1 TAWARIKH 18:13 - WUKE SUSI WATTI'U AL᷊AL᷊USASSA

¹³ ana see napararisikku manga paddasanannu tantara su ahewallu Edom. Ne manga taumatan Edom nassuṛṛubawate si Ratu Daud. Mawu nangonggolu auntunganna si Daud suapan tampa i tou mapapangalo.

1 TAWARIKH 18:13 Referans Kwoze

1 TAWARIKH 18:6

Wua'udde i tou napararisikku manga paddasanannu tantaran mangitou ne i mangitou nassuṛṛubawate lapiddu mammaekka wose si tou. Mawu nangonggolu auntunganna si Daud su al᷊awo'u tampa pangaloanne.

PANDARIADDI 27:37

I Ishak sinumimbakka, “I ya'u buatte na'ola'a si tou mawunu; wuṛṛu anambon manga tuṛṛangnge ta'u niola'a allangnge. I ya'u buatte nangonggola si tou gandumma wuṛṛu anggore. Orassa indi tate apa-apan ta'u olaanna si'o Ana'u!”

2 KORINTUS 11:32

Su tempo i ya'u uatana'a su Damsyik, gubernure apan uaparenta isudde su al᷊ungngu parentan Ratu Aretas, nandolokku tantara mandiaga ngaran soa udde see iapasametta si ya'u.

DARALO 144:10

I'o nangonggolu auntunganna su manga ratu, wuṛṛu namallossi Daud allang-Ngu.

DARALO 121:7

Mawu sarun mallu'adda si'o wuassu asasilaka, i Tou uariaga si'o tadea'u wiakku sal᷊amatta.

1 SAMUEL 14:1

Sutempo sambau i Yonatan nabbisara su sangkatou umbasanna apan uaapiddu ahidde, “Wette, i ite inaite watukku tampa pandariagannu taumatan Filistin su samba'a poine!” Arawe i tou tawe namasingkatta iamangnge asuene.

1 SAMUEL 13:3

Wua'udde i Yonatan namate tembonannu tantaran Filistin su Gibea, wuṛṛu ana see walahannu Filistin naaringikka lai arariadianna udde. Wua'udde i Saul nandolokku taumata niapatiuppa trompeta su ahewallu wanua iapawago taumatan Ibrani tadea'u inaite mapapangalo.

1 SAMUEL 10:5

Wua'udde i'o ṛinone inai watukku wuiddu Ruata su Gibea, tampa paddasanannu taumatan Filistin. Su ngara suttanna su soa, i'o sarun massomban sangkammul᷊annu nabi apan sinumossokke wuassu wuidda pangangonggol᷊annu sasamba. I mangitou massal᷊aingnga wuṛṛu mangngintul᷊i, mannalangnga gambus, rebana, wansi wuṛṛu kecapi.

REENGANNA 24:18

Leta'u Edom sarun atanaannu seenne, arawe Israel ma'ola'a inolaanne apan matohassa.

PANDARIADDI 27:40

I'o sarun mabbiakka wuassu hal᷊elenu, arawe maola'a allangngu tuarinu, arawe amungkangngu lumawangnga, i'o sarun mal᷊iu wuassu taṛṛinone.”

PANDARIADDI 27:29

Antimanna manga walahanna maola'a allangngu wuṛṛu manga ṛuangannu walahanna uasuṛṛubawa si'o. Antimanna i'o uataṛṛino manga tuṛṛangngu, wuṛṛu pallaṛṛiten inangngu massubba su saruannu. Antimanna awontohana anambon taumata apan mammontoga si'o wuṛṛu al᷊amatan anambon taumata apan mangngal᷊amatta si'o.”

PANDARIADDI 25:23

Mawu nabbisara si tou, “Balahanna darua udde sulal᷊ummu illoṛṛonu; i'o sarun manungkangngu darua walahanna apan uasaseetta; tuarine mattohasanna wuassu iaangnge iapa pahul᷊une mangimbe tuarine.”

1 MARARATU 11:15

Mal᷊anu wua'udde, sutempo i Ratu Daud namaddon Edom, Yoab, tembonannu tantaran Ratu Daud, inaite watukku Edom mallabbingu manga taumatane apan nate. Annummu wul᷊anna al᷊annune i tou wuṛṛu tantarane uatana'a su Edom. Wuṛṛu sulal᷊ummu tempo udde i mangitou mammate anambon taumata esakka poiaroddi.

1 TAWARIKH 18:12

I Abisai (inangngene aranne i Zeruya) namaddon seetta wuṛṛu namate 18.000 su atoune taumatan Edom su wawal᷊annu Asin

1 TAWARIKH 18:14

Etearoddi i Daud namarenta ahewallu Israel wuṛṛu uariaga tadea'u suapan tumanangnge sidutu olaanna ringannu matul᷊idda wuṛṛu mapia.

1 SAMUEL 18:14

I tou mammanara ringannu mapia, ana waugu Mawu mantul᷊ungngi tou.