1 TAWARIKH 28:4 - WUKE SUSI WATTI'U AL᷊AL᷊USASSA

⁴ Mawu Ruata apan sassubbannu Israel, buatte namile si ya'u wuṛṛu papapulungku iapaparenta Israel saran mal᷊annu-l᷊annu. Su ipanaddia sangkatou piaṛṛangnge i tou namile ṛuanganni Yehuda, wuṛṛu wuassu ṛuanganna udde i tou namile laloṛṛon bal᷊en iamangku. Wuṛṛu wuassu anambon lal᷊oṛṛon bal᷊en iamangku udde i Tou namile si ya'u ne i ya'u nitenega naola'a ratun Israel.

1 TAWARIKH 28:4 Referans Kwoze

1 SAMUEL 16:1

Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”

1 TAWARIKH 17:27

Ana waugu udde, i ya'u sumal᷊ande, doronganna mangal᷊amatta papapulungku tadea'u saran mal᷊annu-l᷊annu i mangitou sidutu uapendamma darangngu-Nu. Ana waugu, I'o buatte nangal᷊amatta al᷊aṛṛanang-Ngu, oh Mawu, ne i mangitou sidutu sarun al᷊amatanna saran mal᷊annu-l᷊annu.”

1 TAWARIKH 17:23

Orassa indi, oh Mawu Ruata, antimanna manohassa saran mal᷊annu-l᷊annu pa'aire apan niwisara-Nu si ya'u wuṛṛu su ola'u papapulungku. Antimanna mappaamattu sarangkanambone apan buatte nipa'ire-Nu udde.

IBRANI 7:14

Anambon taumata masingkata manungku Mawung kite niarantanne wuassu walahanni Yehuda; wuṛṛu i Musa tawe saram paassa nanaggom walahanna udde su tempo i tou mabbisara su ola'u manga imam.

DARALO 108:8

Wuassu atatanaan-Nu apan susi Ruata nabbisara, “I Ya'u maapulu lumala'a wuṛṛu mattahia leta'u Sikhem, Wawal᷊annu Sukot sarun Ta'u iundi.

DARALO 60:7

Sal᷊amatewe i yami ringannu taṛṛino-Nu, simbaṛṛewe aal᷊iomanni yami, tadea'u manga taumata apan arangnguan-Nu iapasal᷊amatta.

DARALO 18:19

I mangitou namangalo si ya'u sutempo i ya'u niaṛiaannu silaka, arawe Mawu nabbal᷊i matatul᷊ungku.

1 SAMUEL 26:1

Su allo sambau manga taumata wuassu Zif nirumanta ringanni Saul su Gibea wuṛṛu namasingkatta si tou manungku i Daud uaimbuni su Wowon Hakhila su winggin wadda'u Yehuda.

2 SAMUEL 5:3

I Daud na'ola'a paaire ringannu manga piaṛṛa'u Israel udde, ana see i mangitou nanenegi Daud naola'a ratu Israel.

DARALO 89:4

I'o nabbisara, “I Ya'u buatte na'ola'a paaire ringannu taumata apan nipile-U; i Ya'u buatte nassalu si Daud, allang-Ku;