1 TESALONIKA 2:13 - WUKE SUSI WATTI'U AL᷊AL᷊USASSA

¹³ Pia lai sambau hatto waine apan naaola'a si yami sidutu maadiangkamanna su Ruata. Hatto udde eteudde, manungku su tempo i yami mammasingkatu watti'u Ruata si yamiu, i yamiu naddaringikka wuṛṛu nanengkamma watti'a udde wal᷊ine ere watti'a wuassu taumata, arawe watti'a apan atonna-tonna wuassu Ruata. Ete i Tou apan mammanara sulal᷊ummu watangannu apan mangngimanna si Kristus.

1 TESALONIKA 2:13 Referans Kwoze

IBRANI 4:12

Wisaran Ruata eteudde wisara apan biakka wuṛṛu matohassa; maṛṛoroanna wuassu hal᷊el᷊e rorone ruam ba'a. Wisara udde uusippa ma'oman sara su wallatu niawa wuṛṛu ghaṛṛaho; ma'oman sara su wallattu manga passi'uanna wuṛṛu duṛṛin liudda, na'oman sara maasingkata al᷊al᷊ummu ṛingiranna wuṛṛu apulu naungngu taumata.

ROMA 10:17

Ana waugu udde manga taumata mangngimante ana waugu i mangitou naaringikke watti'a, wuṛṛu watti'a niaringiṛṛana ana waugu pia taumata apan namasingkata su ola'i Kristus.

1 PETRUS 1:23

Ana waugu wuassu ṛengetannu Ruata apan wiakka wuṛṛu awasa udde, i yamiu suete niola'a taumata wakku apan wal᷊ine inariadianne wuassu taumata, ewe'e wuassu Mawu Iamangnga apan awasa.

1 PETRUS 1:25

arawe ṛengetannu Ruata siddutu sarangkal᷊oengnge.” Ṛengetanna udde Watti'u Al᷊al᷊uassa apan suete niapaasingkata si yamiu.

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

WATTI'U MANGA RASUL 13:48

Su tempo manga walahanna waine apan wal᷊ine Yahudi naaringikka udde, i mangitou lembon lulluassa, see mangke maddalo wisara Mawu. Wuṛṛu manga taumata apan suete nitantunnu Ruata maasomba wiakka tutune wuṛṛu saran mal᷊annu-l᷊annu, manga taumata udde mangngimanna.

1 YOHANES 3:3

Anambon taumata apan pia antimma indi su saruanni Kristus, mandiagga ririne tadea'u atonna-tonna susi, waresi wuassu rosa ere lai Kristus udde lai susi.

GALATIA 4:14

Su tempo udde i yamiu maddintingku, salaiwe wadangku naola'a ere wawono'a apan wahewalla si yamiu. Ewe'e i yamiu mannarimma'u ere lai nanarimmatu mala'ekattu Ruata ara'e ere manarimmatta si Kristus Yesus sassane.

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

LUKAS 8:21

Arawe Mawu Yesus nabbisara si mangitou, “Manga taumata apan madaringikka wisara Ruata wuṛṛu tuttuṛṛutta, ete i mangitou udde inang-Ku wuṛṛu manga tuṛṛang-Ku.”

YOHANES 17:19

Su hausanni mangitou, i Ya'u nanantillu riri-U maola'a pussa'an Iamangnga sassane, tadea'u i mangitou lai maola'a pussa'an Iamangnga sassane sulal᷊ummu atatul᷊idda.

MATIUS 10:40

“Taumata apan manarimmatti yamiu, manarimmatta si Ya'u lai. Wuṛṛu taumata manarimmatta si Ya'u, manarimmatta si Tou lai apan suete nandolo-U.

YOHANES 17:17

Olaawe i mangitou pussa'an Iamangnga sassane sulal᷊ummu atatul᷊idda; wisaran Iamangnga eteudde atatul᷊idda.

YOHANES 15:3

I yamiu nal᷊aukke, ana waugu al᷊aṛṛa'a apan Ta'u nionggolla si yamiu.

LUKAS 8:11

“Ete indi atappasannu sasumandingnga udde: Wualanna eteudde watti'u Ruata.

MATIUS 10:20

Ana waugu mabbisara su tempo udde wal᷊inewe yamiu, arawe Ghaṛṛahon Iamangnga su surga, uaṛṛundinganna si yamiu.

2 PETRUS 3:2

I ya'u mandolokka tadea'u i yamiu mannaungnga manga wisara apan rorone suete niwisara manga nabi Ruata, wuṛṛu parentan Mawu. Ratum Punnu Sal᷊amatta apan niapassingkatu manga rasul si yamiu.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

WATTI'U MANGA RASUL 17:32

Napawe manga taumata udde naaringikka hatto mabbiakka apia wuassu papate, su wallatti mangitou piaddu nilumagem Paulus. Piaddu nabbisara, “I yami maapulu madaringikka tuṛṛangnga mabbisara apia su ola'u hatto indi.”

WATTI'U MANGA RASUL 16:14

Sangkatou su wallatti mangitou eteudde mabbawal᷊u'u mal᷊aṛṛenessa ungu, aranne i Lidia taumata wuassu Tiatira. I tou marangngu Ruata, ne Mawu nangal᷊ore naungnge tadea'u i tou manengkamma apa apan ia'aṛṛa'i Paulus si tou.

WATTI'U MANGA RASUL 10:33

Ana waugu udde i ya'u nasasaṛṛawutta nandolokku taumata inai namaggo si Tuangnga. Wuṛṛu i Tuangnga naungnge mapia atonna nirumanta isindi. Orassa indi yami nambo uaammulle isindi su saruannu Ruata madaringikka apa apan niapasilon Ruata si Tuangnga iapa'asingkatta si yami.”

WATTI'U MANGA RASUL 2:41

Manambo taumata mangngimanna watti'i Petrus, see i mangitou naisaṛṛanite. Ne reengannu taumata mangngimanna su allo udde niatambanna lai tallu ṛiwu su atoune.

WATTI'U MANGA RASUL 8:14

Manga rasul su Yerusalem naaringikka manungku manga taumatan Samaria suete nanengkamma wisaran Ruata. Ana waugu udde i mangitou nandolokki Petrus wuṛṛu i Yohanes inai poiaroddi.

LUKAS 5:1

Su sambau tempo Mawu Yesus uarisikka su winggin Dano Genesaret. Manambo taumata uasaseppe'a maddaringikka watti'u Ruata.

YEREMIA 44:16

“I yami maddiri maddaringikka apa apan iwabbisaranu si yami ringannu arannu Mawu.

HAGAI 1:12

Wua'udde Zerubabel wuṛṛu Yosua see anambon umattu Israel buatte nabbelengnga wuassu pamamuanganna su Babel, tinumuṛṛutta manga wisaran Hagai, daroloṛṛannu Mawu udde. I mangitou tinumuṛṛuttaapa apan buatte niparentan Mawu si mangitou, ana waugu matta'uttu Mawu.

IBRANI 4:2

Ana waugu Watti'u Al᷊al᷊uassa udde suete niapaasingkata si ite ere lai si mangitou. Arawe si mangitou watti'a udde tawe gunane. Ana waugu su tempo i mangitou naaringikka, i mangitou tawe mangngimanna.