1 TESALONIKA 4:1 - WUKE SUSI WATTI'U AL᷊AL᷊USASSA

¹ Panginsueanne manga tuṛṛangnga, i yami suete nanul᷊ada si yamiu su ola'u ereapa i yamiu ṛinone mabbiakka malluassa naungngu Ruata. Atonna i yamiu suete nabbiakka ereudde. Arawe orassa indi sulal᷊ummu taṛṛinon Mawu Yesus, i yami sumal᷊ande si yamiu wuṛṛu mamata'i yamiu tadea'u i yamiu lembon maddea'a lai olangnge udde!

1 TESALONIKA 4:1 Referans Kwoze

KOLOSE 1:10

Ringannu aroddi yamiu wotongnge mabbiakka tuttuṛṛuta apulun Duata, wuṛṛu sidutu malluassa naugnge, na'oman sara sulal᷊ummu al᷊awo'u inolaanna i yamiu wotongnge mamasilo manga inolaanna apan mapia. Wuṛṛu asingkati yamiu su ola'u Ruata sarun aatambanna lai.

2 TESALONIKA 1:3

Manga tuṛṛangnga, i yami siddutu ma'adiangkamanna su Ruata ana waugu i yamiu. Wuṛṛu mangngimanna si Kristus, wuṛṛu i yamiu lembon uararangngu sangkatou ringannu waine.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

IBRANI 13:16

Arie ma'abul᷊i ma'ola'a apapia wuṛṛu uatatul᷊ungnga, ana waugu eteindi manga sasamba apan ma'al᷊uassa naungngu Ruata.

FILIPI 1:9

Ete indi aal᷊iomangku si yamiu: doronganna i yamiu lembon mandangngu Ruata wuṛṛu sansul᷊ungngu taumata wuṛṛu sidutu aatambanna sulal᷊ummu asingkatta apan ṛinone wuṛṛu ṛingiranna apan pande.

1 TESALONIKA 3:12

Antimanna Mawu ma'ola'a si yamiu lembon marangngu sangkatou ringannu waine wuṛṛu lembon marangngu su anambon taumata, na'oman sara darangngunu udde aatambanna, ere lai darangngun kami si yamiu.

FILIPI 3:14

Ana waugu udde i ya'u sidutu tuttal᷊angnga mattuddan tampa panguddusanne ana see maasomba auntunganna, eteudde mabbiakka su surga; ana waugu udde Ruata namaggo si ite sulal᷊ummi Kristus Yesus.

1 YOHANES 3:22

Wuṛṛu apa apan radoronganni ite wuassi Tou, i ite sarun maasomba, ana waugu i ite tuttuṛṛuta manga parenta-Ne wuṛṛu ma'ola'a apa apan maal᷊uassa naung-Nge.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

AYUB 17:9

Taumata mapia wuṛṛu tawe sal᷊ane, mangke mangngimanna ola'u wiakka apan ipaapulun Duata.

2 TESALONIKA 3:1

Panginsueanne, Manga tuṛṛangnga, aal᷊iomana'awe i yami. Aal᷊iomante tadea'u watti'a wuassu Mawu wotongnge siddutu massal᷊iawukka ringannu mal᷊ihakka wuṛṛu sengkamanna ringannu mapia, ere lai suete nariaddi si yamiu dorone.

2 TESALONIKA 2:1

Su ola'u daranta Mawun kite Yesus Kristus, wuṛṛu su ola'u i ite iammulle iapaatana'a suaddio'a ringanni Tou, ete indi ta'u doronganna si yamiu:

KOLOSE 2:6

Manga tuṛṛangnga suete nanengkamma si Kristus Yesus maola'a Mawu. Ana waugu udde ṛinone i yamiu mabbiakka su sambau ringanni Tou,

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

DARALO 92:14

I mangitou naal᷊ihidda punnu alu apan nisuanna su Wal᷊en Mawu, wuṛṛu sinumindumunna su Wal᷊en Ruatan kite,

1 TESALONIKA 4:2

Ana waugu i yamiu suete naasingkata manga tatantiro apan suete nionggoli ami si yamiu sulal᷊ummu taṛṛino Mawu Yesus.

