1 TESALONIKA 3:10 - WUKE SUSI WATTI'U AL᷊AL᷊USASSA

¹⁰ Allo ṛabbi yami sussal᷊ande si Tou ringannu awawiran dal᷊ummu naungnga, tadea'u i yami wotongnge masasomba sassane ringanni yamiu ipanuungngu apa apan ipaapulun kamiu see ipangimanna si Kristus aroddi olangnge.

1 TESALONIKA 3:10 Referans Kwoze

2 KORINTUS 13:9

I yami lulluassa amungkangngu i yami lome wuṛṛu i yamiu matohassa. I yami u'al᷊iomanna lai tadea'u i yamiu maola'a masuungnga.

1 TESALONIKA 3:11

Antimanna Ruata Iamangngi ite sassane, wuṛṛu Mawun kite Yesus Kristus manul᷊idda lal᷊anni yami ipadumatingngi yamiu!

2 KORINTUS 1:24

I ya'u tawe mamata'i yamiu su ola'u apa apan pangimananni yamiu, ana waugu i yamiu lembo mangngimanna si Kristus. I ya'u tumba'u mammanara su sambau ringanni yamiu tadea'u i yamiu lembo lulluassa.

2 TIMOTIUS 1:3

I ya'u umal᷊iomanna su Ruata apan a'imbeangku ringannu awawiran naungnga ere lai suete niola'u iupungngu al᷊amona'u dorone. I ya'u sidutu maadiangkamanna su Ruata napawe i ya'u maanaungnga si'o sulal᷊ummu aal᷊iomanna, mawae allo ara'e ṛabbi.

2 TESALONIKA 1:11

Ana waugu udde i yami sidutu u'al᷊iomanni yamiu. I yami u'al᷊iomanna tadea'u Ruata ma'ola'a si yamiu wotongnge mabbiakka tumuṛṛutta apulu-Ne; ana waugu udde i Tou namaggo si yamiu. Doronganna Ruata, ringannu taṛṛino-Ne, manuungngu apulu-Ne ma'ola'a apapia, wuṛṛu manuungngu anambon manara apan a'olaanni yamiu ana waugu mangngimanna si Kristus.

FILIPI 1:25

I ya'u mangngimanna su olangnge udde. Ana waugu udde i ya'u masingkata, i ya'u sidutu uatana'a ringanni yamiu sarangkanambone, tadea'u wotongnge mantul᷊ungngi yamiu maola'a lembon matohassa wuṛṛu lembon mal᷊uassa sulal᷊ummu pangangimanna su Mawu.

2 KORINTUS 1:15

Ana waugu ete pangangimanna udde i ya'u paarorone maapulu mattembo si yamiu tadea'u i yamiu maasomba al᷊amatta paarua anambone.

WATTI'U MANGA RASUL 26:7

Ete pa'aire udde lai apan a'antimannu sire mapul᷊o dua walahannu Israel, na'oman sara i mangitou mangke mattaṛṛa Ruata allo wuṛṛu ṛabbi. Wuṛṛu ana waugu i ya'u mangngimanna paaire udde, Tuangnga apan mawantuga, i ya'u niapaasal᷊a manga taumatan Yahudi.

FILEMON 1:22

Tantal᷊anna udde tul᷊unga'a i ya'u saddiai wabbo'a su wal᷊enu, ana waugu i ya'u mangngantimma Ruata sarun maddaringikka aal᷊iomannu manga tuṛṛangnga sarangkanambone wuṛṛu mangapi'u apia ringanni yamiu.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

KOLOSE 1:28

Eteudde Kristus apan iwabbatti'i yami su anambon taumata. I yami mapaanaungnga wuṛṛu mangngaṛṛa'a si mangitou sarangkanambone ringannu al᷊awo'u apande. Tuddan kami eteudde tadea'u suapan taumata wotongnge iapidda ringannu Ruata, ere sangkatou taumata apan nahurangke su pangangimanna, ana waugu suete naaukka ringanni Kristus.

LUKAS 2:37

i Hana naola'e wawine wal᷊u, wuṛṛu orassa indi uukke ual᷊utem pul᷊o appatta su tonnane. Tawe saran paassa i tou nanantangngu Wal᷊e Mawu. Allo ṛabbi i tou mattaṛṛamawu isudde su Ruata ringannu u'al᷊iomanna wuṛṛu mappuasa.

SONDAPPA 4:8

Siri appata riadianna udde, sambau-sambau pia papaidde annuma, wuṛṛu su ahewallu wadange, wuṛṛu sulal᷊umme napene mata. Allo ṛabbi manga riadianna udde tawe illol᷊one mangngantari, “Susi, susi, susi arannu Mawu, Ruata Lembon Taṛṛino; apan nirumanta, suete nirumanta, wuṛṛu nirumantate sarangkal᷊o'engnge.”

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

SONDAPPA 7:15

Ana waugu udde i mangitou uarisikka su saruannu adderan araratuannu Ruata, wuṛṛu mattaṛṛamawu si Tou allo ṛabbi su Wal᷊e Mawu. Wuṛṛu i Tou apan ua'ianna su adderan araratuanna udde sarun masemodda ringanni mangitou wuṛṛu manirungnga si mangitou.

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.