1 TAWARIKH 2:55 - WUKE SUSI WATTI'U AL᷊AL᷊USASSA

⁵⁵ Wuassu amonanni Tirati, Simati wuṛṛu Sukati apan uatana'a su soan Yabes pia manga taumata apan pande su ola'u pamamoṛṛetta wuṛṛu mangal᷊innu manga suratta apan maarega. I mangitou uddewe taumatan Keni apan naawingngu taumatan Rekhab.

1 TAWARIKH 2:55 Referans Kwoze

2 MARARATU 10:15

I Yehu nanassukku amatanne. Su tangngan dal᷊anna, i tou sinal᷊ohoanni Yonadab ana'i Rekhab. I Yehu nattabea wuṛṛu nabbisara, “Wal᷊inewe i ite naungnga sambua? I'o maapuluwe mallal᷊ima si ya'u?” “Ore,” sasimbakki Yonadab. “Amungkangu aroddi, wette iaddua ma'a'agasse lima,” sasimbakki Yehu. Ne itarua na'a'agasse lima, wuṛṛu i Yehu nantul᷊ungi Yonadab sinuma'e sulal᷊ummu keretane,

MAL᷊AṚṚUUNGNGA 1:16

Papapulunnu iamangngu la'iananni Musa, eteudde manga taumatan Keni, tinumantalonga taumatan Yehuda sinumabbanga wuassu Yerikho, soam kurma, wuṛṛu inaite watukku wageangngu leta'a apan maṛṛasa alu su samba'an timukku Arad su Yehuda. Poiaroddi i mangitou namanua suwallatu walahannu Amalek.

YEREMIA 35:19

Ana waugu udde, i Ya'u, Mawu Apan Lembontaṛṛino, Ruatan Israel, maddiandi manungku wuassu papapulunni Yonadab ana'i Rekhab sidutu sarun pia sangkatou esakka apan mangngimbe si Ya'u.”

MAL᷊AṚṚUUNGNGA 4:11

Su tempo udde i Heber, sangkatou taumatan Keni, buatte nattingkaṛaen batanganne wuassu walahanne. (Walahannu Keni udde papapulunni Hobab, ipagi Musa.) I Heber buatte napararisikku manga rasanne maranin manga aaluanna terpentin su Zaanaim, tawe marau wuassu Kedes.

1 SAMUEL 15:6

I tou lai nannanata iapanaungnga su taumatan Keni wisarane, “Roote wuṛṛu tantanga'e taumatan Amalek, tadea'u i yamiu tawe ta'u ṛaddaanna suadio'a ringanni mangitou, ana waugu dorone al᷊amonanu buatte namasilon pagahahawe su taumatan Israel sutempo taumatan Israel nirumanta wuassu Mesir.” Ne taumatan Keni nangingkatte wua isudde.

YEREMIA 8:8

Waṛṛani atonna i yamiu mabbisara manungku i yamiu pande, wuṛṛu masingkattu manga tita-U! Annama'o ellehe manga tita-U udde niwal᷊u manga mapapanden agama apan taṛṛa linga!

EZRA 7:6

I Ezra sangkatou apan pia si'olane wuṛṛu masingkattu su ola'u anambon Tita apan nionggollu Mawu, Ruatan Israel si Musa. Ana waugu Ezra nial᷊amatannu Mawu Ruatane, ne ratu nangonggolla si tou al᷊awo'a apan raddoronganne. Su tonna appitune sutempo i Ratu Artahsasta uaparenta, Ezra napul᷊ete wuassu Babel mattuddan Yerusalem suaddio'a ringannu ammul᷊annu taumatan Israel eteudde manga pira imam, taumatan Lewi, mangangantari see mandariagga ngara su Wal᷊en Mawu, wuṛṛu manga mamamanara.

1 TAWARIKH 2:54

I Salma mandararisikku soan Betlehem eteudde al᷊amonan taumatan Netofa, taumatan Atarot-Bet-Yoab, wuṛṛu taumatan Zori, eteudde sambau suwallattu darua amonanna apan uatana'a su Manahti.

1 TAWARIKH 3:1

Manga parinsin Daud apan niasungkanga su Hebron, tumuṛṛuttu atokku uukke eteudde: i Amnon – inangnge aranne i Ahinoam taumatan Yizreel i Daniel – inangnge aranne i Abigail taumatan Karmel i Absalom – inangnge aranne i Maakha ana'a maṛṛualan Talmai ratun Gesur i Adonia – inangnge aranne i Hagit i Sefaca – inangnge aranne i Abital i Yitream – inangnge aranne i Egla