1 TESALONIKA 3:5 - WUKE SUSI WATTI'U AL᷊AL᷊USASSA

⁵ Ana waugu udde i ya'u nandolokki Timotius, ana waugu i ya'u maapulu atonna maasingkata ereapa araṛṛimaddi yamiu mangngimanna si Kristus. I ya'u sussinggawangnga ana waugu Setanna wotongnge mamono'a si yamiu ma'oman sara anambon asasahaddi yami maola'a tate gunane.

1 TESALONIKA 3:5 Referans Kwoze

MATIUS 4:3

Setanna nirumanta wuṛṛu nabbisara, “I'o Ana'u Ruata? Ana waugu udde doloṛṛa'e manga watu indi maola'a roti.”

2 KORINTUS 2:11

I ya'u na'ola'a udde tadea'u Setanna tawe maapanganu tempone ipamarenta si ite, ana waugu i ite masingkatu manga pandumanne.

EFESUS 4:14

Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

YESAYA 49:4

Arawe i ya'u nabbisara, “Asasaha'u tawe gunane; ikka'u niinsue ringannu tawe gunane!” Arawe i ya'u mangimanna Mawu mannamba'a si ya'u, Ruata mabbal᷊issa si ya'u tumuṛṛuttu inolaangku.

GALATIA 4:11

I ya'u sussinggawangnga, aṛṛengenne asasaha'u indi si yamiu tawe gunane.

GALATIA 2:2

I ya'u inai watukku Yerusalem ana waugu Ruata buatte napaal᷊iatta'a si ya'u manungku i ya'u ṛinone inai. Wuṛṛu sulal᷊ummu sambau ammul᷊anna apan tumba'u ringannu manga piaṛṛangnge poiaroddi, ya'u mannal᷊a'an Watti'u Al᷊al᷊uassa apan iwabatti'u su manga taumata apan wal᷊ine Yahudi. Ana waugu i ya'u maddiri manara'u dorone, ara'e manara'u tempo indi maola'a tawe mangal᷊ene.

1 KORINTUS 7:5

Arie sangkawinganna udde matatal᷊ei sangkatou ringannu waine. Wotonge ewe'e tumba'u tal᷊an kadio'a, sambal᷊iate udde apulun tarua. Ringannu aroddi sangkatou-sangkatou wotongnge umal᷊iomanna ringannu tawe limbane. Arawe wua'udde, ṛinone i yamiu mabawelengnga ere sangkawinganna. Amungkangngu tawe aroddi, yamiu wotongnge awono'annu ghaṛṛaho lal᷊eo, ana waugu i yamiu tawe maataṛṛangnga apulun runia.

1 TESALONIKA 3:6

Orassa indi Timotius nabelengke wuṛṛu suete nabbatti'a si yami watti'a maal᷊uassa su ola'u ereapa i yamiu mangngimanna si Kristus wuṛṛu uararangngu. I tou namasingkata si yami manungku i yamiu sidutu mangngadon pananaunganna mapia su ola'i yami sulal᷊ummu naungngu. Wuṛṛu i yamiu maapulu maisasomban kami, ere lai yami maapulu maisasomban kamiu.

1 TESALONIKA 2:1

Manga tuṛṛangnga! I yamiu sassane masingkata manungku patatembong kami si yamiu pia gunane.

WATTI'U MANGA RASUL 15:36

Tawe nal᷊annu wua'udde i Paulus nabbisara si Barnabas, “Wette i ite mabelengke apia mattembo manga tuṛṛangnga apan mangngimanna Mawu Yesus su anambon soa apan suete niwatti'i anni ite wisara Mawu; tadea'u i ite maasilo ereapa ola'i mangitou.”

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

FILIPI 2:19

I ya'u mangngimanna manungku ringannu tul᷊ungannu Mawu Yesus, i ya'u ringannu mal᷊ihakka nandolokki Timotius ringanni yamiu, tadea'u i ya'u maasomba al᷊al᷊uassu naungku su ola'u watti'i yamiu.

DANIEL 6:19

Wua'udde napul᷊ete ratu watukku wal᷊en araratuanna. I tou maddiri umanna ara'e lai limbatanna. Wuṛṛu suapan ṛabi udde i tou tawe maatiilla.