1 TAWARIKH 21:30 - WUKE SUSI WATTI'U AL᷊AL᷊USASSA

³⁰ Arawe i Daud tawe waṛṛani inai poaroddi maggahatton Ruata, ana waugu i tou matta'uttu hel᷊elen mala'ekattu Mawu udde.

1 TAWARIKH 21:30 Referans Kwoze

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

YEREMIA 10:7

Isai apan maddiri mangimanna Si'o, ratun al᷊awo'u walahanna? Atonna, I'o ṛinone a'addatanna. Wuassu anambon apan pande suwallattu manga walahanna wuṛṛu wuassu anambon manga ratu mangitou, tawe saran sangkatou apan botongne isul᷊ungnga ringannu watangan-Nu, oh Mawu.

YEREMIA 5:22

Ete i Ya'u Mawu; anio i Ya'u tawe iata'utti yamiu? Ṛinone i yamiu mangngindo su saruang-Ku! Ete i Ya'u apan nallanginnu apanne apan naola'a sasaran tahal᷊oangnga apan tawe al᷊iuanna saran mal᷊annu-l᷊annu. Tahal᷊oangnga wotongnge mattandi'a wuṛṛu walladde mandi'uṛṛungnga, arawe tawe maal᷊iu passaranne udde.

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

DARALO 90:11

Isai apan wotongnge maaillal᷊a ahewallu asasa'u-Nu, ara'e naatutukke pangillul᷊eannu asasa'u-Nu?

AYUB 23:15

Ana waugu matta'uttu Mawu, i ya'u mangngiladda; mangkiṛṛingi'u sarangkanambone udde, aatambate lai atata'u.

AYUB 21:6

Amungkangngu i ya'u maṛṛingiddu olangnge indi i ya'u mangngindote ana waugu nata'utta.

AYUB 13:21

illol᷊oa'e manansara si ya'u, wuṛṛu ariewe i ya'u mandantan araṛṛagin-Nu si ya'u!

1 TAWARIKH 21:16

I Daud naasilo mala'ekatta udde tuttalla'a suwallatu langitta wuṛṛu runia. Ringannu uaagassa hal᷊ele, mala'ekatta udde nasaddiate makkimunsa'a Yerusalem. Ne i Daud wuṛṛu manga matatimmadu tumanangnge, apan sutempo udde tantal᷊anna ual᷊uṛṛen laubba karongnga maola'a tatiala sussassila, niumal᷊intudda su leta'a.

1 TAWARIKH 13:12

Arawe i Daud mata'uttu Ruata lai wuṛṛu nabbisara, “Orassa indi ereapate Wantallu Pa'aire udde ta'u iapidda?”

2 SAMUEL 6:9

Arawe i Daud matta'uttu Mawu lai wuṛṛu nabbisara, “Orassa indi ereapate Wantallu Pa'aire udde wotongnge ta'u iaapidda?”

TAHIUL᷊E 10:12

“Orassa indi manga tuṛṛangnga, paddaringikke apa darorongngu Mawu Ruatanu wuassi yamiu: Pangaddate Mawu Ruatanu wuṛṛu paatuṛṛutte su al᷊awo'u parenta-Ne. Pandangngute si Tou wuṛṛu pattaṛṛamawute si Tou ringannu ahewallu lal᷊ummu naungngu.

1 TAWARIKH 21:29

Sutempo udde Rasannu Mawu apan niola'i Musa su wadda'a, wuṛṛu mezbah panambunannu sasamba ta'e udde sutampa patataṛamawuanna su Gibeon.

1 TAWARIKH 22:1

Ne i Daud nbbisara, “Ete sutampa indi ṛinone iapararisikka Wal᷊en Mawu Ruata. Wuṛṛu ete su mezbah indi taumatan Israel ṛinone mangonggolu sasamba itattambunna hunane su Mawu.”