1 TAWARIKH 28:9 - WUKE SUSI WATTI'U AL᷊AL᷊USASSA

⁹ Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

1 TAWARIKH 28:9 Referans Kwoze

YEREMIA 29:13

I yamiu sarun maddea'a si Ya'u wuṛṛu maasomba si Ya'u, ana waugu i yamiu maddea'a ringannu ahewallu naungnga.

YEREMIA 24:7

I Ya'u sarun mangonggolla si mangitou apendamma ipassunna manungku ete i Ya'u Mawu. Ne i mangitou sarun maola'a uma-U, wuṛṛu i Ya'u mabbal᷊i Ruata mangitou, ana waugu i mangitou sarun mabbelengnga ringang-Ku ringannu ahewallu naungnga.

1 MARARATU 8:61

Ṛinone i yamiu, uman-Ne sidutu satia su Mawu, Ruatan kite wuṛṛu matuṛṛuta su manga tita wuṛṛu manga parenta-Ne ere lai a'olaanni i yamiu su allo indi.”

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

DARALO 9:10

Mawu udde tampa pattillummannu taumata apan aumpisananna, tampa passirunganna sutempon asasusa.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”

YOHANES 4:24

Ana waugu Ruata udde Ghaṛṛahon, wuṛṛu tumba'u ringannu taṛṛinon Ghaṛṛahon Ruata manga taumata wotongnge massubba Iamangnga ere lai su olangnge udde.”

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

DARALO 139:2

I'o masingkattu al᷊awo'u inolaangku; wuassu marau I'o maasunna ṛingirangku.

YEREMIA 9:24

Isai mappulu lumuassu sambau saranapa, ṛinone lumuassa manungku i tou ma'aillal᷊a wuṛṛu maasunna si Ya'u; manungku i tou masingkatta i Ya'u marangngu saran mal᷊annu-l᷊annu wuṛṛu i Ya'u mannohassa tita see atatul᷊idda su runia. Sarangkanambone udde maal᷊uassa naung-Ku. I Ya'u, Mawu, apan namasingkattu udde.”

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

HOSEA 4:1

Mawu pia gatto ringannu tumana'u wanua indi. Ei, Israel, paddaringikka apa apan niwisara-Ne, “Su wanua indi tawe tatuṛṛutta ara'e darangngu, wuṛṛu tumanangnge tawe manga'u i Ya'u udde Ruata.

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

2 MARARATU 20:3

“Mawu, naungewe manungku i ya'u indi buatte tinumuṛṛutta Si'o ringannu maadunna wuṛṛu ringannu ahewallu lal᷊ummu naungku. I Ya'u sidutu maddea'a tadea'u maatuṛṛutta apulu-Nu.” Ana see i Hizkia nilumuai ringannu massusa.

SASABANGNGA 15:2

Mawu mananahe'u apan matohassa; ete i Tou nanal᷊amatta si ya'u. I Tou Ruata'u, i ya'u maapulu maddalo si Tou, Ruata sassubbannu iupungngu al᷊amona'u, wabbantuhangku i Tou.

1 TAWARIKH 29:9

Tunanangnge nangonggolla ringannu naungnga mal᷊uassa su Mawu wuṛṛu i mangitou lullala'a ana waugu manambote aonggoli mangitou. I Ratu Daud lembon lullala'a lai.

1 MARARATU 8:39

antimanna I'o wuassu atatanaan-Nu su surga maddaringikka see mangampungnga wuṛṛu mantul᷊ungngi mangitou. Tumba'u I'o apan masingkattu lal᷊ummu manga inolaanne,

WATTI'U MANGA RASUL 17:30

Tempon awawodong kite suete tinimbul᷊ianannu Ruata, arawe orassa indi i Tou nandolokku taumata su ahewallu runia tadea'u mawal᷊u wuassu manga rosa mangitou.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

DARALO 101:2

I ya'u maapulu mattanno ola'u wiakka apan tawe sal᷊ane. Tingngerate I'o rumanta ringangku? I ya'u maapulu mabbiakka susi su wal᷊enu,

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

TAHIUL᷊E 31:21

wuṛṛu manambo asasusa apan bahewalla sarun maṛṛia'a si mangitou. Arawe antari indi sidutu sarun ia'antari wuṛṛu ipappaatta maola'a tatiala si mangitou. Wuṛṛu lai orassa indi, tantal᷊anna i mangitou taambe niapi-U Ta'u iapidda watukku wanua apan pina'ire-U, i Ya'u masingkattu lal᷊annu ṛingiddi mangitou.”

