1 TESALONIKA 4:4 - WUKE SUSI WATTI'U AL᷊AL᷊USASSA

⁴ Suapan esakka su wallatti yamiu ṛinone maasingkata ereapa mabbiakka ringannu awingnge wuṛṛu ringannu inolaanna apan maal᷊uassa naungngu Ruata wuṛṛu taumata.

1 TESALONIKA 4:4 Referans Kwoze

1 KORINTUS 7:9

Arawe amungkangngu i'o tawe maaṛṛadannu apulunu, mappianne i'o paawingnga. Ana waugu mappianne i'o maawingnga sul᷊ungngu'e apulunu tawe iaṛṛadanna.

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

1 PETRUS 3:7

Wuṛṛu i yamiu lai, manga awingnga esakka, ṛinone mabbiakka ringannu napenen pasasunna su saruannu awingngu, wuṛṛu ringannu asingkata manungku ete i mangitou udde walahanna apan lome. Olaawe i mangitou ringannu addata, ana waugu i mangitou su sambau ringanni yamiu, sarun manengkamma al᷊amattu pabbiaṛṛana apan tutune wuassu Ruata. Olaawe indi, tadea'u taweddu maasal᷊awa'a aal᷊iomannu.

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

1 KORINTUS 6:15

Manga tuṛṛangnga masingkata manungku wadangngu eteudde wageangngu wadangngi Kristus. Nariaddi wotongngewe i ya'u manganu sambau wageangngu wadangngi Kristus, see olaanna wageangngu wadangngu sangkatou wawine masandaga? Mangke tawe wotongnge!

1 KORINTUS 7:2

Arawe tadea'u tawe awono'anna ma'ola'a al᷊awo'u al᷊al᷊eo, mappianne suapan taumata esakka pia awingnge sassane wuṛṛu suapan taumata wawine pia awingnge lai sassane.

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

ROMA 6:19

Ana waugu pasasunnanu aroddi al᷊omene, i ya'u mappaattu manga ola'u patataṛṛuallangnga tadea'u i yamiu wotongnge maasunna. Dorone i yamiu mannantillu ririnu maola'a allangngu manga inolaanna apan maarantina wuṛṛu apan lal᷊eo su pandumanna apan lal᷊eo. Aroddi lai orassa indi, ṛinone i yamiu manantillu ahewallu watanganni yamiu maola'a allangngu apulu Ruata su pandumannu Ruata sassane.

ROMA 1:24

Ana waugu udde Ruata namala mangitou tuttuṛṛutta apulu naungngi mangitou ma'ola'a al᷊al᷊eo na'oman sara i mangitou lai ma'ola'a al᷊al᷊eo su sansul᷊ungngu taumata.

WATTI'U MANGA RASUL 9:15

Arawe Mawu nabbisara si Ananias, “Roote! Ana waugu i Ya'u suete namile si tou mangimbe si Ya'u, tadea'u i tou mamasingkatta su ola'u riri-U su manga walahanna waine apan agamane wal᷊ine Yahudi wuṛṛu su manga ratu wuṛṛu lai su walahannu Israel.

2 KORINTUS 4:7

Arawe darotongngu surga apan maṛṛamaga udde iaapiddi yami su wadangngi yami apan tawe aregane indi apan niola'a wuassu leta'a. Ringannu aroddi nilumiatta'e manungku awawantugu taṛṛino udde su Ruata wal᷊ine si yami.

1 SAMUEL 21:5

I Daud sinumimbakka, “I mangitou tawe na'ola'a patatamba udde. Sidutu sauapawe yami mammanara, allangku mandiaga tadea'u i mangitou waresi tumuṛṛuttu agana, wutte'e wiasane udde tumba'u manga manara wiasa; nangillembo lai manara apan al᷊aṛṛaene orassa indi!”