1 TAWARIKH 4:9 - WUKE SUSI WATTI'U AL᷊AL᷊USASSA

⁹ Pia sangkatou esakka aranne i Yabes; i tou lembon a'addatanna wuassu manga tuṛṛangnge. Ṛatangannu inangngene i tou nisaggo Yabes, ana waugu inangngene tumaniten natataṛṛanga sutempo nanungkangi tou.

1 TAWARIKH 4:9 Referans Kwoze

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

1 SAMUEL 4:21

Ana'a udde aranne nisaggo Ikabod, atappasanne, “Darantan Duata Apan Mawantuga nawul᷊ite wuassu Israel,” – pandumanne eteudde manungku Wantallu Pa'aire buatte niaṛṛon seetta wuṛṛu la'iananne see lai awingnge natete. Ana waugu udde i tou nabbisara, “Darantan Duata Apan Mawantuga nawul᷊ite wuassu Israel, ana waugu Wantallu Paairen Duata buatte niaṛṛon seetta.”

PANDARIADDI 34:19

wuṛṛu i Sikhem mal᷊uassa manuungngu riandi udde ana waugu i tou maapulun i Dina. Su wallatu anambon ṛuanganne, ete i Sikhem apan pia saṛṛaungnge.

1 TAWARIKH 7:23

Wua'udde i Efraim nattambate apia ringannu awingnge, ana see wawine udde piate illoṛṛo wuṛṛu nanungkangu sangkatou ana'a esakka. I Efraim nanagon ana'a udde aranne i Beria, ana waugu asasusa apan buatte niaṛṛia'a si mangitou udde.

PANDARIADDI 35:18

Arawe i Rahel maraniten mate, wuṛṛu su tempo i tou manginsuete sasangngone, ana'a udde nissagon tou i Ben-Oni arawe nissagon iamangnge i Benyamin.

PANDARIADDI 3:16

Ana see Ruata nabbisara wawine udde, “I ya'u sarun manimu atatadungngu su tempo i'o pia illoṛṛo wuṛṛu su tempo i'o mangunsiwe. Arawe manimbe aroddi, i'o sidutu pia apulu su awingngu, arawe i'o sarun massuṛṛubawa si tou.”

YESAYA 43:4

I'o maarega su mata-U, i Ya'u mangngareganu wuṛṛu marangngu si'o; ne i Ya'u nangonggollu taumata maola'a hahantinu, manga walahanna maola'a wawaekku niawanu.

1 TAWARIKH 4:8

I Anub wuṛṛu i Hozobeba eteudde esakka ana'i Kos al᷊amonan amonanna papapulunni Aharhel ana'i Harum.

1 TAWARIKH 4:10

Arawe i Yabes niumal᷊iomanna su Ruata apan sassubbannu taumatan Israel, wisarane, “Oh Ruata, al᷊amatewe i ya'u, wuṛṛu antimanna hewal᷊anna wageangngu leta'a paparentangku. Tannoiwe i ya'u wuṛṛu paaraua'a asasilaka tadea'u i ya'u tawe matataṛangnga.” Ne Ruata naddaringikka darorongnge.

AMSAL 23:25

Antimanna hagurangngu lumuassa su saruannu; antimmanna lulluasse wawine apan nanungkangngu.