1 TESALONIKA 3:12 - WUKE SUSI WATTI'U AL᷊AL᷊USASSA

¹² Antimanna Mawu ma'ola'a si yamiu lembon marangngu sangkatou ringannu waine wuṛṛu lembon marangngu su anambon taumata, na'oman sara darangngunu udde aatambanna, ere lai darangngun kami si yamiu.

1 TESALONIKA 3:12 Referans Kwoze

FILIPI 1:9

Ete indi aal᷊iomangku si yamiu: doronganna i yamiu lembon mandangngu Ruata wuṛṛu sansul᷊ungngu taumata wuṛṛu sidutu aatambanna sulal᷊ummu asingkatta apan ṛinone wuṛṛu ṛingiranna apan pande.

MATIUS 22:39

Parenta aruane nassul᷊ungngu paarorone eteudde: Pandangngu sansul᷊ungngu taumata ere i'o mandangngu ririnu sassane.

1 TESALONIKA 5:15

Paariagai tadea'u arie pia taumata apan mabal᷊issu al᷊al᷊eo ringannu al᷊al᷊eo. Paddea'e sidutu ringannu ma'ola'a apapia, sangkatou ringannu waine wuṛṛu su anambon taumata.

ROMA 13:8

Imbaṛṛangnga pia awallasa sisai-sai, tabene'e uawawallasa darangngu sangkatou ringannu waine. Ana waugu taumata apan marangngu su sansul᷊ungnge taumata, buatte nanuungngu anambon titan Musa.

2 TESALONIKA 1:3

Manga tuṛṛangnga, i yami siddutu ma'adiangkamanna su Ruata ana waugu i yamiu. Wuṛṛu mangngimanna si Kristus, wuṛṛu i yamiu lembon uararangngu sangkatou ringannu waine.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

1 TESALONIKA 2:8

Ana waugu darangngung kami, yami uasaddia mangonggolla si yamiu wal᷊ine tumba'u Watti'u Al᷊al᷊uassa wuassu Ruata udde arawe wiakki yami lai. Ana waugu i yami tumaniten marangngu si yamiu!

2 PETRUS 1:7

Wuṛṛu mabbiakka tuttuṛṛutta su apulun Duata ṛinone lai suungannu darangngu su manga tuṛṛangnga apan su pangangimanna sambau. Wua'udde ṛinone lai darangngunu su manga tuṛṛangnga pangangimanna sambau suungannu darangngu su anambon taumata.

MATIUS 7:12

Ola'awe taumata waine ere i yamiu lai maapulu olaanni mangitou. Eteudde lal᷊oṛṛon al᷊aṛṛa'i Musa wuṛṛu manga nabi.”

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

1 TESALONIKA 4:1

Panginsueanne manga tuṛṛangnga, i yami suete nanul᷊ada si yamiu su ola'u ereapa i yamiu ṛinone mabbiakka malluassa naungngu Ruata. Atonna i yamiu suete nabbiakka ereudde. Arawe orassa indi sulal᷊ummu taṛṛinon Mawu Yesus, i yami sumal᷊ande si yamiu wuṛṛu mamata'i yamiu tadea'u i yamiu lembon maddea'a lai olangnge udde!

LUKAS 17:5

Manga rasul nabbisara Mawu Yesus, “Mawu, tohassawe pangangimanni yami.”

DARALO 115:4

Paal᷊uanni mangitou wuassu wul᷊awanna wuṛṛu sal᷊a'a, nilanginnu liman taumata.

2 KORINTUS 9:10

Ruata apan nanaddia wualanna su mangangasi'a wuṛṛu pabbawiakki ite. I Tou lai sarun manaddia wuṛṛu mapaanambon hessine apan niasi'i yamiu tadea'u hessin apapian naungngu aatambanna lai.