1 TAWARIKH 22:9 - WUKE SUSI WATTI'U AL᷊AL᷊USASSA

⁹ Salaiwe aroddi, i Tou buatte nangonggolu pa'aire indi si ya'u: ‘I'o sarun maasomba sangkatou ana'a esakka apan sarun mamarenta ringannu mal᷊angnganna, ana waugu i Ya'u sarun mantul᷊ungngi tou ma'oman sara tawe seetta apan mamangalo si tou. I tou sarun isaggo i Salomo ana waugu sutempo i tou uaparenta i Ya'u sarun mangonggolu al᷊al᷊angnganna wuṛṛu atatahul᷊andimma su ahewallu Israel.

1 TAWARIKH 22:9 Referans Kwoze

1 MARARATU 5:4

Arawe orassa indi Mawu Ruata'u buatte nangonggollu atatammudda su ahewallu leta'a paparentangku. I ya'u tawe seetta, wuṛṛu tawe lai asasilaka apan maṛṛia'a su wanua'u.

1 MARARATU 4:20

Tumana'u Yehuda wuṛṛu Israel anambone ere anne su wiwikku tahal᷊oangnga. I mangitou uatahuanna anna manambo wuṛṛu ua'e see mabbiakka su lal᷊umanna'a.

HAGAI 2:9

Wal᷊e-U apan wakku sarun mappianna wuassu paarorone, wuṛṛu isindi i Ya'u sarun mangonggollu paddarame wuṛṛu lal᷊umanna'a su walahang-Ku.” Mawu Apan Lembontaṛṛino buatte nabbisara.

YESAYA 66:12

Ana waugu Mawu nabbisara, “I yamiu sarun Ta'u onggol᷊annu lal᷊umanna'a naal᷊ihidda sal᷊ukka apan mangngelekka; pa'aala manga walahanna sarun iapidda ringannu naal᷊ihidda sal᷊ukka apan tuttompe'a. I yamiu naal᷊ihidda ana'a apan iappasusu wuṛṛu sasal᷊uruannu inangngene, see lai sassaṛṛiolohanna su ṛiwane.

YESAYA 57:19

I Ya'u sarun mangonggollu atatammudda su anambon taumata, mawae ete marani aroddi lai marau. I Ya'u sarun mapaapian uma-U.

YESAYA 45:7

Ete i Ya'u apan nandiaddi asasemakka wuṛṛu ararandumma, i Ya'u mandatan al᷊amatta wuṛṛu asasilaka. Ete i Ya'u Mawu apan na'ola'a sarangkanambone udde.

YESAYA 26:12

Mawu, I'o sarun ma'ola'a si yami su lal᷊umanna'a; sarangkanambone apan mammanaranni yami, ete I'o apan mangngaṛṛa'u udde si yami.

DARALO 72:7

Antimanna atatul᷊idda aatambanna su al᷊o'engngu tempo wuṛṛu paa'ala mannambo su al᷊o'engngu ta'e pia bul᷊anna.

AYUB 34:29

Napawe Ruata makkawessa mangke mal᷊annabba, taweddu saran sangkatou apan waṛṛani mapasal᷊a-Ne. Amungkangngu i Tou namunin hati-Ne, tawe saran sangkatou apan maasangkalla si Tou.

1 TAWARIKH 17:11

Sutempo addantane napawe nia'omate papatenu wuṛṛu i'o ilabbinga su labbingu al᷊amonanu,sangkatou suwallatu parinsinu sarun Ta'u itenega maola'a ratu. Ete i tou apan sarun mapararisikku Wal᷊e-U. Araratuanne sarun Ta'u tohassanna, wuṛṛu saran mal᷊annu-l᷊annu sangkatou wuassu papapulunne sarun mamarenta maola'a sangkatou ratu.

MAL᷊AṚṚUUNGNGA 6:24

Ana see i Gideon napararisikku sambau mezbah poiaroddi wuṛṛu nisaggo “Mawu Punnu Al᷊al᷊uassa”. Mezbah udde sara orassa indi ta'e poi su Ofra, eteudde soan taumatan Abiezer.

1 MARARATU 1:13

paal᷊ihakke summaruanna si Ratu Daud, wuṛṛu pabbal᷊o arendi si tou: ‘Wal᷊inewe i Tuangnga sassane buatte nassalu si ya'u manungku parinsi'u i Salomo sarun maola'a ratu mallol᷊ossa si Tuangnga? Orassa indi anio i Adonia apan maola'a ratu?’ ”

1 MARARATU 2:15

I Adonia sinumbakka, “Inangnga masingkatta manungku ete i ya'u apan ṛinone maola'a ratu; udde aaggasan ninatimannu ahewallu Israel. Arawe apan nariaddi udde wal᷊ine; tuari'u apan naola'a ratu, ana waugu Mawu mappandumma aroddi.

1 MARARATU 3:7

Oh Mawu, Ruata'u, I'o namile si ya'u naola'a ratu nallol᷊ossa iamangku, salaiwe i ya'u ta'e saṛṛentumuwo wuṛṛu wagga ereapa olangnge mamarenta.

1 TAWARIKH 22:18

Wisarane, “Mawu Ruatanu buatte nantul᷊ungngi yamiu, nangonggolu paddarame wuṛṛu atatammudda su ahewallu wanua. I tou buatte namala'u namaddon anambon walahanna apan dorone uatana'a su wanua indi. Orassa indi i mangitou uasuṛṛubbawate si'o wuṛṛu su Mawu.

2 TAWARIKH 6:15

I'o buatte nanipussa paaire-Nu su iamangku Daud. Sarangkanambone apan nipa'ire-Nu udde buatte nimanara'u allo indi.

1 MARARATU 8:56

“Dalo su Mawu apan buatte nangonggollu atatammudda su uman-Ne ere buatte niriandi-Ne wuassu allang-Nge i Musa. Sarangkanambone apan mapia apan niriandi-Ne mangke natipussa.

DARALO 72:1

Wuassi Salomo. Oh Ruata, tantiroa'e tita-Nu su ratu, onggol᷊a'e atatul᷊iddu Mawu su ratu.