1 TESALONIKA 4:6 - WUKE SUSI WATTI'U AL᷊AL᷊USASSA

⁶ Sulal᷊ummu olangnge ereudde, arie saran sangkatou ma'ola'a pasasal᷊a su tuṛṛangnge, ara'e mallinga. Dorone yami suete napaanaungnga ringannu atonna si yamiu, manungku Mawu sarun maṛṛuumannu manga taumata apan ma'ola'a manga pasasal᷊a ereudde.

1 TESALONIKA 4:6 Referans Kwoze

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

ROMA 12:19

Manga tuṛṛangku! Arie saran paassa i'o mangune, wala'e Ruata maṛṛuumanna. Ana waugu sulal᷊ummu Wuke Susi uawoṛṛetta, “Ete i Ya'u apan mabbal᷊issa, i Ya'u sarun maṛṛuumanna, unnu wisaran Mawu.”

SASABANGNGA 20:17

Imbaṛṛangnga numemma darotongngu taumata waine, wal᷊ene, awingnge, manga allangnge, winatangnge, keledaine, ara'e sarangkanambone apan tatahuananne.”

ROMA 1:18

Wuassu surga Ruata napaal᷊iatta'u asasa'u-Ne su anambon rosa wuṛṛu al᷊al᷊eon taumata, ana waugu al᷊al᷊eo mannal᷊are taumata ma'illal᷊a al᷊aṛṛa'u Ruata apan atonna.

AMSAL 28:24

Isai manna'o darotongngu hagurangnge i tou massunna manungku udde wal᷊ine rosa, naal᷊ihidda manga taṛṛa ta'o waine.

SASABANGNGA 20:15

Imbaṛṛanganga manna'o.

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

YAKOBUS 2:6

Arawe i yamiu ewe'e mangngal᷊uandaga taumata asiangnga, wutte'e ete taumata ala apan mandal᷊eo wuṛṛu mangngapidi yamiu watukku pallaṛṛuumanna.

GALATIA 5:21

mangngune, mabbu'anna, taṛṛa ramea wuṛṛu al᷊awo'u inolaanna waine. Sulal᷊ummu sarangkanambone udde i ya'u mapaanaungnga si yamiu orassa indi, su ereapa lai ya'u napaananungnga si yamiu rorone, manungku manga taumata apan ma'ola'a inolaanna ereudde tawe maola'a al᷊aṛṛana'u Ruata.

ROMA 13:4

Ana waugu tembonanne udde, allangngu Ruata apan mammanara hunane ipadde'a apapianu. Arawe amungkangngu i'o ma'ola'a al᷊al᷊eo, i'o ṛinone mata'utti tou, ana waugu wal᷊inewe tawe mangal᷊ene i tou maṛṛuumannu taumata. Ete i tou allangngu Ruata, apan mangngonggolu ṛuumannu Ruata su manga taumata apan ma'ola'a al᷊al᷊eo.

LUKAS 12:5

Mappianne Ta'u ita'e si yamiu apan ṛinone iaata'utti yamiu. Ata'utten Ruata! Ana waugu napawe suete namate, i Tou uataṛṛino lai mandammenu sulal᷊ummu naraka! Pangimante, tumba'u i Tou iaata'utti yamiu.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

YEHEZKIEL 22:13

Arawe orassa indi i Ya'u sarun mandissa manga mangangaṛṛo wuṛṛu mamamate si yamiu.

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

EFESUS 5:6

Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

EFESUS 4:17

Ana waugu udde ringannu arannu Mawu, ete indi apan ta'u iwal᷊o wuṛṛu ipanohassa: ariete lai mabbiakka ere taumata apan tawe maaillal᷊a Ruata, wuṛṛu maṛṛingiddu runia indi.

MARKUS 10:19

I'o masingkatte manga parenta Ruata, ‘Arie pamate, arie passandaga, arie panna'o, arie mattiala awusu, arie pallinga, pangaddatta iamangngu wuṛṛu inangngu.’ ”

ZEFANYA 3:5

Arawe Mawu ta'e su soa udde; i Tou sidutu ma'ola'a apapia wuṛṛu taweddu massal᷊a. Suapan marua allo i Tou sarun mangonggollu atatul᷊idda su uman-Ne. Arawe, taumata apan tawe maaillal᷊a atatul᷊idda su soa udde sidutu ma'ola'a al᷊al᷊eo ringannu tawe masili.

ZEFANYA 3:1

Niawontohante Yerusalem, soa mal᷊awangnga apan apulune mammangalo Mawu wuṛṛu mangngallanga tumanangnge sassane!

YEREMIA 9:4

Su saruannu hawe, suapan taumata ṛinone paatehamma wuṛṛu tuṛṛangnga sidutu lai tawe apangimananna. Ana waugu, ere i Yakub aroddi lai i mangitou, sambau-sambau mammahia tuṛṛangnge. Suapan taumata u'amatta suapa-suapa tadea'u mannal᷊iawukku oddatta wuṛṛu awusu.

