1 TAWARIKH 29:15 - WUKE SUSI WATTI'U AL᷊AL᷊USASSA

¹⁵ I'o masingkatta, oh Mawu, manungku ere lai manga al᷊amonan kami, yami lai mabbiakka su runia indi naal᷊ihidda rumaranta wuṛṛu taumata raho. Wiakki yami naal᷊ihidda lintau apan malliudda, wuṛṛu yami lai tawe maal᷊iu wuassu papate.

1 TAWARIKH 29:15 Referans Kwoze

DARALO 144:4

Tauamata udde naal᷊ihidda anginna paassa sumingangu, naal᷊ihidda lintau sumabbi, etearoddi ola'u wiakke.

DARALO 102:11

ana waugu I'o buatte namatunna wuṛṛu nanuntungku sulal᷊ummu asasa'u-Nu apan lukkenggamma.

IMAMATTA 25:23

Letangngu tawe wotongnge iwal᷊u'a sarangkal᷊o'engnge, ana waugu leta'a udde wal᷊ine pussaanu, ewe'e pussa'an Duata. I yamiu tumba'u ere taumata raho apan niwala mappaattu leta'a udde.

YAKOBUS 4:14

Apa apan sarun mariaddi su wiakku tiṛṛabbi, yamiu sassane lai wagga! I yamiu tumba'u ere timbulla apan aellehanna tal᷊an kadio'a, wua'udde mawul᷊i.

DARALO 39:12

Taumata ana waugu pasasal᷊ane; niṛṛuuman-Nu wuṛṛu pappuul᷊an-Nu naal᷊ihidda wiangnga niṛṛimunsa-Ngu apa apan maarega si tou. Atonna, taumata naal᷊ihidda sasabbangu singangu.

AYUB 14:2

I tou mallal᷊uwo wuṛṛu tuttolangnga ere wunga; sinumabbi ere lintau; lapiddu nawul᷊i.

DARALO 119:19

Tawe mal᷊annu i ya'u matana'a su runia, ariewe mamunin tita-Nu si ya'u.

DARALO 90:9

Wiakki yami maautta ana waugu asasa'u-Nu, manga tonna pabbiaṛṛanni yami nasue ere sasangngo.

MANNANASE 6:12

Ereapa taumata maasingkatta apa apan apianne si tou sulal᷊ummu pabbiaṛṛanne apan maautta wuṛṛu tawe gunane, wuṛṛu apan sinumabbi ere lintau? Ereapa sangkatou taumata wotongnge maasunna apa apan sarun mariaddi su runia indi napewe i tou natete?

PANDARIADDI 47:9

sasimbakki Yakub, “Allangngu nabiakka maṛṛasutta tallun pul᷊o su tonnane naola'a mamamal᷊intadda. Allangngu mabbiakka napenen asasusa wuṛṛu maautta amungkangngu isul᷊ungngu uukku al᷊amonan allangngu ere mamamal᷊intadda.”

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

PANDARIADDI 23:4

“I Ya'u indi taumata raho apan uatana'a su pattangngannu manga tuṛṛangnga; walaawe i ya'u mamalli leta'a tadea'u i ya'u wotongnge mallabingngu awingku.”

PANDARIADDI 28:4

Antimanna Mawu mangal᷊amatta si'o wuṛṛu papapulunnu, ere lai Tou buatte nangal᷊amatta si Abraham, wuṛṛu antimanna i'o manahuanna leta'a apan wawanuannu indi, apan buatte nionggolu Ruata si Abraham!”

PANDARIADDI 36:7

I Esau nattal᷊em i Yakub ana waugu darotongngi mangitou tumaniten manambo na'oman sara i mangitou tawe mapabiakka su sambau. Ana see lai su wanua apan atatanaanni mangitou udde tawe mattiudda annu winatangngi mangitou apan tumanite manambo udde.

1 TAWARIKH 29:14

I ya'u wuṛṛu tumana'u indi atonna-tonna tawe mapangonggolu apa-apa Si'o, ana waugu sarangkanambone uddewe aonggolu Mawu, wuṛṛu apa apan ia'onggoli yami uddewe tatahuanan-Nu lai.

1 TAWARIKH 29:16

Oh, Mawu Ruatan kami, anambon saranapa apan maarega indi niammuli yami isindi ipandarisikku sambau wal᷊e-Nu tadea'u yami wotongnge mangaddatta aran-Nu apan susi. Arawe sarangakanambone udde nisengkammi yami wuassu Mawu sassane wuṛṛu eteudde pussa'a-Nu lai.

AYUB 14:10

Arawe napawe taumata mate, nasue wattingnge; i tou nanantangngu runia, wua'udde watukkuapa?

PANDARIADDI 21:34

Wua'udde i Abraham natana'e su wanuan taumatan Filistin.

AYUB 8:9

Wiakki ite maautta, i ite waggaten apa-apa; manga allon kite tumba'u ere lintau.

DARALO 39:13

Daringiṛṛewe aal᷊iomangku oh Mawu, ellehewe darorongku; arie tumba'u mal᷊annaba napawe i ya'u lumuai. Ere iupungngu al᷊amona'u sarangkanambone, tumba'u tal᷊angkadio'a i ya'u uaintal᷊a ringan-Nu.