1 TAWARIKH 26:20 - WUKE SUSI WATTI'U AL᷊AL᷊USASSA

²⁰ Manga taumata waine sulal᷊ummu ṛuanganni Lewi apan tinantil᷊annu manara mallu'adda saranapa su Wal᷊en Mawu wuṛṛu gudangnga panahipunanna manga aonggola su Ruata.

1 TAWARIKH 26:20 Referans Kwoze

1 TAWARIKH 26:22

Al᷊aṛṛana'i Yehiel, eteudde i Zetam wuṛṛu i Yoel, nionggol᷊annu manara mandiaga gudangnga wuṛṛu roitta su Wal᷊en Mawu.

MALEAKHI 3:10

Apira'e sepeṛṛe mapul᷊onu sarangkanambone watukku Wal᷊e-U tadea'u pia anna manambo poiaroddi. Panal᷊u'ate si Ya'u, ne i yamiu sarun maasilo manungku i Ya'u namu'a manga ngaran surga wuṛṛu nangonggolla si yamiu al᷊awo'a apan mapia.

EZRA 2:69

I mangitou nangonggollu sumbanganna tumuṛṛuttu asombangngu sambau-sambau wuṛṛu napawe niaammulla eteudde 500 kg wul᷊awanna, 2.800 kg sal᷊a'a, wuṛṛu 100 juba hunan manga imam.

1 TAWARIKH 26:24

I Sebuel wuassu amonanni Gersom, ana'i Musa, eteudde mallal᷊u'adda darotongngu Wal᷊en Mawu.

1 TAWARIKH 18:11

I Ratu Daud nangonggolu anambon aonggola udde su Mawu apan ipa'atta sulal᷊ummu lal᷊aghu patataṛṛamawu. Aroddi lai su manga saranapa wul᷊awanna wuṛṛu sal᷊a'a apan buatte niaṛṛon Daud si Hadadezer wuṛṛu manga walahanna apan buatte niwaddone, eteudde walahannu Edom, Moab, Amon, Filistin wuṛṛu Amalek.

1 MARARATU 15:18

Ana waugu udde i Ratu Asa nanganu anambon bul᷊awanna wuṛṛu sal᷊a'a apan ta'e pia su Wal᷊en Mawu wuṛṛu wal᷊en araratuanna ana see niiringnga watukku Damsyik si Benhadad ratun Siria, ana'i Tabrimon, eteudde pulunni Hezion. Manga saranapa udde niiringnga su manga pira mammamanaran wal᷊en araratuanna, ringannu tanata manansunna indi,

1 MARARATU 14:26

I tou nangaṛṛo anambon saranapa maarega apan uaraddo su Wal᷊en Mawu wuṛṛu su wal᷊en araratuanna, wuṛṛu lai manga allungnga wul᷊awanna apan iola'i Salomo.

1 MARARATU 7:51

Napawe i Ratu Salomo nasuete napararisikku Wal᷊en Mawu, i tou nanahipunna sulal᷊ummu manga gudangu wal᷊en udde anambon sal᷊a'a, wul᷊awanna, wuṛṛu manga saranapa waine apan buatte nionggolli Daud iamangnge su Mawu.

1 TAWARIKH 26:19

Etearoddi patatahia manaran pandariaga su amonanni Korah wuṛṛu su amonanni Merari.

1 TAWARIKH 26:21

I Ladan eteudde sangkatou esakka ana'i Gerson; i tou nanossokku manga pira wageangngu amonanna, nasutta amonanni Yehiel anangnge.

REENGANNA 8:26

Wua'udde i tou wotongngete massumbala taumatan Lewi waine apan mammanara sulal᷊ummu Rasang-Ku, arawe allo-allo i tou tate mammanara. Etearoddi olangnge mangatokku manara manga taumatan Lewi.”

2 TAWARIKH 8:15

Anambon tatantiron Daud su manga imam wuṛṛu taumatan Lewi su ola'u manga gudangnga wuṛṛu manga saranapane waine, nitannoanne lai ringannu maannudda.

EZRA 8:28

I ya'u nabbisara su manga imam udde, “I yamiu niṛṛae hunan Mawu, Ruata apan sasubbannu iupungngu al᷊amonnan kite, aroddi lai al᷊awo'u saranapa sal᷊a'a wuṛṛu wul᷊awanna apan nionggolla su Mawu uddewe niṛṛae hunan Mawu.

NEHEMIA 12:44

Sutempo udde manga pira taumata niapamanara mandiagga manga wabbo'an bal᷊unna tampa pangaddoannu manga sasumbala hunan Wal᷊en Mawu, nasutta manga sasamba sepere mapul᷊o wuṛṛu hessin pangitinganna apan paarorone suapan tonna. Manga mandariagga udde ṛinone mangammullu manga sasumbala udde wuassu manga wawail᷊anna maranin manga soa. Manga sasumbala udde nintatilla su manga imam wuṛṛu manga taumatan Lewi, uasul᷊ungngu atorannu Tita. Manga taumatan Yehuda mangngaddatta manga imam wuṛṛu manga taumatan Lewi udde,