1 TESALONIKA 3:2 - WUKE SUSI WATTI'U AL᷊AL᷊USASSA

² tantal᷊anna i yami nandolokku tuṛṛangi ite Timotius. I tou sangkatou mamamanara Duata apan mammanara suadio'a ringanni ami mammasingkatu Watti'u Al᷊al᷊uassa su ola'i Kristus. I yami nandolokki Timotius ringanni yamiu tadea'u i tou mannohassa si yamiu wuṛṛu mangonggolu sasasa si yamiu ana see lembon mangngimanna lai si Kristus.

1 TESALONIKA 3:2 Referans Kwoze

FILIPI 1:25

I ya'u mangngimanna su olangnge udde. Ana waugu udde i ya'u masingkata, i ya'u sidutu uatana'a ringanni yamiu sarangkanambone, tadea'u wotongnge mantul᷊ungngi yamiu maola'a lembon matohassa wuṛṛu lembon mal᷊uassa sulal᷊ummu pangangimanna su Mawu.

2 KORINTUS 8:23

Su ola'i Titus, i tou udde hawe'u, apan mammanara ringangku mantul᷊ungngi yamiu. Wuṛṛu su ola'u tuṛṛangnge darua udde, apan inai suadio'a ringanni tou, ete i mangitou udde taumata apan nirolokku manga jamaatta wuṛṛu naola'a sambau awawantugi Kristus.

2 KORINTUS 1:19

Ana waugu Yesus Kristus, Ana'u Ruata, apan nipaasingkati Silas, Timotius; wuṛṛu i ya'u sassane lai, wal᷊inewe taumata “Ore” wuṛṛu “Tawe”. Arawe udde naaola'a sasimbakka “Ore” wuassu Ruata.

2 KORINTUS 1:1

Manga tuṛṛangnga jamaattu Ruata su Korintus wuṛṛu al᷊aṛṛana'u Ruata sarangkanambone su ahewallu leta'u Akhaya. I Ya'u Paulus, rasulli Kristus Yesus, apan nitenega wuassu apulun Duata, suadio'a ringannu tuṛṛangngi ite Timotius,

ROMA 16:21

Timotius, hawe'u nabbal᷊on tabeane si yamiu. Aroddi lai Lukius, Yason wuṛṛu Sosipater, i yami indi walahanna sambau.

WATTI'U MANGA RASUL 16:5

Ne manga jamaatta udde niatambante atatohassu pangangimanne, wuṛṛu miallo-miallo a'atambanna anambone.

WATTI'U MANGA RASUL 16:1

Paulus nanassute amatanne watukku Derbe, wua'udde watukku Listra. Isudde pia sangkatou mallal᷊aṛṛenggennu Mawu Yesus aranne i Timotius. Inangnge sangkatou Yahudi, apan mangngimante Mawu Yesus; arawe iamangnge taumatan Yunani.

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

KOLOSE 4:9

Onesimus sarun inai su sampunna ringanni Tikhikus; i tou sangkatou wuassu walahannu. I tou taumata matuṛṛute, wuṛṛu i yami marangngu si tou. I tou wuṛṛu Tikhikus sarun mamasingkata si yamiu alawo'u apa apan nariaddi su tampa'u indi.

KOLOSE 1:7

Olangnge udde niapaasingkati Epafras si yamiu, hawe apan arangnguanni yami. I tou udde allangngi Kristus apan matuṛṛuta mammanara hunan kite.

KOLOSE 1:1

Manga tuṛṛangnga al᷊aṛṛana'u Ruata su Kolose apan tuttuṛṛuta uaaukka ringanni Kristus! Ere sangkatou rasulli Kristus Yesus, – apan nitenegu Ruata – i ya'u, Paulus, su sambau ringannu tuṛṛangi ite Timotius, mangantimma doronganna Ruata Iamangngi ite mangonggolu al᷊amatta wuṛṛu paddarame si yamiu.

2 KORINTUS 2:13

Arawe i ya'u tawe matammuda ana waugu taambe napassomban tuṛṛangngi ite Titus poiaroddi. Ne i ya'u naddorongke mapul᷊e su manga taumata su tampa udde see inaite watukku Makedonia.

1 KORINTUS 4:17

Ana waugu udde i ya'u buatte nandolokki Timotius ringanni yamiu. Sangkatou mallal᷊aṛṛenggenni Kristus, i tou naal᷊ihida ere ana'u sassane apan arangnguanna. I Tou ana'a apan wotongnge apangimananna. I Tou sarun mapaanaungnga si yamiu su ola'u lal᷊annu pabbiaṛṛanna apan a'olaangku, napawe i ya'u mangngimante si Kristus, eteudde lal᷊annu pabbiaṛṛanna apan iaaṛṛa'a su jamaatta su anambon tampa.

WATTI'U MANGA RASUL 18:5

Napawe i Silas wuṛṛu i Timotius naranta wuassu Makedonia, i Paulus nappaattu anambon allone mammasingkattu Watti'a wuassu Ruata su manga taumatan Yahudi manungku Mawu Yesus udde Ratum Punnu Sal᷊amatta apan suete pina'iren Ruata.

1 KORINTUS 3:10

Ringannu apapande apan nionggolu Ruata, i ya'u ere sangkatou taṛṛa ola'a wal᷊e buatte nangaddon rapappaku wal᷊e udde, wuṛṛu taumata waine mapararisikku wal᷊e so wowon rapappake udde. Suapan taumata ṛinone manutukka mapia-pia ereapa i tou mapararisikka su rapappake udde.

2 KORINTUS 2:12

Su tempo i ya'u na'omate su Troas ringannu pandumanna mabbatti'u Watti'u Al᷊al᷊uassa su ola'i Kristus, Mawu buatte namu'a lal᷊anna si ya'u ipammanara su tampa udde.

1 TESALONIKA 3:5

Ana waugu udde i ya'u nandolokki Timotius, ana waugu i ya'u maapulu atonna maasingkata ereapa araṛṛimaddi yamiu mangngimanna si Kristus. I ya'u sussinggawangnga ana waugu Setanna wotongnge mamono'a si yamiu ma'oman sara anambon asasahaddi yami maola'a tate gunane.