1 TESALONIKA 2:4 - WUKE SUSI WATTI'U AL᷊AL᷊USASSA

⁴ Tawe! I yami tawe nabbisara see ipalluassa naungngu taumata, ewe'e ipalluassa naungngu Ruata, apan mannal᷊u'atta naungngi yami. Ana waugu i yami aellehannu Ruata wotongnge manal᷊iawukku Watti'u Al᷊al᷊uassa udde.

1 TESALONIKA 2:4 Referans Kwoze

GALATIA 1:10

Apa ringannu olangnge udde pendamanna ere i ya'u mangngantima a'uannu taumata? Atonna-tonna tawe! I ya'u tumba'u mangngantima panga'uanna wuassu Ruata. Apa i ya'u sidutu mattinsahadda mammol᷊engnga naungngu taumata tadea'u i ya'u maal᷊uassa taumata? Amungkangngu inolaangku sidutu aroddi, ya'u wal᷊inewe allangngi Kristus.

ROMA 8:27

Ne Ruata, apan masingkatu lal᷊oṛṛo naungngu taumata, maasunna apulun Ghaṛṛaho udde; ana waugu Ghaṛṛaho udde sussal᷊ande Ruata hunan al᷊aṛṛana'u Ruata wuṛṛu nassul᷊ungngu apulun Duata.

GALATIA 2:7

Arawe manga taumata apan aellehanna piaṛṛange udde mangnga'u manungku Ruata buatte napamanara'u mamasingkatu Watti'u Al᷊al᷊uassa su taumata wal᷊ine Yahudi, ere lai i Tou buatte napamanaram Petrus namasingkatu Watti'u Al᷊al᷊uassa udde su taumatan Yahudi.

2 TIMOTIUS 1:14

Ringannu sumbala wuassu Ghaṛṛahon Duata apan wiakka sulal᷊ummu waddangi ite, ṛinone i'o uariaga ringannu mapia-pia manga inolaanna maaregga apan suete tinantilla si'o.

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

EFESUS 6:6

Arie ma'ola'a aroddi tumba'u su tempo i yamiu aellehanna, tumba'u ana see maasomba daralo wuassu taumata. Arawe ṛinone i yamiu ma'ola'a udde ere sangkatou allangngi Kristus apan tantal᷊anna tuttuṛṛuta apulun Duata ringannu ahewallu naungnga.

TITUS 1:3

Su tempo apan suete nitantunna, Ruata mapaal᷊iatta'u paaire-Ne udde sulal᷊ummu tanata-Ne. Tanata udde suete niwal᷊o si'u, wuṛṛu i ya'u namasingkattu tanata udde ana waugu darolokku Ruata Punnu Sal᷊amatti ite.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

YEREMIA 32:19

Manga ṛiin-Nu tawe sul᷊ungnge, wuṛṛu manga inolaannu maatiangnga; I'o maasilo al᷊awo'a apan a'olaanu taumata, wuṛṛu mabbal᷊issa si mangitou uasul᷊ungngu inolaanni mangitou.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

1 KORINTUS 9:17

Unnu wisara i ya'u mappaamattu manara udde wuassu apulu'u sassane, ne i ya'u wotongnge mangantima lal᷊antake. Arawe i ya'u mamasingkattu Watti'u Al᷊al᷊uassa udde ana waugu udde manara'u. I ya'u nirolokku Ruata iapa'ola'a manara udde.

LUKAS 16:11

Nariaddi, amungkangngu su ola'u darotongngu runia indi yamiu tate apangimananna, isai maapulu mangngimanna si yamiu su darotongngu ṛimuudda?

AMSAL 17:3

Wul᷊awanna wuṛṛu sal᷊a'a iannamma su auntupanna, arawe naungngu taumata iannammu Mawu.

1 MARARATU 8:39

antimanna I'o wuassu atatanaan-Nu su surga maddaringikka see mangampungnga wuṛṛu mantul᷊ungngi mangitou. Tumba'u I'o apan masingkattu lal᷊ummu manga inolaanne,

REENGANNA 27:16

“Oh, Ruata, apan mangngonggolu wiakka su anambon apan biakka, i ya'u sumal᷊ande, ta'ea'e sangkatou apan botongnge mamiaṛṛa'u walahanna indi;

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

KOLOSE 3:22

Manga tuṛṛangnga apan naola'a allangnga! Sulal᷊ummu al᷊awo'u inolaanna, ṛinone i yamiu matuṛṛuta mawunu su runia indi. Arie tumuṛṛutta si mangitou tumba'u su tempo i mangitou uariaga si yamiu, ana waugu i yamiu maapulu raloanna. Paatuṛṛuta si mangitou ringannu naungnga waresi, ana waugu i yamiu mangngaddatta Mawu.

2 KORINTUS 5:11

I yami masingkata apa atappasanne mata'uttu Mawu; ana waugu i yami maapulu mangaṛṛa'a taumata see mangngimanna ola'u wadangngi ami. Ruata maaillal᷊a si yami, wuṛṛu i ya'u mangantimma i yamiu lai maaillal᷊a si yami sulal᷊ummu naungngu.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

DARALO 44:21

Unnu wisara i yami tate lai massubba Ruata, ewe'e u'al᷊iomante su mawu waine,

2 TIMOTIUS 2:2

Al᷊aṛṛa'a paarorone suete niaringiṛṛanu wuassia'u su saruannu awadaalla, ṛinone itantillu su manga taumata apan wotongnge apangimananna wuṛṛu pande mangaṛṛa'a taumata waine.

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

1 KORINTUS 7:25

Orassa indi su ola'u manga taumata apan taambe naawingnga. Su ola'u hatto udde, i ya'u tawe naasengkamma parenta wuassu Mawu. Arawe su manga taumata ana waugu al᷊amattu Mawu wotongnge pangimananna, i ya'u maapulu mangonggolu tatantiro'u.

YOHANES 21:17

Su atallune Mawu Yesus naiwal᷊o si tou, “Simon ana'i Yona, atonna i'o marangngu si Ya'u?” I Petrus nasusa naungnge ana waugu Mawu Yesus naiwal᷊o si tou na'oman sara atallune. Ne i Petrus sinumimbakka apia, “Mawu, Mawu masingkattu sarangkanambone. Mawu masingkatta manungku i ya'u marangngu Mawu!” See Mawu Yesus nabbisara si tou, “Padul᷊ianete manga domba-U.

LUKAS 12:42

Mawu Yesus sinumimbakka, “Isai mangangimbe apan matuṛṛutta wuṛṛu pande ma'oman sara pileannu mawune maola'a tembonannu mangangimbe waine tadea'u i tou mappaanni mangitou su tempone?

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

DARALO 139:23

Parikisewe i ya'u oh Ruata, saṛṛasirewe naungku, sal᷊u'atewe i ya'u wuṛṛu asingkatewe ṛingirangku.

2 KORINTUS 2:17

I yami tawe naal᷊ihida ere taumata nambo apan ma'ola'a Watti'u Ruata ere saranapa wal᷊u'anna. Manga pandumanni yami udde waresi, ana waugu i yami nirolokku Ruata. Wuṛṛu Ruata sassane ua'ellega manungku i yami mammasingkatu watti'a udde naola'a allangngi Kristus.

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

2 MARARATU 16:16

I Uria napaamattu parentan datu.