1 TAWARIKH 27:33 - WUKE SUSI WATTI'U AL᷊AL᷊USASSA

³³ I Ahitofel eteudde sangkatou mananantiro ratu wuṛṛu i Husai taumatan Arki udde lai mananantiron ratu wuṛṛu hawen ratu apan mapia.

1 TAWARIKH 27:33 Referans Kwoze

2 SAMUEL 15:37

Ne i Husai hawen Daud udde nabelengke watukku Yerusalem, nassangkaranta sutempo i Absalom naranta lai isudde.

2 SAMUEL 15:12

Ana see tantal᷊anna i Absalom mangngonggollu sasamba, i tou lai nandolokku daroloṛṛanna watukku soan Gilo iapawaggo si Ahitofel, eteudde sangkatou maraṛṛingiddi Ratu Daud. Etearoddi ammul᷊anna lumawangnga ratu udde lembon mattohassa, wuṛṛu a'atambante anambone mallal᷊aṛenggenni Absalom.

2 SAMUEL 15:32

Sutempo i Daud na'omate su puiddu wuidda sutampa inanaramannu taumata mattaṛṛamawu Mawu, i tou nisal᷊ohoannu hawene apan marangngu eteudde i Husai taumatan Arki. Laubbi Husai nahesa'a wuṛṛu puane nisal᷊iawuṛṛannu awu.

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

DARALO 55:13

Unnuwisara seetta mapasal᷊a'u, i ya'u ta'e wotongnge maataṛṛangnga. Unnu wisara ro'appa mallobbossa si ya'u, i ya'u ta'e wotongnge mailal᷊inda'i tou.

2 SAMUEL 17:23

Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

2 SAMUEL 16:23

Sutempo udde suapan tatantiron Ahitofel daringiṛṛanna ereola'u wisara udde wisaran Duata sassane, mawae i Daud aroddi lai i Absalom tuttuṛṛutta manga tatantirone.

1 TAWARIKH 27:32

Iaangngu iamangngi Daud aranne i Yonatan, eteudde sangkatou mananantiro apan pande wuṛṛu pia asingkanne. I tou wuṛṛu Yehiel ana'i Hakhmoni tinantil᷊annu manara iapaaṛṛa'a ana'u ratu esakka.