1 TAWARIKH 28:10 - WUKE SUSI WATTI'U AL᷊AL᷊USASSA

¹⁰ Paanaunge paapia-pia manungku Mawu buatte namile si'o mapararisikku wal᷊e-Ne sassane. Ne, orassa indi pammanarate manara udde, ringannu naungnga mal᷊uassa.”

1 TAWARIKH 28:10 Referans Kwoze

1 TAWARIKH 28:6

Mawu nabbisara si ya'u arendi, ‘i Salomo anangngu sarun mapararisikku wal᷊e-U. I tou buatte Ta'u nipile maola'a ana-U, wuṛṛu i Ya'u sarun maola'a iamangnge.

1 TIMOTIUS 4:16

Paariagai ririnu wuṛṛu paariagai lai al᷊aṛṛangngu. Ṛinone i'o matuṛṛuta ma'ola'a sarangkanambone udde, ana waugu ringannu aroddi i'o sarun manal᷊amatta mawae su ririnu sassane aroddi lai manga taumata apan maddaringikka si'o.

1 TAWARIKH 22:13

Amungkangu i'o matuṛṛutta su anambon tita apan nionggolu Mawu si Musa su walahannu Israel, i'o sarun maasomba auntunganna. I'o ṛinone pia pangangimanna wuṛṛu waṛṛani. Imbaṛṛangnga mata'utta sumaruanna al᷊awo'u hal᷊ahe.

EZRA 10:4

Ete i'o apan sarun mapaamatta. I yami sarun massumbala saran kakeewalle si'o. Pammanarate ringannu matohasa ma'oman sara masue.”

1 MARARATU 1:20

I Tuangnga Apan Mawantuga, ahewallu tumana'u Israel orassa indi ete ual᷊aṛṛaddo putusanne wuassi Tuangnga su ola'u isai apan maola'a ratu mallol᷊ossa si Tuangnga.

1 MARARATU 2:2

“Nia'omante tempone i ya'u nate. Ṛinone i'o mangngimanna wuṛṛu waṛṛani.

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.