IBRANI 12:28

Ana waugu udde, ṛinone i ite ma'adiangkamanna su Ruata, ana waugu i ite nanengkamma wuassi Tou sambau araratuanna apan tawe umio'a. Ṛinone i ite ma'adiangkamanna wuṛṛu mattaṛṛamawu Ruata ringannu addata wuṛṛu atata'utta, tumuṛṛuttu pallal᷊agu apan ipa'apulu-Ne sassane.

2 MARARATU 22:2

I Yosia pallal᷊agune maal᷊uassa naungngu Mawu. I tou nangaṛṛussa pallal᷊agun Ratu Daud al᷊amonane, wuṛṛu mappaamattu titan Duata ringannu ahewallu naungnge.

WATTI'U MANGA RASUL 1:24

See i mangitou inumal᷊iomanna. I mangitou nabbisara, “Mawu, I'o masingkattu naungngu awadaalla. Yudas suete niaddo wuassu manarane sangkatou rasul wuṛṛu see natete. Nariaddi pantingira'a si yami isai wuassu wallattu ruang katou indi apan pileannu Mawu onggol᷊annu manara ipallol᷊ossa si Yudas.”

YOHANES 21:17

Su atallune Mawu Yesus naiwal᷊o si tou, “Simon ana'i Yona, atonna i'o marangngu si Ya'u?” I Petrus nasusa naungnge ana waugu Mawu Yesus naiwal᷊o si tou na'oman sara atallune. Ne i Petrus sinumimbakka apia, “Mawu, Mawu masingkattu sarangkanambone. Mawu masingkatta manungku i ya'u marangngu Mawu!” See Mawu Yesus nabbisara si tou, “Padul᷊ianete manga domba-U.

YOHANES 2:25

Taumata salaiwe tate manal᷊a'a si Tou su ola'u isai-sai, ana waugu i Tou sassane masingkatta apa apan uataṛṛo su naungngu taumata.

HOSEA 4:6

I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.

TAHIUL᷊E 4:35

Sarangkanambone udde niapal᷊iatta'u Mawu si'o ipattiala manungku tumba'u Mawu udde Ruata, wuṛṛu taweddu waine.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

YEHEZKIEL 38:10

Mawu Apan Atanggaṛṛanne nabbisara si Gog, “Sutempo udde i'o sarun mangatokku ṛiinnu apan dal᷊eo.

YEREMIA 11:20

Ana see i ya'u inumal᷊iomanna, “Oh Mawu Apan Lembontaṛṛino, I'o mallaṛṛuungnga apan matul᷊idda; ete I'o apan masingkattu ṛingidda wuṛṛu naungngu taumata. Hatto'u indi ta'u itantilla Si'o. Doronganna i ya'u wotongnge maasilo Si'o mabbal᷊issa inolaannu manga taumata udde.”

AMSAL 17:3

Wul᷊awanna wuṛṛu sal᷊a'a iannamma su auntupanna, arawe naungngu taumata iannammu Mawu.

EZRA 8:22

I ya'u maddiri maddorongnga tantaran awal᷊o su ratu tadea'u iapariagga si yami wuassu pangalon seetta sulal᷊ummu amatanna. Ana waugu i ya'u buatte nabbisara si tou, manungku Ruatan kami mangngal᷊amatta suapan taumata apan mattaṛṛamawu si Tou wuṛṛu maddantinnu see makkuumannu suapan taumata apan tawe satia si Tou.

SASABANGNGA 3:16

Roote wuṛṛu ammul᷊a'a anambon piaṛṛa'u Israel. Al᷊iata'a si mangitou manung-Ku, Mawu, Ruata iupungngu al᷊amona mangitou, Ruatan i Abraham, i Ishak wuṛṛu i Yakub, buatte naipasilon batangan-Ne si'o. Pasingkata'e si mangitou manungku i Ya'u nirumantate ringanni yamiu wuṛṛu naasilote ereapa i mangitou aalangannu balahannu Mesir.

YEREMIA 20:12

Arawe, oh Mawu Apan Lembontaṛṛino, ringannu atatul᷊idda I'o nanal᷊u'atta taumata; I'o masingkattu naungnga wuṛṛu ṛingiranni mangitou. Ana waugu udde walaawe i ya'u ma'ellega Si'o mabbal᷊issa al᷊al᷊eon seetta ana waugu tumba'u Si'o ta'u itantilla hatto'u.

