1 TAWARIKH 29:1 - WUKE SUSI WATTI'U AL᷊AL᷊USASSA

¹ Ana see i Ratu Daud nabbisarate su anambon taumata apan uaammulla isudde, “Wuassu anambon parinsi'u, tumba'u i Salomo apan nipilen Duata. Arawe i tou ta'e tumaniten dario'a wuṛṛu ta'e woddo ara'e longonna, see lai manara indi tumaniten wahewalla. Ana see lai apa sarun iaparisikka indi wal᷊ine wal᷊en araratuannu taumata, ewe'e Wal᷊en Mawu Ruata.

1 TAWARIKH 29:1 Referans Kwoze

1 TAWARIKH 22:5

I Daud na'ola'a sarangkanambone udde ana waugu i tou maṛṛingidda arendi; “I ya'u ṛinone mandiahi saranapa apan pappandumanna ipandarisikku Wal᷊en Mawu. Ana waugu i Salomo parinsi-U ta'e dario'a wuṛṛu addio'a asingkanne, arawe Wal᷊en Mawu apan iapararisikke ṛinone apianne wuṛṛu tumelengnga su ahewallu runia.” Ne tantal᷊anna i Daud taambe nate, i tou nanaddia manambo atonna aola'u wangunanna.

1 MARARATU 3:7

Oh Mawu, Ruata'u, I'o namile si ya'u naola'a ratu nallol᷊ossa iamangku, salaiwe i ya'u ta'e saṛṛentumuwo wuṛṛu wagga ereapa olangnge mamarenta.

2 TAWARIKH 13:7

I tou nangammulu manga taumata lal᷊eo wuṛṛu namata'u apulun mangitou si Rehabeam ana'i Salomo, apan sutempo udde ta'e saṛṛen tumuwo tawe asingkatta manal᷊are.

AMSAL 4:3

Sutempo i ya'u ta'e al᷊aṛṛana'a, ana'a tinggassan hagurangku,

1 TAWARIKH 29:19

Onggol᷊aawe si Salomo, parinsi'u, apulun naungnga atonna-tonna tadea'u tumuṛṛutta anambon parenta-Nu wuṛṛu ipandarisikku wal᷊en patataṛṛamawuanna udde apan aolangnge buatte ta'u nisaddia.”

1 TAWARIKH 28:10

Paanaunge paapia-pia manungku Mawu buatte namile si'o mapararisikku wal᷊e-Ne sassane. Ne, orassa indi pammanarate manara udde, ringannu naungnga mal᷊uassa.”

1 TAWARIKH 28:8

Ana see i Daud nabbisara apia, “Nariaddi orassa indi, ei tumana'u araratuangku, su saruannu Ruatan kite wuṛṛu su saruannu ammul᷊annu anambon taumatan Israel, al᷊aṛṛana'u Mawu indi, ya'u sumal᷊ande si yamiu ringannu atonna-tonna tuttuṛṛutta al᷊awo'u parentan Mawu Ruatan kite. Ringannu aroddi yamiu wotongnge sidutu manahuanna wanua apan mapia indi wuṛṛu manantilla su papapulunnu saran mal᷊annu-l᷊annu.”

1 TAWARIKH 28:1

I Ratu namarentate tadea'u anambon piaṛṛa'u Israel maammulla su Yerusalem. Nariaddi manga tembonannu ṛuanganna, manga mammamanaran araratuanna, wuṛṛu timmaddu amonanna, manga mallal᷊u'adda darotongnga wuṛṛu mamadul᷊i winatangngu ratu see lai manga parinsine – aunne manga ahewalanne araratuanna, perwira ara'e tembonannu tantara wuṛṛu taumata papunna, sarangkanambone iapaammulla su Yerusalem.

2 SAMUEL 3:39

Salaiwe i ya'u indi ratu apan nipilen Duata, arawe orassa indi ya'u naapendamma nallome. Manga ana'i Zeruya udde tumaniten maṛṛagissa. I ya'u tawe maatokki mangitou. Doronganna Mawu makkuumannu taumata lal᷊eo udde, uasul᷊ungngu inolaanni mangitou!”

YEREMIA 30:18

Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

1 MARARATU 1:20

I Tuangnga Apan Mawantuga, ahewallu tumana'u Israel orassa indi ete ual᷊aṛṛaddo putusanne wuassi Tuangnga su ola'u isai apan maola'a ratu mallol᷊ossa si Tuangnga.

1 TAWARIKH 22:2

I Ratu Daud nandolokka niapaammulu anambon taumata raho apan uatana'a su wanuan Israel, ana see nandolokki mangitou niapamanara. Sambageanganna wuassi mangitou mammaangnga watu su Wal᷊en Mawu.

2 TAWARIKH 1:2

Anambon tembonannu tantara 1.000 wuṛṛu tantara 100, anambon mamanaran araratuanna, wuṛṛu anambon tembonannu amonannu Israel niparentanni Salomo