1 TAWARIKH 2:19 - WUKE SUSI WATTI'U AL᷊AL᷊USASSA

¹⁹ Napawe i Azuba natete, i Kaleb naawingngi Efrat wuṛṛu naasomba sangkatou ana'a esakka aranne i Hur.

1 TAWARIKH 2:19 Referans Kwoze

1 TAWARIKH 2:50

Manansunna indi lai eteudde papapulunni Kaleb: I Hur eteudde ana'i Kaleb pahul᷊une wuassu awingnge aranne i Efrat. I Syobal ana'i Hur uddewe napararisikku soan Kiryat-Yearim.

1 TAWARIKH 2:24

Napawe i Hezron natete, i Kaleb anangnge na'awingngi Efrat inawal᷊uannu iamangnge. Ana'i tarua esakka aranne Asyur; ete i tou apan napararisikku soan Tekoa.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

1 TAWARIKH 2:18

I Kaleb ana'i Hezron na'awingngi Azuba wuṛṛu naasomba sangkatou ana'a wawine aranne i Yeriot. I Yeriot indi pia siri tallu ana'a esakka; i Yezer, i Sobab, i Ardon.

1 TAWARIKH 2:20

Ana'i Hur esakka aranne i Uri wuṛṛu pulunne aranne i Bezaleel.

SASABANGNGA 17:10

I Yosua tinumuṛṛutta apa apan nirolokki Musa si tou. I tou inaite namangalo taumatan Amalek, tantal᷊anna i Musa, i Harun wuṛṛu i Hur sinuma'a wuidda naddatingngu puidde.