1 TAWARIKH 7:14 - WUKE SUSI WATTI'U AL᷊AL᷊USASSA

¹⁴ I Manasye ringannu awingnge su liudde, sangkatou wawinen Aram, pia ruan katou ana'a esakka: i Asriel wuṛṛu i Makhir. Ana'i Makhir eteudde i Gilead.

1 TAWARIKH 7:14 Referans Kwoze

MAL᷊AṚṚUUNGNGA 5:14

I mangitou niumamatta wuassu Efraim watukku wawal᷊anne, uatantalongnga tantaran Benyamin apan uawarissa su saruanni mangitou. Wuassu Makhir nirumantate manga tembonannu tantara, ara'e panglima wuṛṛu wuassu Zebulon nabbuatte manga piaṛa'u tantara, ara'e perwira.

YOSUA 13:31

Wua'udde nasutta lai samba'a wuassu leta'u Gilead, see Asytarot wuṛṛu Edrei, darua inangngu soa wageangngu leta'a paparentanni Ratu Og su Basan. Ahewallu leta'a udde nionggola su sambageanganna wuassu ṛuanganna papapulunni Makhir, ana'i Manasye.

REENGANNA 27:1

I Zelafehad pia siri lima ana'a wawine, eteudde i Mahla, i Noa, i Hogla, i Milka wuṛṛu i Tirza. Iamangngi Zelafehad eteudde i Hefer, iamangngi Hefer eteudde i Gilead. Iamangngi Gilead eteudde i Makhir, iamangngi Makhir eteudde i Manasye, wuṛṛu iamangngi Manasye eteudde i Yusuf.

PANDARIADDI 50:23

I tou ta'e naasilo ana'a pulunni Efraim. I tou lai ta'e napabbuwunna manga ana'i Makhir, eteudde pulunni Manasye, naola'a anangnge sassane.

PANDARIADDI 25:20

I Ishak uuke appatu pul᷊o su tonnane su tempo i tou naawingngi Ribka, tuarin Laban, ana'i Betuel, sangkatou taumatan Aram wuassu Mesopotamia.

1 TAWARIKH 7:13

I Naftali pia siri 4 ana'a esakka; i Yahziel, i Guni, i Yezer wuṛṛu i Salum. I mangitou udde pulunni Bilha.

1 TAWARIKH 7:15

I Makhir naddea'a awingngi Hupim wuṛṛu Supim. Awingngi Makhir aranne i Maakha. Ana'i Makhir aruane eteudde i Zelafead. I Zelafead tawe naasomba ana'a esakka, tumba'u ana'a wawine.

REENGANNA 26:28

Wuassu papapulunni Yusuf, apan pia ruan katou ana'a esakka: amonanni Manasye wuṛṛu i Efraim.