DARALO 18:2

I ya'u marangngu Si'o, oh Mawu, Ete I'o atatoha'u.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

1 PETRUS 5:2

tadea'u yamiu mallu'adda ammul᷊annu domba apan tinantillu Ruata si yamiu. Lu'arete i mangitou ringannu al᷊al᷊uassu naungnga su ereapa ipaapulun Ruata, wuṛṛu arie ringannu ipabbawata'a. Arie lai ma'ola'a manaranu ana see maasomba auntunganna, ewe'e ana waugu i yamiu atonna-tonna maapulu mangimbe.

WATTI'U MANGA RASUL 17:23

Ana waugu su tempo i ya'u u'amatta mammal᷊iwutta soa atatanaannu wuṛṛu mannutukka manga tampam pangal᷊iomanannu, i ya'u naasilo lai sambau tampa pangangadoannu sasamba; su tampa udde uawoṛṛetta, ‘Ionggola su Ruata apan awagananna.’ E, Ruata apan sassubbanni yamiu udde awagananna, ete i Tou apan iwabatti'u si yamiu.

YOHANES 8:55

arawe i yamiu tawe maaillal᷊a si Tou. Arawe i Ya'u maaillal᷊a. Amungkangngu i Ya'u mabbisara manungku i Ya'u tawe maaillal᷊a si Tou, ne i Ya'u sangkatou taṛṛa awusu, ere lai yamiu. I Ya'u maaillal᷊a si Tou wuṛṛu tuttuṛṛutta wisara-Ne.

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

DARALO 89:26

Araratuanne sarun Ta'u hewal᷊anna, wuassu Tahal᷊oangngu Tangngane maddatingngu Sal᷊ukku Efrat.

1 MARARATU 3:6

I Salomo sinumimbakka, “Mawu, I'o buatte napal᷊iatta'a manungku I'o tumaniten marangngu iamangku Daud, allang-Ngu udde. I tou mapia, tawe awusune see matamudda Si'o. Wuṛṛu naola'a wataṛṛune manungku sarangkal᷊o'enge I'o sidutu mandangngu si tou, I'o nangonggolla si tou sangkatou ana'a esakka apan uaparenta nallol᷊ossa si tou.

YESAYA 1:28

Arawe manga taumata marosa apan lullawangnga Mawu sarun patean-Ne, wuṛṛu sarangkanambone apan nanantangngu Mawu sarun iapawinasa.

PANDARIADDI 28:13

Wuṛṛu Mawu uarisikka su sandiṛṛanne apiddu nabbisara, “Ete i Ya'u Mawu, Ruata apan raddaloanni Abraham wuṛṛu i Ishak. I Ya'u sarun mangonggolla si'o wuṛṛu su papapulunnu leta'a apan lal᷊allowangannu indi.

2 KORINTUS 8:12

Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

PANDARIADDI 6:5

Mawu na'ellega tumaniten dal᷊eo manga taumata su runia; anambon ṛingiranni mangitou sidutu lal᷊eo.

2 KORINTUS 9:7

Suapan taumata ṛinone mangonggola tumuṛṛuttu al᷊al᷊uassu naungnge. Arie i tou mangonggola ringannu uapapadua ara'e ipabbawata'a, ana waugu Ruata mandangngu taumata apan mangonggola ringannu naungnga mal᷊uassa.

1 MARARATU 8:43

antimanna wuassu atatanaan-Nu su surga I'o maddaringikka aal᷊iomanne wuṛṛu mangonggollu darorongnge. Ringannu aroddi al᷊awo'u walahanna su ahewallu runia maaillal᷊a Si'o wuṛṛu matuṛṛutta Si'o ere uman-Nu Israel. I mangitou sarun maasingkatta manungku wal᷊en apan ta'u niola'a indi uddewe tampa patataṛṛamawuanna Si'o.

2 MARARATU 21:22

I tou tawe mabbiakka tuttuṛṛuta apulun Mawu, ewe'e lai nanantangu Mawu, Ruata apan sassubbannu al᷊amonane.

1 TAWARIKH 22:19

Nariaddi, yamiu ṛinone mattaṛṛamawu Mawu Ruatanu ringannu ahewallu naungngu. Tattaṛṛa'e mapararisikku Wal᷊en Mawu, tadea'u Wantallu Pa'aire wuṛṛu anambon saranapa waine apan ipaatta mattaṛṛamawu wotongnge sahipunanna isudde.”

