1 TAWARIKH 25:8 - WUKE SUSI WATTI'U AL᷊AL᷊USASSA

⁸ Ipanantunnu hilirannu mammanara, i mangitou sarangkanambone niundi – mawae dario'a aroddi lai timmadde, mawae ete pia asingkatta su pabbiaṛṛanna aroddi lai wakku manattakka mammanara.

1 TAWARIKH 25:8 Referans Kwoze

1 TAWARIKH 26:13

Suapan amonanna mawae ete amonanna wahewalla ara'e addio'a, nanganu undi tadea'u maasingkatta su ngara pasallanganna suapane i tou ṛinone mandiaga.

AMSAL 16:33

Tadea'u maasingkatta akkittu pal᷊adda, taumata manawutta undi, arawe manantunnu sasimbakke tumba'u Mawu sassane.

WATTI'U MANGA RASUL 1:26

Wua'udde aranna darua udde niundi, see niata'eanne eteudde Matias. Nariaddi i tou netenega maola'a rasul mammanara su sambau ringannu sire mapul᷊o assa rasul waine.

NEHEMIA 12:24

Su al᷊ungngu piaṛṛa'u Hasabya, Serebya, Yesua, Binui wuṛṛu Kadmiel, manga taumatan Lewi nitahia sulal᷊ummu manga wageangnge. Suapan paassa pia darua wageangnge apan mammanara maddalo Mawu wuṛṛu mangngonggollu aadiangkamanna si Tou uawawal᷊issa, uasul᷊ungngu atoranni Ratu Daud, allangngu Ruata udde.

2 TAWARIKH 23:13

I tou naasilo ratu apan wakku udde uarisikka su ngara suttannu Wal᷊en Mawu, suapa i tou nitenega, papal᷊iwutannu manga tembonannu tantara wuṛṛu mananiuppa trompeta. Tumana'u soa sarangkanambone mangngintul᷊i lullala'a lapiddu manniuppa trompeta, wuṛṛu manga mananal᷊angnga musikka su Wal᷊en Mawu nilumala'u ramea udde ringannu anambon musikki mangitou. Ringannu naungnga lal᷊eo i Atalya nanggesa'a laubba wuṛṛu nangintul᷊i, “Mandal᷊al᷊eo! Mandal᷊al᷊eo!”

1 TAWARIKH 26:16

I Supim wuṛṛu i Hosa naasomba su ngara pasallanganna samba'an waṛṛatta wuṛṛu ngara pasallanganna Syalekhet apan addone su lal᷊anna saanna. Manara pandariaga niatokka aroddi olangnge na'oman sara sidutu pia mandariaga su ngara pasallanganna.

1 TAWARIKH 24:31

Su atokku manaran mangitou, suapan tembonannu amonanna suadio'a ringannu tuarine esakka manganu undi ere lai buatte niola'u tuṛṛangngi mangitou, eteudde manga imam papapulunni Harun. Panganganu undi udde lai aellehanni Daud wuṛṛu i Zadok, i Ahimelekh see lai manga tembonannu amonanna wuassu wageangngu manga imam wuṛṛu wuassu wageangngu taumatan Lewi.

1 TAWARIKH 24:5

Ana waugu mawae su papapulunni Eleazar aroddi lai sulal᷊ummu papapulunni Itamar pia mammamanaran Wal᷊en Mawu wuṛṛu manga piaṛṛa'u agama, ne pattatahia manara niundi.

1 TAWARIKH 15:22

I Kenanya nipile niapapiaṛṛa'u manga mananalangnga musikka wuassu ṛuanganni Lewi, ana waugu i tou pande mannalangnga musikka.

IMAMATTA 16:8

Isudde i tou ṛinone mandammen undi ringannu mappaattu darua watu, iapa sambau nitialanna “ionggolla su Mawu”, wuṛṛu waine “ionggolla si Azazeel”.

1 TAWARIKH 25:9

Siri 288 su atoune udde nitahia sulal᷊ummu wageangnge tumuṛṛuttu amonannu sambau-sambau. Suapan wageangnge taumatane 12 su atoune ipappiaṛṛa'u sangkatou. Eteindi aranni mangitou tumuṛṛuttu buatte niundi: 1. i Yusuf wuassu papapulunni Asaf 13. i Subael 2. i Gedalya 14. i Matica 3. i Zakur 15. i Yeremot 4. i Yizri 16. i Hananya 5. i Netanya 17. i Yosbekasa 6. i Bukia 18. i Hanani 7. i Yesarela 19. i Maloti 8. i Yesaya 20. i Eliata 9. i Matanya 21. i Hotir 10. i Simei 22. i Gidalti 11. i Azareel 23. i Mahaziot 12. i Hasabya 24. i Romamti-Ezer

1 TAWARIKH 25:2

Siri appatta esakka ana'i Asaf: i Zakur, i Yusuf, i Netanya wuṛṛu i Asarela. Piaṛṛa'i mangitou eteudde i Asaf, apan mammasingkattu tanatan Duata, napawe i mangitou iapamanaran ratu.