1 TESALONIKA 5:3 - WUKE SUSI WATTI'U AL᷊AL᷊USASSA

³ Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

1 TESALONIKA 5:3 Referans Kwoze

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

2 TESALONIKA 1:9

Manga taumata udde sarun manengkamma ṛuumanna papate sarangkal᷊o'engnge, iramme su liudde wuassu ammul᷊annu taumata Mawu wuṛṛu wuassu taṛṛino-Ne apan mawantuga;

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

2 PETRUS 2:4

Manga mala'ekatta apan marosa lai tawe iwalan Duata mal᷊iu wuassu ṛuumanna, ewe'e iramme sulal᷊ummu naraka. I mangitou iwontola sulal᷊ummu rampissa apan maranduma wuṛṛu taṛṛanganna poiaroddi madatingngu Allo Pamarikisanna.

YEREMIA 4:31

I ya'u naaringikka tingikku sasal᷊iomanna ere wawine apan mangunsiwete; ere wawine wakku mangunsiwen anangnge apan paarorone, etearoddi lal᷊uain Yerusalem apan maappu sasangngone. Limane ia'uawa wuṛṛu i tou sussal᷊ande, “Nasilakate i ya'u – i ya'u pateanten seetta!”

WATTI'U MANGA RASUL 13:41

‘Panutukka paapia-pia, ei yamiu manga taumata apan ma'apulu mangal᷊uandaga! I yamiu sarun maherangnga see mate! Ana waugu su tempo indi ya'u tantal᷊anna ma'ola'a manga apa apan tawe pangimananni yamiu sassane salaiwe pia taumata mannal᷊a'a si yamiu.’ ”

YEREMIA 22:23

I yamiu matana'a ringannu mal᷊angnganna papal᷊iwutannu manga diṛṛi cemaran Libanon, arawe sal᷊immurine napawe i yamiu aṛṛiaannu atataddu'a, i yamiu sarun matataṛṛangnga ere wawine apan tantal᷊anna mangngunsiwe.”

YEREMIA 13:21

Apa apan sarun iwisarang kamiu amungkangngu manga taumata apan haggaweanni yamiu namaddo wuṛṛu uataṛṛino si yamiu? I yamiu sarun maapendamma hiadda ere wawine apan tantal᷊anna mangngunsiwe.

YEREMIA 6:24

Naaringikka watti'a udde, tumana'u Yerusalem nabbal᷊i nallome. I mangitou naapendamma atata'utta, wuṛṛu uatataṛṛangnga ere wawine apan mangunsiwete.

YESAYA 56:12

Manga mabbawu'anna udde mabbisara, ‘Wette i ite ma'inumma anggore wuṛṛu ma'inumma sara mawusa! Tiṛṛabbi sarun mappianne wuassu allo indi!’ ”

DARALO 48:6

Arawe naasilo wuidda udde, i mangitou niagukke; i mangitou nata'utta wuṛṛu tinumal᷊angnga nial᷊iwune.

NAHUM 1:10

I'o sarun soṛṛowanna ere laṛṛami apan namarate ere aputta ṛoaanna apan uaandongnga.

IBRANI 12:23

I yamiu nassemodda su ammulanna apan maal᷊uassa – ammul᷊annu al᷊aṛṛana'a pahul᷊un Ruata, apan manga aranne uawoṛṛetta sulal᷊ummu surga. I yamiu nirumanta sumaruanna Ruata, Mallaṛṛuungngu walahannu taumata. I yamiu sumaruanna manga ghaṛṛaho manga taumata mapia, apan suete niola'a nasuungnga.

HOSEA 13:13

Israel uatahuanna tempo ipabbiakka, arawe i tou aroddi awoddone na'oman sara tawe nappaattu tempone udde. I tou naal᷊ihidda ana'a addio'a apan tate mal᷊annu lai masungkangnga arawe maddiri sumabbangnga wuassu illoṛṛon inangngene.

YESAYA 30:13

Ana waugu udde i yamiu nassal᷊a. I yamiu naal᷊ihidda tanda'a matanggakka apan nawa'a wua doso naddatingngu wowane; ringannu sangkaṛṛondappa i yamiu sarun maṛṛa'a.

TAHIUL᷊E 29:19

Suwallatti yamiu apan naaringikka atoranna apan masahadda udde, imbaṛṛangnga piaddu maṛṛingidda manungku ola'u pabbiaṛṛanne sidutu mapia, salaiwe i tou ringannu apulun naungnge niumamatta su lal᷊anne sassane. Olangnge udde sarun maawinasa si yamiu sarangkanambone, manga taumata lal᷊eo ara'e lai taumata mapia.

