1 TESALONIKA 2:10 - WUKE SUSI WATTI'U AL᷊AL᷊USASSA

¹⁰ I yami mabbiakka ringannu na'ukkassa, su ṛinone wuṛṛu tawe angngone su saruanni yamiu apan mangngimante si Kristus. Ete i yamiu udde naola'a tialan kami; aroddi lai Ruata.

1 TESALONIKA 2:10 Referans Kwoze

1 PETRUS 5:3

Arie pa'ola'a ere tembonanne si mangitou, apan tinantilla si yamiu, ewe'e i yamiu ṛinone maola'a tul᷊ada si mangitou.

1 TESALONIKA 1:5

Ana waugu i yami namasingkatu Watti'u Al᷊al᷊uassa si yamiu wal᷊ine tumba'u ringannu wisara, arawe lai ringannu taṛṛino wuṛṛu Ghaṛṛahon Duata. Wuṛṛu i yami mangngimanna atonna atatul᷊iddu Watti'u Al᷊al᷊uassa udde. I yamiu masingkata ereapa i yami mabbiakka ana waugu i yamiu su tempo i yami uatana'a su pattanganni yamiu.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

2 TIMOTIUS 3:10

Arawe i'o suete tinumuṛṛuta manga al᷊aṛṛa'u, pallal᷊agu'u, wuṛṛu tuddan pabbiaṛṛangku. I'o suete naasilo sassane ereapa i ya'u atonna-tonna mangngimanna si Yesus Kristus wuṛṛu marangngu su sansul᷊ungngu taumata. I'o lai masingkatu asasabare'u wuṛṛu atatammu'u.

WATTI'U MANGA RASUL 20:18

Napawe i mangitou na'omate, i Paulus nabbisara si mangitou, “Manga tuṛṛangnga masingkatta ereapa i ya'u mabbiakka al᷊annune indi su wallatti yamiu ro'en allo paarorone ya'u na'oma su Asia.

1 TIMOTIUS 4:12

Arie mamalan sangkatou taumata ma'ellega si'o addio'a ana waugu i'o ta'e umbasanna. Arawe ṛinone i'o maola'a tul᷊adda su manga taumata apan mangngimanna hattonu wuṛṛu pallal᷊agunu, su ola'u darangngunu su sansul᷊ungu wuṛṛu mangngimanna Mawu Yesus Kristus, ringannu naungnga apan waresi.

2 TESALONIKA 3:7

I yamiu sassane masingkata manungku i yamiu sarun mattanno tul᷊addan kami. Yami tawe su awawolo'a su tempo i yami uatana'a ringanni yamiu.

1 TESALONIKA 2:5

I yamiu sassane masingkata manungku tawe saran paassa i yami nassal᷊o'a ara'e nangawusu si yamiu ipamunin pandumma apan lal᷊eo udde. Ruata mattatialane!

2 KORINTUS 11:11

Anio i ya'u mabbisara aroddi? Apa ana waugu i ya'u tawe mandangngu si yamiu? Ruata masingkata manungku i ya'u marangngu!

2 KORINTUS 7:2

Sal᷊ohoite i yami sulal᷊ummu naungngu. I yami tawe nassal᷊a su sangkatou taumata, tawe taumata apan niwodoanni yami. I yami tawe saran paassa mangngal᷊iwun darotongngu sangkatou taumata lai.

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

WATTI'U MANGA RASUL 20:26

Ana waugu udde ringannu atonna i ya'u mabbisara si yamiu allo indi manungku amungkangngu su wallatti yamiu apan piaddu mate, udde wal᷊ine sal᷊a'u.

YEREMIA 18:20

Wotongngewe apapia wal᷊isannu al᷊al᷊eo? Arawe i mangitou buatte naal᷊i loṛṛangnga tadea'u i ya'u mawontolla sulal᷊umme. Naungete manungku i ya'u buatte nanamba'a si mangitou su saruan-Nu, tadea'u I'o tawe masa'u si mangitou.

REENGANNA 16:15

I Musa mangke nasa'u wuṛṛu nabbisara su Mawu, “Mawu arie manengkamma aonggoli mangitou. Tawe saran paassa i ya'u namaddon sangkatou suwallati mangitou; ewe'e keledai sambau lai ya'u tawe nanganu wuassi mangitou.”

2 KORINTUS 11:31

Ruata, Iamangngu Mawu Yesus masingkata manungku i ya'u tawe mangawusu. Aranne raloanna saran mal᷊annu-l᷊annu.

2 KORINTUS 5:11

I yami masingkata apa atappasanne mata'uttu Mawu; ana waugu i yami maapulu mangaṛṛa'a taumata see mangngimanna ola'u wadangngi ami. Ruata maaillal᷊a si yami, wuṛṛu i ya'u mangantimma i yamiu lai maaillal᷊a si yami sulal᷊ummu naungngu.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

LUKAS 23:41

Tumba'u ṛuumanni addua udde atonna naṛṛino su pallal᷊agung kadua. Arawe i Tou atonna-tonna tawe sal᷊ane!”