1 TAWARIKH 25:6 - WUKE SUSI WATTI'U AL᷊AL᷊USASSA

⁶ Anambon ana'i Heman udde mananalangnga musikku simbal, kecapi wuṛṛu gambus su piaṛṛa'i iamangngi mangitou su ipannantuṛṛutta lal᷊aghu patataṛṛamawu su Wal᷊en Mawu. I Asaf, i Yedutun wuṛṛu i Heman maasomba manara amungkangu irolokku ratu.

1 TAWARIKH 25:6 Referans Kwoze

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

EFESUS 5:19

Pappaatte manga wisara Mazmur, antari daralo wuṛṛu antarin taumatan Saṛṛani sulal᷊ummu manga hattong kamiu. Ṛinone i yamiu ringannu naungnga apan mal᷊uassa, mangngantarin daralo su Mawu.

DARALO 68:25

Sarangkamabone nabbiala pangangelekku auntungan-Nu, oh Ruata, Ruata'u, Ratu'u, niapidda watukku tampa atatanaan-Ne.

1 TAWARIKH 23:5

4.000 su atoune manarane mandiaga, wuṛṛu 4.000 sua atoune lai manarane maddalo Mawu ringannu mannengkella musikka apan buatte nisaddia.

1 TAWARIKH 15:22

I Kenanya nipile niapapiaṛṛa'u manga mananalangnga musikka wuassu ṛuanganni Lewi, ana waugu i tou pande mannalangnga musikka.

1 TAWARIKH 15:16

I Daud nandolokku lai piaṛṛa'u manga taumatan Lewi udde tadea'u mandolokku manga pira taumata wuassu walagi mangitou iapaantari wuṛṛu iapanalangnga antarin lal᷊uassa su kecapi wuṛṛu simbal.

2 SAMUEL 6:5

I Daud wuṛṛu anambon walahannu Israel niumamatta su saruannu Wantalla udde lapiddu massal᷊aingnga nallassa auatanna wuṛṛu mangngantari maddalo Mawu. I mangitou mannalangnga kecapi, gambus, rebana, kelentingan wuṛṛu simbal.

2 TAWARIKH 29:25

Uasul᷊ungngu manga tatantiro apan nionggolu Mawu si Daud wuassi Nabi Gad, apan mammanara ringannu ratu wuṛṛu wuassi Nabi Natan, ratu napamanaran manga taumatan Lewi su Wal᷊en Mawu iapanalangnga kecapi wuṛṛu gambus,

1 MARARATU 10:12

Alu udde nipaatti Salomo ipa'ola'a manga tarali su Wal᷊en Mawu wuṛṛu wal᷊e atatanaannu ratu; wuṛṛu lai niola'a kecapi wuṛṛu gambus hunan ingana'a mangangantari. Manga alu udde eteudde alu cendana apianne apan buatte niapidda watukku Israel; tate saran paassa taumata maasilo alu apianne ereudde.)

2 TAWARIKH 20:28

Napawe na'omate su soa, i mangitou nabbarisse watukku Wal᷊en Mawu ringannu tingikku kecapi wuṛṛu trompeta.

2 TAWARIKH 23:13

I tou naasilo ratu apan wakku udde uarisikka su ngara suttannu Wal᷊en Mawu, suapa i tou nitenega, papal᷊iwutannu manga tembonannu tantara wuṛṛu mananiuppa trompeta. Tumana'u soa sarangkanambone mangngintul᷊i lullala'a lapiddu manniuppa trompeta, wuṛṛu manga mananal᷊angnga musikka su Wal᷊en Mawu nilumala'u ramea udde ringannu anambon musikki mangitou. Ringannu naungnga lal᷊eo i Atalya nanggesa'a laubba wuṛṛu nangintul᷊i, “Mandal᷊al᷊eo! Mandal᷊al᷊eo!”

NEHEMIA 12:24

Su al᷊ungngu piaṛṛa'u Hasabya, Serebya, Yesua, Binui wuṛṛu Kadmiel, manga taumatan Lewi nitahia sulal᷊ummu manga wageangnge. Suapan paassa pia darua wageangnge apan mammanara maddalo Mawu wuṛṛu mangngonggollu aadiangkamanna si Tou uawawal᷊issa, uasul᷊ungngu atoranni Ratu Daud, allangngu Ruata udde.

NEHEMIA 12:46

Ro'en sutempo Ratu Daud wuṛṛu mapapanden musikka Asaf, manga mangangantari buatte nangantari aantarin daralo aadiangkamanna su Ruata.