1 TAWARIKH 29:12 - WUKE SUSI WATTI'U AL᷊AL᷊USASSA

¹² Anambon pa'a'ala wuṛṛu lal᷊umanna'a darantane wuassu Mawu; al᷊awo'u riadianna I'o uataṛṛino ringannu atatohassa wuṛṛu taṛṛino apan atanggaṛṛanne; I'o uataṛṛino manenegu taumata maola'a taumata aaddatanna wuṛṛu matohassa.

1 TAWARIKH 29:12 Referans Kwoze

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

TAHIUL᷊E 8:18

Naunge manungku tumba'u Mawu Ruatanu apan mangonggolu paa'ala udde si yamiu. Olangnge udde niola'i Tou ana waugu na'oman sara allo indi i Tou ta'e uaagassa su pa'aire apan niolangnge-Nge ringannu iupungngu al᷊amonanu.

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

DANIEL 6:26

Wua'udde Ratu Darius nangirimmu suratta su manga taumata suassu al᷊awo'u walahanna, ṛuangannu walahanna wuṛṛu wahasa su ahewallu runia, “Tabbean paddarame!

2 TAWARIKH 20:6

wuṛṛu inumal᷊iomanna ringannu tingikka ma'ikkatta, “Oh Mawu, Ruatan al᷊amonan kami! I'o Ruata su surga wuṛṛu uaparenta anambon walahanna su runia. I'o mataṛṛino wuṛṛu matohassa; tawe saran sangkatou apan wotongnge lumawangnga Si'o.

KOLOSE 1:11

Doronganna ringannu taṛṛinon Duata apan mawantuga, i yamiu tohasanna ma'oman sara i yamiu wotongnge matataṛṛanga ringannu sabbare wuṛṛu naungnga mal᷊uassa

EFESUS 3:20

Ringannu taṛṛinon Duata apan maṛṛimadda mammanara sulal᷊ummu naungngi ite, Ruata wotongnge ma'ola'a mannamboanne wuassu apa apan wotongnge doronganni ite ara'e iraṛṛingiddi ite.

YESAYA 40:29

I tou mannohassa taumata apan nal᷊otakka, mangngonggollu sasasa su taumata apan tawe maal᷊iore.

2 TAWARIKH 1:12

Ana waugu udde apande wuṛṛu asingkatta sarun Ta'u ionggolla si'o. Wal᷊ine wua'udde lai, Ya'u sarun ma'ola'a si'o lembon su lal᷊umanna'a, lembon ala wuṛṛu lembon tumelengnga wuassu al᷊awo'u ratu mawae ete sutempo paarorone aroddi lai sutempo apan addantane.”

SONDAPPA 11:17

I mangitou nabbisara, “Mawu, Ruata Lembon Taṛṛino, apan nirumanta, wuṛṛu nirumantate! I yami ma'adiangkamanna Si'o ana waugu I'o suete nappa'attu taṛṛino-Nu apan bahewalla, wuṛṛu nanattakke mammarenta!

YESAYA 43:13

saran mal᷊annu-l᷊annu i Ya'u sidutu Ruata. Taweddu mal᷊iu wuassu taṛṛino-U, ara'e manal᷊are ṛiing-Ku.”

MANNANASE 5:19

Ruata namene naungngu taumata udde ringannu al᷊al᷊uassa, ne i tou tawe suminggawangnga maṛṛingiddu ola'u pabbiaṛṛanna apan maautta indi.

AMSAL 10:22

Ana waugu tumba'u al᷊amattu Mawu taumata nabbal᷊i ala; mammanara maṛṛimadda tawe maatamba darotongnga.

AYUB 9:19

Ṛinonewe i ya'u mabbawul᷊on Tou? Arawe pa'ellega, tawe sul᷊ungnge auatan-Ne! Unnuwisara si Tou i ya'u mangalaen Tou, isai waṛṛani mamaggo si Tou su pallaṛṛuunganna?

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

YESAYA 46:10

Wuassu panattaṛṛanne i Ya'u namasingkattu manga apa apan sarun mariaddi sal᷊immurine, ro'en dorone i Ya'u mabbatti'a apa apan sarun mariaddi. Manga wisara-U: Putusang-Ku sarun maola'a, apulu-U sarun Ta'u olaanna!

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

AMSAL 8:18

Si ya'u nasaddiate paa'ala see lai awawantuga wuṛṛu lal᷊umanna'a.

YOHANES 19:11

Mawu Yesus sinumimbakka, “Amungkangngu Ruata tawe mangonggolu taṛṛino udde si'o, i'o atonna-tonna tawe taṛṛino su riri-U. Ana waugu udde taumata apan nanantillu riri-U si'o, magewal᷊anna rosane wuassu rosanu.”

DARALO 62:11

Arie pangantimma hessin pamamahia, wuṛṛu arie mangasakku saranapa niaṛṛo. Ewe'e lai amungkangu paa'alanu niatambanna, arie naungngu mattundeeta si tou.

DARALO 29:11

Antimanna Mawu mangonggolu atatohassa su walahan-Ne, wuṛṛu ma'ola'a si mangitou su lal᷊umanna'a.

DARALO 29:1

Daralon Daud. Paddalote Mawu, ei manga riadiannu surgawi, paddalote awawantuga wuṛṛu taṛṛino-Ne.

DARALO 28:8

Mawu nangonggolu atatohassa su al᷊aṛanang-Nge, I Tou nanamba'a wuṛṛu nanal᷊amatta ratu nipile-Ne.

AYUB 42:10

Wua'udde, napawe i Ayub niumal᷊iomannu siri tallu hawene, Mawu na'ola'a si tou naala apia wuṛṛu nangonggolla si tou paarua anambone wuassu anambon pussa'ane dorone.

2 TAWARIKH 16:9

Mawu ual᷊u'adda ahewallu runia tadea'u mangonggolu atatohan-Ne su taumata apan matuṛṛutta si Tou. Inolaannu tumaniten longonna, ana waugu udde manattakka orassa indi i'o sidutu sarun mamendamma pangalo.”

YOSUA 4:24

tadea'u anambon taumata su runia maasingkatta aroddi ahewalle taṛṛino Mawu. Wuṛṛu ringannu aroddi yamiu sarun mangaddata Mawu Ruatanu saran mal᷊annu-l᷊annu.”

1 TAWARIKH 29:13

Orassa indi, oh Ruatan kami, yami ma'adiangkamanna Si'o, wuṛṛu yami maddalo aran-Nu apan mawantuga.

2 TAWARIKH 32:29

Waine wua'udde lai i tou namangunna manambo soa. Paa'ala apan nionggolu Ruata si tou mangke aroddi anambone.

DANIEL 2:20

wisarane, “Ruata udde pande wuṛṛu matohassa, dalo si Tou saran mal᷊annu-l᷊annu!

DARALO 62:12

Paapirate i ya'u naaringikka Ruata mabbisara manungku taṛṛino darantane wuassi Tou,

DARALO 103:19

Mawu uaparenta su surga, i Tou ratu apan uataṛṛino al᷊awo'a.