2 KORINTUS 5:9

Ana waugu udde yami sidutu madea'a atonna-tonna ipalluassa naung-Nge, mawae tantal᷊anna i yami ta'e uatana'a su wal᷊en kami isindi, ara'e poiaroddi.

ROMA 8:8

Manga taumata apan mabbiakka tuttuṛṛutta pallal᷊agun taumata, tawe maal᷊uassa naungngu Ruata.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

IBRANI 13:22

I ya'u sumal᷊ande tadea'u i yamiu tumuṛṛutta manga tatantiro'u indi ringannu masabare, ana waugu sura'u indi tawe tumaniten mal᷊o'e.

IBRANI 11:6

Amungkangu tawe pangangimanna, tawe saran sangkatou apan wotongnge maal᷊uassa naungngu Ruata. Ana waugu taumata apan rumanta ringannu Ruata ṛinone mangngimanna manungku pia Ruata, wuṛṛu manungku Ruata mangonggolu wawal᷊inne su taumata apan maddea'a si Tou.

EFESUS 5:17

Arie awodoanna, ewe'e panaṛṛasidde apa apan ipaapulu Mawu.

EFESUS 4:20

Arawe Kristus Yesus apan asingkatanni yamiu wal᷊inewe aroddi!

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

1 KORINTUS 15:1

Wuṛṛu orassa indi, manga tuṛṛangnga, i ya'u maapulu i yamiu mannaungnga apia Watti'u Al᷊al᷊uassa wuassu Ruata apan dorone ta'u niapaasingkata si yamiu. I yamiu mannengkamma, wuṛṛu mangngimanna si Kristus ana waugu Watti'u Al᷊al᷊uassa udde.

1 KORINTUS 11:23

Ana waugu apan ta'u iaṛṛa'a si yamiu, udde ta'u sinengkamma wuassu Mawu sassane; manungku su ṛabbi udde su tempo Mawu Yesus, Mawun kite nilal᷊eo, i Tou nanganu roti,

WATTI'U MANGA RASUL 20:27

Tawe saran paassa i ya'u tinumal᷊angnga wuassu manara'u mannal᷊a'a si yamiu anambon pandumannu Ruata.

2 TIMOTIUS 4:1

Kristus Yesus sarun rumanta apia su runia indi mamarikissa manga taumata apan wiakka wuṛṛu nate; wuṛṛu i Tou sarun rumanta mamarenta ere sangkatou Ratu. Ana waugu udde i ya'u sumal᷊ande si yamiu su saruannu Ruata wuṛṛu Kristus Yesus;

1 TIMOTIUS 5:21

Su saruannu Ruata, Kristus Yesus wuṛṛu manga mala'ekatta apan napile, i ya'u sumal᷊ande tadea'u i'o tumuṛṛutta manga tatantiro indi ringannu tawe massunna lal᷊eo su saruanni sai-sai ringannu tawe masasamba'a.

GALATIA 6:1

Manga tuṛṛangnga! Amungkangngu sangkatou niaratinganna ma'ola'a rosa, ṛinone i yamiu mabbiakka tuttuṛṛuta Ghaṛṛahon Duata, mangehetta taumata udde mabbelengnga su lal᷊anna apan naṛṛino. Arawe i yamiu ṛinone ma'ola'a udde ringannu masaṛṛionto'a wuṛṛu paariagai arie ma'oman sara i yamiu sassane lai awono'anna.

1 TESALONIKA 5:12

Manga tuṛṛangnga, i yami sumal᷊ande tadea'u i yamiu mangaddata taumata apan mammanara su pattangngani yamiu; eteudde i mangitou apan suete nipilen Mawu mamiaṛṛa'a wuṛṛu manantiro si yamiu.

2 TESALONIKA 3:13

Arawe i yamiu arie paawusa ma'ola'a apapia.

2 TAWARIKH 17:4

ewe'e tumba'u mattaṛṛamawu Ruata. I tou matuṛṛutta manga parentan Duata, wuṛṛu i tou mabbiakka wal᷊ine ere manga ratun Israel.