Ruata maasomba wiakka tutune wuṛṛu saran mal᷊annu-l᷊annu, manga taumata udde mangngimanna.

AMSAL 16:4

Al᷊awo'a apan niola'u Mawu pia pandumanne; wuṛṛu pandumannu taumata lal᷊eo eteudde papate.

1 TIMOTIUS 1:16

Ana waugu udde Ruata marangngu si ya'u, tadea'u Kristus Yesus wotongnge mapaal᷊iatta'u anambon asasabare-Ne si ya'u, taumata apan arosanne indi. Wuṛṛu indi maola'a sambau tul᷊ada su anambon taumata apan mangngimanna si Tou wuṛṛu maasomba wiakka tutune wuṛṛu mal᷊annu-l᷊annu.

1 TESALONIKA 3:3

Ringannu aroddi tawe saran sangkatou wuassi yamiu apan sumoṛṛota ana waugu asasusan kite indi. I yamiu sassane masingkata manungku manga asasusa udde nasutta sulal᷊ummu pandumannu Ruata si ite.

SASABANGNGA 9:16

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

1 PETRUS 2:8

wuṛṛu “Eteudde watu apan maatara taumata, watu apan naaema'a si mangitou.” I mangitou natara ana waugu i mangitou tawe mangngimanna wisaran Duata. Ete aroddi suete tinantunu Ruata su ola'i mangitou.

1 TIMOTIUS 1:13

salaiwe dorone i ya'u mangngal᷊uandaga wuṛṛu mandal᷊eo see mangngadio'a si Tou. Arawe Ruata marangngu si ya'u, ana waugu su tempo udde i ya'u taambe nangimanna, nariaddi ya'u wagga apa apan a'olaangku.

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

ROMA 11:7

Nariaddi, ereapate? Walahanna Israel tawe naasomba apa apan radeaanni mangitou. Naasomba udde tumba'u sire pira taumata wuassu ammul᷊anna adio'a apan buatte nipilen Duata. Ingana'a waine sarangkanambone nabbal᷊i mal᷊awangnga su wawaggo Ruata.

WATTI'U MANGA RASUL 1:20

“Ana sulal᷊ummu Wuke Mazmur uawoṛṛetta arendi, ‘Wala'e atatanaan-Ne maola'a mal᷊annaba; arie piaddu sangkatou matana'a sulal᷊umme.’ Pia uawoṛṛetta arendi lai, ‘Wala'e aianan-Ne anuannu taumata waine.’

ROMA 11:30

Dorone i yamiu maddiri tumuṛṛutta Ruata. Arawe orassa indi Ruata buatte napaal᷊iatta'a manungku i yamiu nal᷊iute wuassu pasasal᷊a, ana waugu taumatan Yahudi maddiri tumuṛṛutta.

MATIUS 26:24

Atonna Ana'u Taumata sarun mate ere uawoṛṛetta sulal᷊ummu Wuke Susi. Arawe nasilakate taumata apan mandal᷊eo Ana'u Taumata! Mappianne taumata udde tawe niasungkangnga!”

AYUB 23:14

I tou sarun mapaamattu ṛiin-Ne si ya'u, wuṛṛu ta'e manambo lai ṛiin-Ne waine.