1 TESALONIKA 5:6 - WUKE SUSI WATTI'U AL᷊AL᷊USASSA

⁶ Ana waugu udde imbaṛṛangnga i ite tumba'u mattiilla ere taumata waine. I ite ṛinone uariagga wuṛṛu ṛingiṛṛanni ite ṛinone masemakka.

1 TESALONIKA 5:6 Referans Kwoze

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.

MATIUS 24:42

Nariaddi, paatehamma, ana waugu yamiu wagga tingngera Mawunu sarun dumanta.

LUKAS 22:46

See i Tou nabbisara si mangitou, “Anio i yamiu mattiilla? Pabbangunte wuṛṛu a'al᷊iomanna tadea'u i yamiu tawe awono'anna.”

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

SONDAPPA 16:15

“Daringiṛṛete! I Ya'u rumanta ere taṛṛa ta'o! Al᷊al᷊uassa su taumata apan sidutu uataṛṛapa wuṛṛu uariaga peddene, ma'oman sara i tou tawe umamatta tantol᷊e wuṛṛu masili su saruannu awadaalla!”

TITUS 2:12

Darangngun Duata udde mangngaṛṛa'a si ite tadea'u tate lai mabbiakka uapapaṛṛalan apulun Duata wuṛṛu tate tumuṛṛutta apulun runia. I ite niaṛṛaanna mabbiakka sulal᷊ummu runia indi ringannu masingkata manabare, matul᷊ida wuṛṛu matuṛṛuta Ruata.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

SONDAPPA 3:2

Ana waugu udde apu'ote, wuṛṛu panohasse apa apan ta'e pia si yamiu tantal᷊anna udde taambe nate abbi. Ana waugu i Ya'u naaratingnga manungku inolaanni yamiu, taambe saran sambau apan nasuungnga su saruannu Ruata.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

1 KORINTUS 16:13

Ṛinone i yamiu paatehamma wuṛṛu matohassa sulal᷊ummu pabbiaṛṛannu ere taumatan Saṛṛani. Pammanarate ringannu waṛṛani wuṛṛu paatohassa.

1 TIMOTIUS 2:9

Ṛinone papunna wawine mallogakka watanganne ringannu tawe ete pia lembone wuṛṛu mappedetu pedeta pia atoranne. Arie mappaattu uta'a atokke maasili ara'e manga lal᷊ogakka wul᷊awanna ara'e mutiara, ara'e laubba aregane massagada.

AMSAL 19:15

Amamalassa maaola'a taumata mattiilla mal᷊angnga, wuṛṛu panginsueanne i malassa sarun amal᷊unusanna.

TITUS 2:6

Aroddi lai, tantiroi lai manga al᷊aṛṛana'a umbasana tadea'u i mangitou lai masiṛṛungnga.

1 TIMOTIUS 3:2

Sangkatou mallal᷊u'adda jamaatta ṛinone taumata tawe sal᷊ane, tumba'u sangkatou awingnge, masabare, pande, wuṛṛu maaduna; i tou maapulu manol᷊oho raho su wal᷊ene, wuṛṛu wotongnge mangaṛṛa'a taumata;

KOLOSE 4:2

Ṛinone i yamiu umal᷊iomanna ringannu ma'uddupa wuṛṛu maantaga, lapiddu maadiangkamanna su Ruata.

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

LUKAS 21:36

Paariagate, wuṛṛu sidutu a'al᷊iomanna tadea'u i yamiu matohassa mamipen al᷊awo'u hatto apan sarun mariaddi wuṛṛu i yamiu wotongnge sumaruanna Ana'u Taumata.”

LUKAS 12:39

Paanaunge indi! Unnu wisara tatahuannu wal᷊e masingkatta orassa tingngera taṛṛa ta'o rumanta, i tou sarun mandiaga tadea'u taṛṛo ta'o udde tawe maasutta sulal᷊ummu wal᷊ene.

MATIUS 25:13

See Mawu Yesus nanginsuete sasumandingnga udde arendi, “Ana waugu udde paariaga, ana waugu i yamiu wagga allone ara'e oranne.”

MATIUS 25:5

Ma'aawingnga esakka udde mal᷊annu nirumanta, nariaddi manga maṛṛuala udde niamatiilanna wuṛṛu natiille.