YEREMIA 7:6

Ariete lai mangallangnga taumata raho, ana'a asisitimpal᷊ussa, wuṛṛu manga wawine wal᷊u. Arie mamate taumata apan tawe sal᷊ane su wanua indi. Imbaṛṛangnga massubba manga mawu waine, ana waugu olangnge sarun maapate si yamiu.

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

MANNANASE 5:8

Ewe'e wiakku ratu lai uaantimma hessin pangitinganna.

AMSAL 20:23

Aul᷊aanna wuṛṛu watun timbanganna apan mallinga tawe ial᷊uassa Mawu.

AMSAL 20:14

Mamamalli sidutu sussal᷊iomannu aregga masaggadda. Arawe napawe buatte namalli lulluassa ringannu aregga apan niasombanganne.

AMSAL 11:1

Mawu maddantinnu taumata apan mappaattu timbanganna ipallinga arawe i Tou mal᷊uassa ringannu taumata apan mappaattu timbanganna naṛṛino.

DARALO 140:12

Wala'e taumata apan ma'ola'a pabbawawul᷊o aṛiaannu asasilaka, arie pabbala'a taṛṛa al᷊uandaga uatana'a su runia.

DARALO 94:1

Oh Ruata, ete I'o Ruata apan mabbal᷊issa, pal᷊iatta'e wawal᷊in-Nu, oh Mawu.

TAHIUL᷊E 32:35

Mawu sarun mabbal᷊issa wuṛṛu makkuumanni mangitou, tate mal᷊annu lai i mangitou mate; napawe tempo papaten mangitou udde rumantate.

TAHIUL᷊E 24:7

Taumata apan nanametta taumata sambalahanne ana see i tou niola'a allangnga ara'e niwal᷊u'a, ṛinone i tou iṛṛuumanna pateanna. Ringanni aroddi yamiu mangnginsue al᷊al᷊eo.

IMAMATTA 25:17

Imbaṛṛangnga mamahia su sansul᷊ungngu taumatan Israel, arawe ṛinone i yamiu mata'uttu Mawu, Ruatanu.

IMAMATTA 25:14

Nariaddi amungkangngu i yamiu mabbal᷊u'u leta'a su sansul᷊ungngu taumatan Israel, ara'e mamalli leta'a wuassi tou, imbaṛṛangnga mabbawalli udde ṛingannu tawe su tul᷊idde.

IMAMATTA 19:13

Imbaṛṛangnga mangallangnga sansul᷊ungngu ara'e mangaṛṛo saranapane. Lalantaku sangkatou apan mammanara ringannu arie pattaṛṛange, salaiwe tumba'u saṛṛabbi.

IMAMATTA 19:11

Imbaṛṛangnga manna'o, mallinga ara'e mangawusu.

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.

MIKHA 2:2

Amungkangngu i mangitou maapulun sambau wawail᷊anna, i mangitou sarun mangaṛṛo. Amungkangngu i mangitou maapulu sambau wal᷊en, i mangitou manganu wal᷊en udde. Mawae darotongnga ara'e lai amonanna, taweddu matamudda.

AMSAL 16:11

Mawu mappandumma taumata al᷊auanne matul᷊idda sulal᷊ummu mabbal᷊u'a, se'e lai sulal᷊ummu mappaattu aul᷊aanna wuṛṛu timbanganna.

LUKAS 16:28

Pia sire lima tuṛṛangku isudde. Doloṛṛa'e Lazarus mapaanaungnga si mangitou, tadea'u arie i mangitou lai manawo su tampan sansara indi.’

2 KORINTUS 7:11

Annama'a i yamiu panutukka, apa asombangani yamiu wuassu asasusa apan su lal᷊annu apulun Duata! Sombangnge eteudde i yamiu atonna-tonna maṛṛusahadda manilangnga apan mal᷊abukka! I yamiu naola'a maddantinu rosa, i yamiu mata'utta, i yamiu marangngu, i yamiu naola'a matohassa, i yamiu maapulu maṛṛuumannu taumata nassal᷊a! Sulal᷊ummu al᷊awo'u hatto indi, yamiu buatte napaal᷊iatta'a manungku i yamiu tawe nassal᷊a.

1 TESALONIKA 2:11

I yamiu masingkata manungku i yami ma'ola'a si yamiu sambau-sambau ere sangkatou iamangnga mammadul᷊i al᷊aṛṛanangnge.

IBRANI 2:6

Arawe su sambau wageangnge sulal᷊ummu Wuke Susi uawoṛṛetta arendi, “Apate taumata udde, o Ruata, na'oman sara I'o sidutu uanaungnga si tou? Taumata tumba'u taumata, arawe I'o sidutu mappadul᷊i si mangitou!