MATIUS 23:33

I yamiu lal᷊eo wuṛṛu papapulunnu taumata lal᷊eo! Ereapa i yamiu wotongnge manal᷊amatta wadangngi yamiu wuassu ṛuumanna su naraka?

AYUB 15:21

Manga tingikka ma'ikkatta mammengella tal᷊ingane; sutempo apan malangnganna maraṛṛampassa rumanta mamangalo si tou.

DARALO 35:8

Wala'e i mangitou aemaannu papate ringannu awagananna. Wala'e i mangitou asametannu seddane sassane ana see manawo wuṛṛu mate.

DARALO 55:15

Dorone i ite uahahawe ringannu mapia, wuṛṛu wotongnge mattaṛṛamawu suadio'a su Wal᷊en Mawu.

DARALO 69:22

Ewe'e lai i ya'u nionggol᷊annu racunna iapaanna; sutempo marou, i ya'u nionggol᷊annu cuka niapa'inumma.

YESAYA 20:6

Sutempo udde manga taumata apan uatana'a su apanne sarun mabbisara, ‘pa'ellege apa apan nariaddi su walahanna apan ipangngasakki ite tadea'u mallu'adda si ite wuassu ratun Asyur. Ereapa wotongnge i ite masal᷊amatta?’ ”

YESAYA 29:5

Arawe anambon taumata raho apan maṛṛagissa udde sarun mawul᷊i naal᷊ihidda awu wuṛṛu wal᷊a'a nitiuppu anginna. Ringannu sangkaṛṛondappa wuṛṛu tawe niaṛṛangngo.

YESAYA 47:9

Arawe tumba'u sangkaṛṛondapa, sulal᷊ummu allo massallo, hatto darua udde sarun mariaddi maṛṛindo'a. Salaiwe i'o mappaattu wal᷊i'imata wuṛṛu laṛṛopa, awingngu esakka wuṛṛu anangungu insueanna lai.

YESAYA 47:11

Arawe i'o sarun aṛṛiaannu silaka, pani'annu tawe maal᷊inda'u silaka udde. I'o sarun dantannu asasilaka, wuṛṛu tawe maaro'appa. Apapate sarun dumanta ringannu mamaṛṛoro, wuṛṛu tawe iaṛṛangngonu dorone.

YEREMIA 6:14

Manga lessan uma-U antimanni mangitou tumba'u lessa addio'a. ‘Ah, tawe apane,’ unni mangitou, ‘sarangkanambone mapia wuṛṛu mal᷊angnganna.’ Sumbal᷊i tawe aroddi.

YEREMIA 8:11

Manga lessan uma-U su sunna mangitou tumba'u lessa addio'a. ‘Eh, tawe apa-apane,’ unni mangitou, ‘Sarangkanambone mapia wuṛṛu mal᷊angnganna.’ Wutte'e mangke tawe.

YEREMIA 14:19

Mawu, apa Yehuda buatte nito'e-Nu atonna-tonna wuṛṛu tumana'u Sion iaarantin-Nu? Anio aroddi aikkanne I'o namuulla si yami na'oman sara i yami tate lai mapia? Tate gunane i yami maddea'a paddarame, tate gunane i yami mangngantimma aaul᷊en baddangnga, ana waugu nallambe ete tumba'u araṛṛagissa.

YEHEZKIEL 13:10

Ei manga nabi awusu! I yamiu buatte nangal᷊iwun uma-U ringannu mabbisara manungku sarangkanambone mal᷊angnganna wuṛṛu naatokke. Sumbal᷊i wutte'e mangke tawe! Uma-U buatte napararisikku tanda batu tela apan mal᷊oangnga addone, wua'udde i yamiu rumanta wuṛṛu mamuṛṛa.

YOHANES 16:21

Amungkangngu sangkatou wawine maraniten mangunsiwe, i tou massusa, ana waugu temponete i tou matataṛṛangnga. Arawe aroddi anangnge niasungkangnga, wawine udde naabul᷊iten asasusane ana waugu lulluassa manungku sangkatou ana'a niasungkangke su runia.

MAL᷊AṚṚUUNGNGA 8:11

I Gideon nirumurukka su passarannu wadda'u anne su samba'a ra'in Nobah wuṛṛu Yogbeha ana see namangalo seetta ringannu namaṛindu'a.

AYUB 24:23

Ruata nangonggolla si tou wiakka su lal᷊umanna'a, arawe ual᷊u'adda si tou tawe illol᷊one.