1 TAWARIKH 21:13 - WUKE SUSI WATTI'U AL᷊AL᷊USASSA

¹³ I Daud sinumimbakka, “Uare, nasilakate i ya'u! Arawe wuassu i ya'u iṛṛuumannu taumata, mappianne i ya'u iṛṛuumannu Mawu ana waugu tumaniten nangillembo aakkanna wuṛṛu darangngu-Ne.”

1 TAWARIKH 21:13 Referans Kwoze

DARALO 130:7

Pangantimpe Mawu, ei al᷊aṛṛanang-Nge, ana waugu i Tou sidutu marangngu, wuṛṛu sidutu uasaddiate manal᷊amatta.

IBRANI 10:31

Asasusa eteapa amungkangu manawo su lima Ruata Apan Wiakka!

FILIPI 1:23

I ya'u wabollenganna wuassu ruan ba'a. I ya'u maapulu atonna manantangngu runia indi see inai matana'a ringanni Kristus, ana waugu eteudde lembon apianne;

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

YOHANES 12:27

“Naungku sussinggawangnga; apa Ta'u iwisara su orassa indi? Ṛinonewe i Ya'u mabbisara, ‘Iamangnga liua'awe i Ya'u wuassu orassa indi’? Arawe tadea'u i Ya'u maapendamma orassu asasusa indi i Ya'u nirumanta.

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

YESAYA 46:7

Paal᷊uanna udde nipa'u wuṛṛu niaddo su tampane, i tou uarisikka isudde wuṛṛu tawe mapangingkatta. Amungkangngu taumata umal᷊iomanna si tou, i tou tawe sumimbakka, wuṛṛu tawe mapaanal᷊amatta si tou wuassu asasusane.

AMSAL 12:10

Taumata mapia mappadul᷊i winatangnge; arawe taumata lal᷊eo mannansara winatangnge.

DARALO 130:4

Arawe I'o sidutu maapulu mangampunga, tadea'u taumata mabbal᷊i ma'imanna.

DARALO 106:7

Sutempo su Mesir al᷊amonan kami tawe maasunna; manara-Nu apan maatiangnga tawe asunnanni mangitou. I mangitou naabul᷊in darangngu-Nu apan nilumambalanna, wuṛṛu su maranin Tahal᷊oangngu Gelagah i mangitou nilumawanga Apan Atanggaṛṛanne.

DARALO 103:8

Ana waugu Mawu marangngu wuṛṛu maakkanna, i Tou masabare wuṛṛu darangngu-Ne uatinnalunna.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

DARALO 69:16

Arie pabbala'a i ya'u ielekku lua'u ṛuabba, wuṛṛu mawul᷊ussa su wantan tahal᷊oangnga ara'e ilabbinga sulal᷊ummu loṛṛangnga.

DARALO 69:13

I ya'u nabbal᷊i ipaal᷊umeme su tampa taumata uaammula, wuṛṛu antarin manga taṛṛa wu'anna su ola'u riri'u.

DARALO 5:7

I'o mammate manga taumata taṛṛa wahia, taṛṛa l᷊inga wuṛṛu taṛṛa pate aellehan-Nu addio'a.

ESTER 4:16

“Ammul᷊a'e anambon taumatan Yahudi apan uatana'a su Susan tadea'u umal᷊iomangku. Imbaṛṛangnga umanna wuṛṛu ma'inumma al᷊annune tallu allo tallu ṛabbi. I ya'u sassane wuṛṛu manga maṛṛuala mangangimbe'u sarun mappuasa lai. Wua'udde i ya'u sumaruante ratu, salaiwe udde lumawangnga atoranna. Amungkangngu i ya'u ṛinone mate ana waugu udde, wala'e i ya'u mate!”

ESTER 4:11

“Suapan taumata, mawae esakka aroddi lai wawine, apan ringannu tawe niwaggoanna, sumaruanna ratu su rallakku lal᷊ummu wal᷊en araratuanna, ṛinone iṛṛuumanna mate. Uddewe manga atoranna wuṛṛu anambon taumata manattakka wuassu mananantiro ratu maddatingngu tumanangnge su manga propinsi, masingkattu atoranna udde. Tumba'u pia sambau dal᷊anna tadea'u mal᷊iu wuassu manga atoranna udde, eteudde napawe ratu mangul᷊ukku ta'inne wul᷊awanna su taumata udde. Amungkangngu udde nariaddi, i tou sarun masal᷊amatta. Arawe sambul᷊ante indi i ya'u tawe niwaggoannu ratu.”

2 TAWARIKH 28:9

Sangkatou Nabi Mawu aranne i Oded uatana'a su Samaria. Sutempo tantaran Israel nabelengnga uaapiddu taumata niatawanna wuassu Yehuda, Oded naisasomban mangitou sutempo i mangitou sumuttate su soa. I tou nabbisara, “I yamiu buatte namaddon taumatan Yehuda ana waugu Mawu Ruatan al᷊amonanu nasa'ute si mangitou. Arawe Mawu naddaringikka tumaniten maṛṛagissa i yamiu namate tantaran Yehuda udde.

2 MARARATU 7:4

Amungkangu i ite sumutta su soa, i ite sarun nate amal᷊unusanna; wuṛṛu napawe i ite sidutu uatana'a isindi, i ite sarun mate lai. Mappianne i ite inaite watukku paddasanannu taumatan Siria. Asinungka i ite sarun pateanni mangitou. Arawe asinungka lai i mangitou tawema'ola'a apa-apa si ite.”

2 MARARATU 6:15

Tiṛabbine, marua allo atonna sutempo allangi Elisa napu'o wuṛṛu sinumabbanga, i tou naasilo tantaran Siria uapal᷊iwutta soa udde nasuunga ringannu awal᷊o wuṛṛu keretan pangalon mangitou. Ne i tou nabelengke ringanni Elisa wuṛṛu nabbisara, “Nasilakate i ite, Tua! Apa ṛinone olaanni ite?”

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

YUNUS 3:9

Asinungka Ruata sarun mamal᷊u ṛingiran-Ne wuṛṛu tate masa'u apia na'oman sara i ite tawe mate!”

LAL᷊ALLU 3:32

Napawe i Tou nangonggollu asasusa i Tou lai mandangngu, ana waugu i Tou sidutu tuttal᷊antuppi ite ringannu darangngu apan tawe pattaal᷊anne.

YESAYA 63:15

Oh Mawu, pangintannote wuassu surga, wuassu atatanaan-Nu apan na'ukkassa wuṛṛu mawantuga. Suapate darangngu wuṛṛu awawaṛṛani-Nu? Suapate apapia wuṛṛu darangngu-Nu? Ariewe udde taṛṛanganna si yami.

DARALO 119:156

Tumaniten nangillembo darangngu-Nu, oh Mawu, sal᷊amatewe i ya'u ana waugu atatul᷊iddu Mawu.