1 TAWARIKH 9:22 - WUKE SUSI WATTI'U AL᷊AL᷊USASSA

²² Sarangkanambone apan nipile maola'a mandariaga manga ngara pasallanganna 212 su atoune. I mangitou nawoṛṛetta tumuṛṛuttu manga ampungnga apan atatanaanni mangitou. Iupungngi mangitou nionggol᷊anni Ratu Daud wuṛṛu i Nabi Samuel manga manara.

1 TAWARIKH 9:22 Referans Kwoze

1 SAMUEL 9:9

“Ore, aroddite!” sasimbakki Saul. “Wette iaddua inaite.” Ana see itarua inaite watukku soa, su tampan allangngu Ruata udde. Sutempo i mangitou sussaate wuidda mattudda soa udde, itarua nassomban siri pira maṛṛuala apan inai mania ua'e su paṛṛihi. Ana see itarua naiwal᷊o manga maṛṛuala udde, “i taṛṛa si'atta poi su soa?” (Tempo udde sangkatou nabi isassago taṛṛa si'atta, nariaddi amungkangu pia sangkatou ma'apulu maiwal᷊o Ruata, i tou mabbisara arendi, “Wette i ite inaite ringannu taṛṛa si'atta.”)

1 TAWARIKH 28:13

See lai tinantilla ṛiinnu patatahia manga imam wuṛṛu taumatan Lewi, su ola'u manga manara apan ṛinone manaranni mangitou, eteudde manaran mangitou su Wal᷊en Mawu wuṛṛu pallal᷊u'adda anambon saranapa ipattaṛṛamawu.

NEHEMIA 12:44

Sutempo udde manga pira taumata niapamanara mandiagga manga wabbo'an bal᷊unna tampa pangaddoannu manga sasumbala hunan Wal᷊en Mawu, nasutta manga sasamba sepere mapul᷊o wuṛṛu hessin pangitinganna apan paarorone suapan tonna. Manga mandariagga udde ṛinone mangammullu manga sasumbala udde wuassu manga wawail᷊anna maranin manga soa. Manga sasumbala udde nintatilla su manga imam wuṛṛu manga taumatan Lewi, uasul᷊ungngu atorannu Tita. Manga taumatan Yehuda mangngaddatta manga imam wuṛṛu manga taumatan Lewi udde,

NEHEMIA 11:36

Manga pira ammul᷊annu taumata Lewi apan dorone uatana'a su wageangngu leta'u Yehuda nirolokka niapatana'a ringannu manga taumatan Benyamin.

2 TAWARIKH 31:18

I mangitou sarangkanambone niwoṛṛetta suadio'a ringannu ana'a wuṛṛu awingnge, wuṛṛu manga taumata waine sulal᷊ummu wal᷊ene, ana waugu i mangitou ṛinone uasaddiate suapan tempo mappaamattu manga manaran mangitou hunan Mawu sassane.

2 TAWARIKH 31:15

Su manga soa waine tatanaannu manga imam, i Kore nisumbalannu manga taumatan Lewi waine eteudde: Eden, Minyamin, Yesua, Semaya, Amarya, wuṛṛu Sekhanya. Manga anna udde nitahia uasul᷊ungnga suwallattu rundussa taumatan Lewi mawae udde timmadde ara'e dario'a tumuṛṛuttu manaran mangitou.

1 TAWARIKH 28:21

Pattatahia manara patataṛṛamawu sulal᷊ummu Wal᷊en Mawu buatte nitantunna suwallattu manga imam wuṛṛu taumatan Lewi. Manga mammamanara apan pia asingkatta sulal᷊ummu manarane saambau-sambau sarun mantul᷊ungnga ringannu naungnga mal᷊uassa, wuṛṛu manga piaṛṛa'a suadio'a ringannu anambon tumanangnge sarun maddaringikka parentanu.”

1 TAWARIKH 9:31

Iapa manarane ma'ola'a sasamba apan iattapa eteudde sangkatou taumatan Lewi aranne i Matica, ana'a pahul᷊un Salum wuassu amonanni Korah.

1 TAWARIKH 9:23

Nanattakka orassa udde i mangitou wuṛṛu papapulunne sidutu naola'a mandariaga Ngara Pasallanganna Wal᷊en Mawu.

2 TAWARIKH 23:19

Su manga ngara wahewalla su Wal᷊en Mawu, Yoyada napatana'u mandariaga iapataṛṛapa tadea'u taumata apan tawe massubba Mawu imbaṛṛangnga sumutta.

1 TAWARIKH 29:29

Watti'u pabbiaṛṛanni Ratu Daud wuassu panattaṛṛanne naddatingngu panguddusanne buatte niwoṛṛetta sulal᷊ummu wuken Nabi Samuel, Nabi Natan wuṛṛu Nabi Gad.