1 TAWARIKH 28:2 - WUKE SUSI WATTI'U AL᷊AL᷊USASSA

² I Daud dirumarisikka su saruanni mangitou wuṛṛu nabbisara, “Manga tuṛṛangku sambalahanna, paddaringikke! Mal᷊annute i ya'u pia pandumma mapararisikku sambau wal᷊en apan matohassa panahipunanna Wantallu Pa'aire, dararisirannu leddan Mawu Ruatan kite. I ya'u buatte nanaddia aolangnge ipandarisikku sambau wal᷊en apan passubbanna si Tou.

1 TAWARIKH 28:2 Referans Kwoze

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

DARALO 99:5

Wantuhete Mawu Ruatan kite, passubbate su saruannu araratuan-Ne. Na'ukkasse i Tou!

LAL᷊ALLU 2:1

Mawu nammanara sulal᷊ummu asasa'u, Sion nioossu Mawu ringannu ararandumma. Awawantugu Israel atanggakke ere langitta, buatte niemang-Nge su runia. Sutempo Mawu nasa'u, Wal᷊en-Ne su Sion tate lai nipanduman-Ne.

WATTI'U MANGA RASUL 7:49

‘Langitta eteudde aṛṛa'uang-Ku, wuṛṛu runia apampakku ledda-U. Wal᷊e ereapa ṛinone iapararisikki yamiu si Ya'u? Suapa tampa pangillol᷊oang-Ku?

DARALO 132:14

Wisara-Ne, “Ete isindi atatanaang-Ku saran mal᷊annu-l᷊annu, i Ya'u maapulu mamarenta sutampa indi.

DARALO 22:22

I ya'u nallomete, pallosaawe i ya'u wuassu tatandu'u bantenga wuṛṛu wuassu moṛṛongu singa.

1 TAWARIKH 22:14

Su ola'u Wal᷊en Mawu udde i ya'u buatte nattinsahadda atonna-tonna nangammullu 3.400 tonna awakkattu wul᷊awanna wuṛṛu sal᷊a'a lai awakkanne nilumebbe wuassu 34.000 tonna. Waine lai pia bitu'a wuṛṛu atta'a apan tawe iareengnga anambone. Alu wuṛṛu watu nasaddiate lai si ya'u, arawe i'o ṛinone manamba apia.

1 TAWARIKH 6:31

Ro'en Bantallu pa'aire niingkatta sutampa patataṛamawuanna su Yerusalem, i Ratu Daud namile manga taumata apan manarane mangngantari daralo su Wal᷊en Mawu.

1 MARARATU 1:47

Ewe'e lai manga tembonannu araratuannu ratu buatte nangonggollu wisaran sal᷊amatta si Ratu Daud. I mangitou nabbisara, ‘Antimanna Ruatan Tuangnga ma'ola'a si Salomo lembon tumelengnga wuassi Tuangnga; antimanna pamamarentan Salomo lembon wawantuga wuassu pamamarentan Tuangnga.’ Wua'udde su tampa tatiil᷊anne, i Ratu Daud niumal᷊intudda nassubba Ruata,

TAHIUL᷊E 17:20

Amungkangngu i tou mabbasa ringannu maṛṛimadda, i tou tawe ma'ellega ete i tou apianne wuassu manga taumata walahanna sambau, wuṛṛu tawe lumawangnga parentan Mawu ringannu al᷊awo'u inolaanna. Ana see i tou wuṛṛu papapulunne sarun mamarenta walahanna udde ma'oman sara pallal᷊awanne.”

TAHIUL᷊E 17:15

Panutukka paapia-pia, tadea'u taumata apan itenegi yamiu maola'a ratunu, eteudde taumata apan nipilen Mawu Ruatanu. I tou ṛinone sangkatou wuassu walahanna sassane; imbaṛṛangnga mapatenegu sangkatou taumata raho maola'a ratunu.

PANDARIADDI 48:2

Napawe i Yakub naaringikka manungku i Yusuf nirumanta, i tou nangammulu anambon auatanne, ana see niuma'ianna su tampan lallowanganne.

1 MARARATU 5:3

“Ratu Hiram Apan Mawantuga! Asinungka i Tuangnga masingkatta manungku iamangku Daud ringannu nipabbawata'a mapapangalo ana waugu pappangaloannu seeta wuassu manga wanua su al᷊indongani yami. Wuṛṛu ana waugu Mawu taambe nangonggollu auntunganna si tou su anambon seenne, i tou tawe tempo mandarisikku wal᷊en maola'a tampa papataṛṛamawuanna su Mawu Ruatane.

1 TAWARIKH 17:4

“Inaite wuṛṛu wal᷊oa'a su allang-Ku i Daud tanata-U indi, ‘Wal᷊ine i'o apan sarun mapararisikku wal᷊e-U.

2 TAWARIKH 6:7

Nanansunna Salomo nabbisara, “Iamangku Daud buatte nanggol᷊aga mapararisikku wal᷊en tampa patataṛṛamawuanna Mawu Ruatan Israel.

YESAYA 60:13

Al᷊al᷊uassu mahurangngu Libanon sarun ṛuwoanna ringannu alu berangan, cemara wuṛṛu eru ipa'ola'a Wal᷊e-U apan maṛṛansanga, wuṛṛu ipalloggakka tampa i Ya'u uarisikka.

1 TAWARIKH 22:6

I Daud namaggo parinsine, i Salomo, wuṛṛu namarenta si tou mapararisikku Wal᷊en Mawu Ruata apan sassubbannu taumatan Israel.

1 TAWARIKH 22:7

I Daud nabbisara si Salomo, “Ana'u, mal᷊annute i ya'u pia apulu mapararisikku sambau wal᷊en passubbanna Mawu Ruata'u.

DARALO 110:1

Daralon Daud. Mawu nabbisara si tuangku, “A'iante su samba'a uanang-Ku, ma'oman sara manga seennu Ta'u iapasuṛṛubbawa si'o.”

DARALO 132:2

Arie paabul᷊iane pasasubbane Si'o Mawu, su riandine Si'o Apan Lembon matohassa, Ruatan Yakub.

YEHEZKIEL 43:7

“Ei taumata apan mattate, eteindi adderan araratuang-Ku. Ete isindi i Ya'u sarun matana'a su pattangngu umattu Israel wuṛṛu mamarenta si mangitou saran mal᷊annu-l᷊annu. Mawae ete i mangitou aroddi lai manga ratu mangitou, tate lai mandal᷊eo arang-Ku apan na'ukkassa ringannu massubba paal᷊uanna ara'e ringannu mallabingu winal᷊unannu manga ratu mangitou su tampa indi.

MATIUS 25:16

Mangangimbe apan nanengkamma lima ṛiwu roitta wul᷊awanna udde nal᷊iha-l᷊ihakka inai nabbal᷊u'a, see naasomba auntunganne lima ṛiwu roitta wul᷊awanna.