1 TESALONIKA 2:7 - WUKE SUSI WATTI'U AL᷊AL᷊USASSA

⁷ Arawe i yami masaṛṛionto'a su tempo i yami uatana'a su wallatti yamiu, ere sangkatou inangnga uapaddul᷊i al᷊aṛṛanangnge.

1 TESALONIKA 2:7 Referans Kwoze

1 TESALONIKA 2:11

I yamiu masingkata manungku i yami ma'ola'a si yamiu sambau-sambau ere sangkatou iamangnga mammadul᷊i al᷊aṛṛanangnge.

YESAYA 66:13

I Ya'u sarun malluassa si yamiu su Yerusalem, ere sangkatou inangnga mallimbatta anangnge.

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

1 KORINTUS 9:22

Su pattangngannu manga taumata apan pangangimanne lome, i ya'u lai mattiangkaola'a ere sangkatou apan pangangimanne lome tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Aunne, i ya'u ma'ola'a sarangkanambone hunane su anambon taumata tadea'u ringannu lal᷊anne salaiwe ereapa lai ya'u wotongnge manal᷊amatta sangkawageanganna wuassi mangitou.

2 KORINTUS 13:4

Atonna su tempo i Tou niarussa, i Tou lome, arawe orassa indi i Tou mabbiakka ringannu taṛṛino Ruata. I yami lai lome sulal᷊ummu wiakki yami apan uaaukka ringanni Kristus, arawe napawe sumaruanna si yamiu, i yami lai matohassa su sambau ringanni Kristus ana waugu taṛṛinon Duata.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

REENGANNA 11:12

Apa i ya'u nangilloṛṛo ara'e nanungkangngi mangitou udde? Anio I'o nandolo'u naola'a na'al᷊ihidda sangkatou inangnga uawawa ana'a addio'a, na'oman sara i ya'u sidutu mappadul᷊i si mangitou su al᷊o'engngu amatanna watukku leta'a apan nipa'ire-Nu su al᷊amona mangitou?

1 KORINTUS 2:3

Su tempo i ya'u suadio'a ringanni yamiu, i ya'u lome wuṛṛu mangngindon atata'utta.

WATTI'U MANGA RASUL 13:18

I Tou masabare su pallal᷊agu mangitou su wadda'a appattu pul᷊o su tonnane al᷊annune.

GALATIA 4:19

Manga al᷊aṛṛana'u arangnguanna! I ya'u orassa indi uatataṛṛanga lai ana waugu i yamiu. I ya'u uatataṛṛanga ere sangkatou inangnga apan uatataṛṛanga su tempo mangunsiwe. I ya'u sidutu sarun matataṛṛanga, amungkangu pallal᷊agun Kristus taambe nusippa su wadangu!