MATIUS 13:25

Su ṛabbi sambau, su tempo anambon taumata mattiille, seettu mabbawailla udde nirumanta nangasi'u wualannu akke su wallattu gandumma udde, see napul᷊e.

YUNUS 1:6

Sutempo apitennu apalla udde nilumintukka wowane, i tou naasangkalla si Yunus isudde tantal᷊anna mattiilla. Ana see i tou nabbisara, “Ṛatadde i'o wotongnge maatiilla su lal᷊ummu olangnge arendi! Otte pabbangunte! Aal᷊iomante su mongannu pa'iontolla. Isai masingkatta i tou sarun umakkanni ite ma'oman sara i ite tawe mate.”

2 TIMOTIUS 4:5

Salaiwe aroddi, i'o ṛinone uaparenta watangannu sulal᷊ummu al᷊awo'a apan mariaddi. Paasabare sulal᷊ummu asasusa, ola'e manaranu mabatti'u Watti'u Al᷊aluassa udde wuṛṛu amata'e ringannu mapia-pia manaranu ere sangkatou mangangimbe Ruata.

1 TIMOTIUS 3:11

Awingngi mangitou lai ṛinone taumata mapia, wal᷊ine taumata apan taṛṛa watti'u wahia. I mangitou ṛinone masingkata mattuṛṛadana, wuṛṛu tawe mamahia su al᷊awo'u inolaanna.

1 TESALONIKA 5:8

Arawe i ite indi manga taumata apan nasutta su allo apan masemakka; ana waugu ṛingiṛṛanni ite ṛinone masemakka. I ite ṛinone sidutu mangngimanna Mawu wuṛṛu mandangngu manga taumata waine wuṛṛu mangngantimma ringannu atonna manungku Ruata sarun manal᷊amatta si ite. Eteudde ahidda apan ual᷊indumma si ite sulal᷊ummu manara lumawangnga araranduma.

FILIPI 4:5

Ṛinone anambon taumata wotongnge maasilo pallal᷊agu naungngu apan mapia. Ana waugu tate mal᷊annu lai Mawu sarun dumanta.

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

WATTI'U MANGA RASUL 20:31

Ana waugu udde paariagga! Paanaunge manungku tallu tonna al᷊annune ringannu anambon allommata, allo ṛabbi, ya'u tawe illol᷊one mangngaṛṛa'a awadaalla wuṛṛu si yamiu.

LUKAS 12:37

Tumanite naauntunga manga mangangimbe apan aratinganna tantal᷊anna uaraṛṛaddo tempone mawune rumanta. Pangimante: mawune udde uasaddiate wuṛṛu mandolokku mangangimbene udde uma'ianna, see i tou nangimbete si mangitou.

MARKUS 13:37

Apa iwabbisara-U indi si yamiu, iwabbisara-U lai su manga taumata: paariagate!”

MATIUS 26:38

I Tou nabbisara su mallal᷊aṛṛenggen-Ne, “Naungku tumanite massusa, pendamanna ere matete. Atana'e i yamiu isindi, wuṛṛu pandiagate su sambau ringang-Ku.”

YESAYA 56:10

Mawu nabbisara, “Manga piaṛṛa'u pabbawala-U uddewe manga taumata wuta! I mangitou waggan apa-apa. I mangitou naal᷊ihidda asu mou apan tawe tumawanna, arawe sidutu mattiilla wuṛṛu mabbal᷊iawa. Lal᷊umanna'a atonna i mangitou mattiilla!

1 TIMOTIUS 2:15

Salaiwe aroddi, wawine sarun masal᷊amatta ringannu mangunsiwen ana'a, sambal᷊iate i tou ringannu masaṛṛionto'a sidutu mangngimanna si Kristus wuṛṛu sidutu marangngu taumata waine wuṛṛu mabbiakka hunane su Ruata sassane.

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

1 TESALONIKA 4:13

Manga tuṛṛangnga, i yami maapulu tadea'u i yamiu maasingkata apa apan ṛinone su ola'u manga taumata apan natete; tadea'u i yamiu tawe masusa naungnga ere manga taumata waine apan tawe antimme.

1 TESALONIKA 5:10

I Tou nate hunan kite, tadea'u su tempo i Tou rumanta apia – tanne i ite ta'e wiakka, ara'e natete – i ite wotongnge mabbiakka su sambau ringanni Tou.