1 TAWARIKH 28:8

Ana see i Daud nabbisara apia, “Nariaddi orassa indi, ei tumana'u araratuangku, su saruannu Ruatan kite wuṛṛu su saruannu ammul᷊annu anambon taumatan Israel, al᷊aṛṛana'u Mawu indi, ya'u sumal᷊ande si yamiu ringannu atonna-tonna tuttuṛṛutta al᷊awo'u parentan Mawu Ruatan kite. Ringannu aroddi yamiu wotongnge sidutu manahuanna wanua apan mapia indi wuṛṛu manantilla su papapulunnu saran mal᷊annu-l᷊annu.”

2 TAWARIKH 6:30

antimanna I'o sulal᷊ummu atatanaan-Nu su surga maddaringikka lapiddu mangampungnga si mangitou. Tumba'u I'o masingkattu lal᷊ummu naungngu taumata. Ana waugu udde ṛuumana'e suapan taumata tumuṛṛuttu manga inolaanne,

DARALO 89:38

Araratuanne sidutu tawe mawul᷊i ere wul᷊anna, tatiala mapia su winabbawa.”

AMSAL 3:6

Pannaungke Mawu sulal᷊ummu al᷊awo'u manaranu, ne i Tou sarun mamiaṛṛangngu lal᷊annu pabbiaṛṛanna apan mapia.

YESAYA 38:3

“Mawu, naungewe manungku i ya'u indi buatte nattaṛṛamawu Si'o ringannu satia wuṛṛu naungnga matul᷊idda. I ya'u sidutu mattinsahadda tuttuṛṛutta apulu-Nu.” Wua'udde i Hizkia nilumuai ringannu massusa.

TAHIUL᷊E 10:12

“Orassa indi manga tuṛṛangnga, paddaringikke apa darorongngu Mawu Ruatanu wuassi yamiu: Pangaddate Mawu Ruatanu wuṛṛu paatuṛṛutte su al᷊awo'u parenta-Ne. Pandangngute si Tou wuṛṛu pattaṛṛamawute si Tou ringannu ahewallu lal᷊ummu naungngu.

1 SAMUEL 12:20

I Samuel sinumimbakke lai, “Arie mata'utta, salaiwe i yamiu buatte na'ola'a al᷊al᷊eo udde, imbaṛṛangnga manantangngu Mawu, ewe'e sidutu pattaṛṛamawu si Tou ringannu ahewallu naungngu.

2 TAWARIKH 12:5

Sutempo udde i Ratu Rehabeam wuṛṛu manga piaṛṛa'u Yehuda uaammule su Yerusalem ana waugu tinumal᷊angngi Sisak. Nabi Semaya nirumanta ringanni mangitou wuṛṛu nabbisara, “Arendi wisaran Mawu, ‘I yamiu buatte nanantang-Ku, nariaddi orassa indi Ya'u lai manantangngi yamiu na'oman sara i yamiu massuṛṛubawa si Sisak.’ ”

DARALO 7:10

Illol᷊oa'e al᷊al᷊eon taumata mal᷊awanga wuṛṛu tohasse naungngu taumata mapia, ana waugu I'o Ruata apan matul᷊idda, apan masingkattu naunga wuṛṛu ṛingirannu taumata.

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

AMSAL 4:4

i ya'u aaṛṛannu iamangku. I tou mabbisara, “Paanaungete manga tatantiro'u, imbaṛṛangnga i'o maabul᷊ine. Amata'e manga tatantiro'u tadea'u i'o sidutu mabbiakka su lal᷊umanna'a.

YEREMIA 29:14

Atonna, i yamiu sarun maasomba si Ya'u. I yamiu sarun Ta'u ihemonna wuassu pattangngannu al᷊awo'u walahanna wuṛṛu wuassu tiappu wanua su tampang kamiu nisal᷊iawukka wuṛṛu niwuanga. I yamiu sarun Ta'u iapidda watukku wanua inariaddiannu indi see mamelengngu ola'u pabbiaṛṛanni yamiu. I Ya'u, Mawu, buatte nabbisara.’

YEHEZKIEL 11:5

Wua'udde Ghaṛṛahon Mawu nangooppa si ya'u, wuṛṛu i ya'u nirolokku Mawu iapawisara su taumatan Israel, “Ei walahannu Israel, i Ya'u masingkatta apa apan iwabbisaran kamiu wuṛṛu ihaagolagi yamiu.