1 TAWARIKH 9:28 - WUKE SUSI WATTI'U AL᷊AL᷊USASSA

²⁸ Sambageanganna taumatan Lewi waine manarane mallu'adda manga saranapa patataṛṛamawuanna. Ete i mangitou mandareengnge sutempo iapasabbangnga wuṛṛu sutempo iapawelengnga apia.

1 TAWARIKH 9:28 Referans Kwoze

NEHEMIA 12:44

Sutempo udde manga pira taumata niapamanara mandiagga manga wabbo'an bal᷊unna tampa pangaddoannu manga sasumbala hunan Wal᷊en Mawu, nasutta manga sasamba sepere mapul᷊o wuṛṛu hessin pangitinganna apan paarorone suapan tonna. Manga mandariagga udde ṛinone mangammullu manga sasumbala udde wuassu manga wawail᷊anna maranin manga soa. Manga sasumbala udde nintatilla su manga imam wuṛṛu manga taumatan Lewi, uasul᷊ungngu atorannu Tita. Manga taumatan Yehuda mangngaddatta manga imam wuṛṛu manga taumatan Lewi udde,

1 TAWARIKH 9:27

I mangitou utana'a maranin Wal᷊en Mawu, ana waugu i mangitou ṛinone mandiaga wal᷊en udde wuṛṛu mamu'essa manga ngaran pasallanganna suapan marua allo.

1 TAWARIKH 9:29

Sambageanganna lai manarane mallu'adda imannu patataṛṛamawuanna, wuṛṛu taponna, anggore, lanan zaitun, amania, see lai rampa-rampa.

REENGANNA 4:12

Al᷊awo'u saranapa apan ipappaatta sulal᷊ummu Wabbo'a Na'ukkassa ṛinone anuanni mangitou wuṛṛu piunannu mal᷊aṛṛenessa ma'elomma. Ana see i mangitou ṛinone manaappu sangkul᷊appa pisi al᷊ussa, wuṛṛu iandangnga su pamasannananna.

1 TAWARIKH 26:20

Manga taumata waine sulal᷊ummu ṛuanganni Lewi apan tinantil᷊annu manara mallu'adda saranapa su Wal᷊en Mawu wuṛṛu gudangnga panahipunanna manga aonggola su Ruata.