1 TAWARIKH 21:15 - WUKE SUSI WATTI'U AL᷊AL᷊USASSA

¹⁵ Ana see Mawu nandolokku sangkatou mala'ekatta niapaṛṛimunsa'a Yerusalem. Arawe sutempo mala'ekatta udde na'omate maranin paṛṛindanna ganduma pussa'an Arauna taumatan Yebus, Mawu namal᷊u parenta-Ne makkuumannu walahanna udde. I Tou nabbisara mala'ekatta udde, “Wotongngete, Taal᷊a'e!”

1 TAWARIKH 21:15 Referans Kwoze

PANDARIADDI 6:6

I Tou sinumassilla buatte nandiaddi si mangitou wuṛṛu napaatana'i mangitou su runia. I Tou tumaniten sinumassilla,

SASABANGNGA 32:14

Ne Mawu namal᷊u pandumanne wuṛṛu tate mapaamattu riin-Ne ipangema'a walahanna udde ringannu asasilaka.

MARKUS 14:41

Napawe Mawu Yesus nabelengke ringanni mangitou apia su atallune, i Tou nabbisara, “Ta'e lai mattiilla yamiu wuṛṛu uaillol᷊o? Wotongngete! Nia'omante tempone Ana'u Taumata itantilla su liman taumata marosa.

YEREMIA 26:18

“Sutempo i Hizkia naola'a ratun Yehuda, i Nabi Mikha wuassu Moresyet namasingkatta su tumanangnge wisara indi wuassu Mawu Apan Lembontaṛṛino, ‘Sion sarun pajekoanna ere wailla, Yerusalem sarun maola'a winal᷊al᷊anna, wuṛṛu wuiddu Wal᷊e Mawu sarun mabbal᷊i mahurangnge.’

YEREMIA 7:12

Roote watukku Silo, soa apan paarorone nabbal᷊i tampan patataṛṛamawaunna si Ya'u. Pa'ellege apa apan buatte Ta'u niola'a su tampa udde ana waugu rosan uma-U Israel.

DARALO 90:13

Oh Mawu, sara tingngera I'o masa'u? Pabbelengke wuṛṛu akkanaawe manga allang-Ngu.

DARALO 78:38

Arawe Ruata mandangngu wuṛṛu nangampunga al᷊aṛṛanang-Nge, wuṛṛu tawe namate si mangitou. Masokka-sokka i Tou maṛṛaddannu asasa'u-Ne, wuṛṛu tawe mapasabbangu naung-Nge lal᷊eo.

2 TAWARIKH 3:1

i Ratu Daud buatte nanantunna manungku Wal᷊en Mawu ṛinone iapararisikka su Yerusalem su Wowon Moria su tampa pakkindanna ganduma pussa'an Arauna taumatan Yebus. Pandararisikku Wal᷊en Mawu udde tinattakki Ratu Salomo

1 MARARATU 19:4

ana see niumamatta watukku wadda'a lol᷊okka al᷊annune allo massallo wuṛṛu nangillol᷊o su sambau punnu alu apan masindumunna. Isudde i tou inuma'ianna wuṛṛu pendamanna i tou mappul᷊ute nate. “I ya'u tate maataṛṛangnga lai, Mawu,” wisarane su Mawu. “Alape niawa'u. I ya'u tawe mapianne wuassu al᷊amona'u!”

2 SAMUEL 24:18

Su allo udde lai i Gad nirumanta sinumaruanna si Daud wuṛṛu nabbisara si tou, “Ṛinone i Tuangnga umawitta su tampa pakkindanna gandumma tatahuannanni Arauna, wuṛṛu mapararisikku mezbah su Mawu.”

2 SAMUEL 24:16

Mala'ekattu Mawu apan uaapiddu papate na'omate su tampa pakkindanna gandumma tatahuananni Arauna, taumatan Yebus. Sutempo Mawu naasilo manungku mala'ekatta udde nasaddiate manginsue Yerusalem, Mawu namal᷊u laṛṛawen-Ne, ne mala'ekatta udde naddote nakkuumannu walahanna udde. Wisara-Ne su mala'ekatta udde, “Wotongngete! Addote!”

MAL᷊AṚṚUUNGNGA 10:16

Wua'udde anambon paal᷊uanna sassubbanna nirammete si mangitou, ana see nassubbate Ruata. Ne Ruata nompo'a naung-Nge naasilo si mangitou sulal᷊ummu asasusa.

MAL᷊AṚṚUUNGNGA 2:18

Amungkangngu Mawu mangonggolu sangkatou piaṛṛa'a su walahannu Israel, Mawu sidutu ual᷊u'adda piaṛṛa'a udde. Su al᷊o'engngu piaṛṛa'a udde mabbiakka, Mawu sidutu mapal᷊iun mangitou wuassu manga seetti mangitou. I Tou u'akkanni mangitou napawe I Tou maaringikka i mangitou sussal᷊iomanna ana waugu pappateanna ara'e tawe maal᷊ore.

SASABANGNGA 9:28

Aal᷊iomatee su Mawu; yami mal᷊annute uatataṛṛangnga ana waugu rallu'a wuṛṛu uranna masunge indi. I Ya'u sarun mamallossi yamiu inai. I yamiu ariete pa'atana'a isindi lai.”

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

YEREMIA 26:9

Waṛṛani atonna i'o mabbisara sulal᷊ummu arannu Mawu manungku Wal᷊en-Ne indi sarun maola'a ere Silo, wuṛṛu amungkangngu soa indi sarun ṛimunsaanna wuṛṛu maola'a tampa apan tawe atanaanna lai.” Wua'udde niṛṛimpulanannu awadaalla.

1 KORINTUS 10:10

I ite tawe wotongnge lai sumungkuta, ere buatte niola'u sangkawageanganna wuassi mangitou rorone, na'oman sara i mangitou nipaten Mala'ekattu Papate.

PANDARIADDI 19:13

ana waugu soa indi sarun soṛṛowanni yami. Mawu naaringikke manga aalae apan mawakkata su tumana'u soa indi, wuṛṛu i yami buatte nirolokki Tou iapaasoṛṛobba soan Sodom.”

1 SAMUEL 15:11

“I ya'u sinumassilla nanenegi Saul naola'a ratu, ana waugu i tou buatte tinumal᷊iudda si Ya'u, wuṛṛu tawe tumuṛṛutta parenta-U.” I Samuel mangke nasusa, wuṛṛu su al᷊o'engngu ṛabbi i tou sussal᷊ande Mawu.

YUNUS 3:10

Ruata na'ellega inolaanni mangitou; i Tou naasilo manungku i mangitou buatte nanantangngu inolaanni mangitou apan dal᷊eo. Ne i Tou namal᷊u ṛiin-Ne, wuṛṛu tate nariaddi hakkuumanni mangitou.

AMOS 7:3

Mawu namal᷊u ṛiin-Ne wuṛṛu nabbisara, “Apan niasiloannu udde tawe mariaddi.”

AMOS 7:6

Mawu namalu ṛiin-Ne apia wuṛṛu nabbisara, “Indi lai sarun tawe mariaddi.”