1 TESALONIKA 5:11 - WUKE SUSI WATTI'U AL᷊AL᷊USASSA

¹¹ Ana waugu udde ṛinone i yamiu sidutu uasasasa wuṛṛu uatatohassa ere lai a'olaanni yamiu orassa indi.

1 TESALONIKA 5:11 Referans Kwoze

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

IBRANI 10:25

Ṛinone i ite sidutu ma'ammula suadio'a, wuṛṛu imbaṛṛanga wolo'a ere taumata waine. I ite ṛinone lembon satia wuṛṛu uatatohassa, ana waugu i ite masingkata manungku tate mal᷊annu lai Mawu sarun dumanta.

ROMA 15:2

Arawe i ite sambau-sambau ṛinone malluassa naungngu tuṛṛangngi ite su apapiane, tadea'u pangngangimanne aatambanna atohanne.

IBRANI 3:13

Nariaddi, tadea'u tawe saran sangkatou wuassu wallatti yamiu apan awono'annu rosa na'oman sara lumawangke Ruata, ṛinone i yamiu uatataggu su miallo-miallo tantal᷊anna i ite ta'e mabbiakka su tempo apan isassago “Allo Indi” sulal᷊ummu Wuke Susi.

1 TESALONIKA 4:18

Ana waugu udde, ṛinone i yamiu uatatohassa naungnga ringannu mappaamattu manga wisara indi.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

1 KORINTUS 14:12

Su ola'i yamiu sassane, i ya'u masingkata manungku i yamiu maapulu atonna-tonna maasomba al᷊amatta wuassu Ghaṛṛahon Duata. Arawe lembon apianne, ṛinone i yamiu madea'a mappaattu apandenu mantul᷊ungngu jamaatta ana see aatambanna apiane.

EFESUS 4:12

Indi niolang-Nge tadea'u al᷊aṛṛana'u Ruata masuungnga wuṛṛu wotongnge mangimbe Mawu wuṛṛu mapararisikku wadangngi Kristus.

YUDAS 1:20

Arawe i yamiu manga tuṛṛangku, paddul᷊ianete siddutu wiakku sulal᷊ummu pangangimannu si Yesus Kristus. Pangangimannu udde lembon susi. Tantal᷊anna udde aal᷊iomante ringannu Taṛṛinon Ghaṛṛahon Duata,

EFESUS 4:16

Sulal᷊ummu piaṛṛa-Nge, anambon wageangngu wadangnga udde uaatokka mapia, wuṛṛu pinasasamputu manga latto'anne sambau-sambau. Wuṛṛu amungkangu suapan wageangnge udde mammanara su atokke, ne ahewallu wadangnga udde sarun tumuwo mabbal᷊i timmade wuṛṛu matohassa sulal᷊ummu darangngu.

1 KORINTUS 10:23

Unnu taumata, “I ite wotongnge ma'ola'a al᷊awo'u apa ipaapulun kite.” Atonna! Arawe tawe anambon apa ipaapulun kite udde pia gunane. “I ite wotongnge ma'ola'a walate naungngi ite” – arawe tawe sarangkanambone ipaapulun kite udde maatamba pabbiaṛṛani ite.

2 PETRUS 1:12

Ana waugu udde, i ya'u siddutu mapaanaungnga si yamiu su olangnge udde, salaiwe i yamiu masingkatte wuṛṛu mangke mangngimanna al᷊aṛṛa'u Ruata apan suete nisengkammi yamiu udde.

2 KORINTUS 12:19

Wotongnge mariaddi yamiu massunna, al᷊annunete indi yami tantal᷊anna mangngambangnga watanganni yami su saruanni yamiu? I yamiu nial᷊iwune atonna! Ruata masingkata manungku al᷊awo'u wisaran kami udde tumuṛṛuttu apulun Kristus. Wuṛṛu al᷊awo'u inolaanni yami udde niola'a ipannohassa pangangimanni yamiu.

1 KORINTUS 14:29

Darua ara'e sire tallu apan uatahuanna watti'a wuassu Ruata ṛinone mamasingkattu watti'a udde tantal᷊anna waine maṛṛingiddu apa apan iwabbisara udde.

ROMA 15:14

Manga tuṛṛangku! I ya'u mangngimanna manungku manambo atonna apapia si yamiu. I yamiu lai masingkatu sarangkanambone wuṛṛu wotongnge lai mangaṛṛa'a sandingananna.

1 TIMOTIUS 1:4

Wal᷊oa'a si mangitou tadea'u ariete lai maddaringikka manga wa'e wuṛṛu manga watti'u arariaddiannu walahanna apan tawe panginsueanne. Sarangkanambone udde tumba'u mandantan pabbawawul᷊o, wuṛṛu tawe mappaamattu pandumannu Ruata apan tumba'u wotongnge aillal᷊anna sulal᷊ummu pangangimanna si Tou.

1 TESALONIKA 4:10

Wuṛṛu olangnge indi suete niapaal᷊iatta'i yamiu su saruannu manga tuṛṛanga apan pangangimanna sambau su Makedonia. Arawe manga tuṛṛangnga, i yami sumal᷊ande atonna si yamiu, tadea'u wiakki yamiu maola'a lembon apianne lai.

1 KORINTUS 14:5

Lembon apianne amungkangngu i yamiu sarangkanambone wotongnge mabbisara ringannu alawo'u sasinaukka apan maaṛṛindu'a. Arawe lembon apianne eteudde amungkangngu i yamiu wotongnge mabbatti'u manga apulun Duata. Ana waugu taumata apan mabbatti'u watti'a wuassu Ruata, maggewal᷊anna wuassu taumata apan mabbisara ringannu al᷊awo'u sasinaukka apan maaṛṛindu'a; waine lai olangnge amungkangngu taumata apan mabbisara sulal᷊ummu al᷊awo'u sasinaukka apan maaṛṛindu'a udde wotongnge manal᷊a'a apa apan iwabbisarane udde, tadea'u anambon jamaatta maasomba hessine, ara'e wuane.