1 TAWARIKH 27:25 - WUKE SUSI WATTI'U AL᷊AL᷊USASSA

^25-31 Eteindi arannu mallal᷊u'adda darotongngu ratu: Manga gudangnga su wal᷊en araratuanna wuṛṛu su Yerusalem: i Azmawet ana'i Adiel Manga gudangnga su liuddu Yerusalem: Yonatan ana'i Uzia Manga mammamanaran bawail᷊anna; i Ezri ana'i Kelub Manga waillu anggore: i Simei wuassu soa Rama Manga tampa panahipunanna anggore: i Zabdi wuassu soa Syifmi Punnu Zaitun wuṛṛu punnu ara (su wawal᷊annu panenteanna samba'an waṛṛatta): i Baal-Hanan wuassu soa Gederi Manga tanpa pananahipunanna lanan Zaitun: i Yoas Winatangnga papadul᷊iananna su Wadda'u Saron: i Sitrai wuassu soa Saron Winatangnga papadul᷊iananna su manga wawal᷊anne: i Safat ana'i Adlai Unta: i Obil papapulunni Ismael Keledai: i Yehdeya wuassu soa Meronot Domba wuṛṛu ambinga: i Yazis, taumatan Hagri.

1 TAWARIKH 27:25 Referans Kwoze

2 TAWARIKH 26:10

I tou lai napararisikku wal᷊en matanggakka pia tanda'a watune su wageangngu wadda'a, wuṛṛu naal᷊i manambo paṛṛihi ana waugu winatangnga papadul᷊iananne tumaniten manambo, mawae ete su leta'a uasendekka aroddi lai su leta'a ratakke su samba'a waṛṛatta. Ana waugu i tou pia ṛingidda su pabbail᷊anna, ne i tou napamanaran manambo taumata niapawaillu anggore su panenteanna, wuṛṛu niapawailla lai su manga wageangngu leta'a apan masuwukka.

2 TAWARIKH 16:2

Ne i Ratu Asa nanganu wul᷊awanna wuṛṛu sal᷊a'a wuassu tampane su Wal᷊en Mawu wuṛṛu wal᷊en araratuanna, ana see niroho watukku Damsyik si Benhadad ratun Siria ringannu tanata indi,

2 MARARATU 18:15

Ana waugu udde, anambon sal᷊a'a apan sasahipunanna su Wal᷊en Mawu wuṛṛu sulal᷊ummu kase su wal᷊en araratuanna niirimmi Hizkia si Sanherib.

SASABANGNGA 1:11

Ne manga taumata Mesir napaatenegu manga mandariaga walahannu Israel, tadea'u mapasusan susan biakki mangitou ringannu mammanara masahadda. I mangitou niwata'a mabbangunna hunan datu Mesir manga soa Pitom wuṛṛu Raamses maola'a punnu pangangadoannu saranapa.

PANDARIADDI 41:48

Gandumma udde niammuli Yusuf ana see sinahipunna su manga soa. Sulal᷊ummu sambau soa i tou nanahipunna gandumma hessin manga wailla su al᷊indongannu soa udde.

1 TAWARIKH 27:24

I Yoab ana'i Zeruya mannattakke ma'ola'a pandareengnga, arawe i tou tawe naapanginsue, ana waugu Ruata nakkuumannu taumatan Israel, waugu pandareengnga udde. Ana waugu udde anambon reenganni mangitou tawe niwoṛṛetta sulal᷊ummu Wuken Ratu Daud.

1 TAWARIKH 29:6

Ne manga tembonannu amonanna, tembonannu ṛuanganna, manga piaṛṛa'u tantara ara'e perwira wuṛṛu mallal᷊u'adda darotongngu ratu nabbisara manungku i mangitou lai mappulu massumbala.

1 TAWARIKH 28:1

I Ratu namarentate tadea'u anambon piaṛṛa'u Israel maammulla su Yerusalem. Nariaddi manga tembonannu ṛuanganna, manga mammamanaran araratuanna, wuṛṛu timmaddu amonanna, manga mallal᷊u'adda darotongnga wuṛṛu mamadul᷊i winatangngu ratu see lai manga parinsine – aunne manga ahewalanne araratuanna, perwira ara'e tembonannu tantara wuṛṛu taumata papunna, sarangkanambone iapaammulla su Yerusalem.