1 TESALONIKA 5:5 - WUKE SUSI WATTI'U AL᷊AL᷊USASSA

⁵ Tuṛṛanga sarangkanambone eteudde taumata apan mabbiakka sulal᷊ummu asasemakka; i yamiu nasutta su allo apan masemakka. I ite wal᷊ine taumata apan mabbiakka sulal᷊ummu araranduma, ara'e nasutta su ṛabbi apan marandumma.

1 TESALONIKA 5:5 Referans Kwoze

EFESUS 5:8

I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

YOHANES 12:36

Pangimante su semakka udde, tantal᷊anna semakka udde ta'e ringanni yamiu, tadea'u i yamiu maola'a al᷊aṛṛana'u asasemakka.” Napawe Mawu Yesus suete nabbisara aroddi, i Tou nangingkatte wua isudde wuṛṛu maddirite mattingkapasilom batangan-Ne si mangitou.

LUKAS 16:8

Ne mawu mangangadon roitta apan taṛṛa l᷊inga udde nadalo si tou ana waugu inolaanne apan mangngapande udde; ana waugu manga taumatan runia indi mappandeanna mangatokku manara mangitou wuassu mangatokku taumata apan mabbiakka sulal᷊ummu asasemakka.”

1 TESALONIKA 5:8

Arawe i ite indi manga taumata apan nasutta su allo apan masemakka; ana waugu ṛingiṛṛanni ite ṛinone masemakka. I ite ṛinone sidutu mangngimanna Mawu wuṛṛu mandangngu manga taumata waine wuṛṛu mangngantimma ringannu atonna manungku Ruata sarun manal᷊amatta si ite. Eteudde ahidda apan ual᷊indumma si ite sulal᷊ummu manara lumawangnga araranduma.

1 YOHANES 2:8

Salaiwe aroddi, parenta apan ta'u niwoṛṛeta indi wakku lai; ana waugu atatul᷊ide wotongnge aellehanna su wadangi Kristus wuṛṛu lai su wadangi yamiu. Ana waugu araranduma mabbul᷊ite wuṛṛu asasemakka apan atonna mannatake lullansiangnga.