1 TAWARIKH 18:11 - WUKE SUSI WATTI'U AL᷊AL᷊USASSA

¹¹ I Ratu Daud nangonggolu anambon aonggola udde su Mawu apan ipa'atta sulal᷊ummu lal᷊aghu patataṛṛamawu. Aroddi lai su manga saranapa wul᷊awanna wuṛṛu sal᷊a'a apan buatte niaṛṛon Daud si Hadadezer wuṛṛu manga walahanna apan buatte niwaddone, eteudde walahannu Edom, Moab, Amon, Filistin wuṛṛu Amalek.

1 TAWARIKH 18:11 Referans Kwoze

MIKHA 4:13

Mawu nabbisara, “Ei tumana'u Yerusalem, roote wuṛṛu ṛindate manga seenu! I Ya'u sarun ma'ola'a si yamiu matohassa ere sapi apan tatandungnge naal᷊ihidda atta'a wuṛṛu anuune witu'a. I yamiu sarun makkimunsa'a manambo walahanna, wuṛṛu paa'ala niasombanganni mangitou wuassu pangangaṛṛo sarun ionggolli yamiu si Ya'u, Mawu ul᷊ilin pati'uppa.”

2 TAWARIKH 5:1

Napawe i Ratu Salomo buatte napararisikku Wal᷊en Mawu udde, i tou nanahipunna sulal᷊ummu gudangngu wal᷊en udde anambon sal᷊a'a, wul᷊awanna wuṛṛu manga saranapa waine apan buatte nionggoli Daud iamangnge su Mawu.

1 TAWARIKH 29:14

I ya'u wuṛṛu tumana'u indi atonna-tonna tawe mapangonggolu apa-apa Si'o, ana waugu sarangkanambone uddewe aonggolu Mawu, wuṛṛu apa apan ia'onggoli yami uddewe tatahuanan-Nu lai.

1 TAWARIKH 26:20

Manga taumata waine sulal᷊ummu ṛuanganni Lewi apan tinantil᷊annu manara mallu'adda saranapa su Wal᷊en Mawu wuṛṛu gudangnga panahipunanna manga aonggola su Ruata.

1 TAWARIKH 22:14

Su ola'u Wal᷊en Mawu udde i ya'u buatte nattinsahadda atonna-tonna nangammullu 3.400 tonna awakkattu wul᷊awanna wuṛṛu sal᷊a'a lai awakkanne nilumebbe wuassu 34.000 tonna. Waine lai pia bitu'a wuṛṛu atta'a apan tawe iareengnga anambone. Alu wuṛṛu watu nasaddiate lai si ya'u, arawe i'o ṛinone manamba apia.

2 MARARATU 12:18

Ne i Yoas napaapiddu roitta wawaekke. Roitta udde niasombanganne wuassu anambon sasamba apan dorone buatte tinantilli Yoas sassane, wuṛṛu i Yosafat, Yoram wuṛṛu i Ahazia su Mawu, eteudde manga ratu apan uaparenta dorone wuassitou. Wuṛṛu lai wuassu anambon bul᷊awanna sulal᷊ummu kase su Wal᷊en Mawu wuṛṛu wal᷊en araratuanna. Ne i Hazael tate nariaddi namangalo Yerusalem.

1 MARARATU 7:51

Napawe i Ratu Salomo nasuete napararisikku Wal᷊en Mawu, i tou nanahipunna sulal᷊ummu manga gudangu wal᷊en udde anambon sal᷊a'a, wul᷊awanna, wuṛṛu manga saranapa waine apan buatte nionggolli Daud iamangnge su Mawu.

1 SAMUEL 30:20

Wua'udde lai i Daud nangaṛṛo anambon domba wuṛṛu winatangnga papadul᷊iananna. Manga winatangnga udde niul᷊uhannu tantaran Daud paarorone, uaṛṛaen anambon saranapa apan niaaṛṛo waine, wuṛṛu i mangitou nabbisara, “Eteindi wageangngi Daud!”

1 SAMUEL 30:13

Wua'udde i Daud naiwal᷊o si tou, “Isai mawunu, wuṛṛu i'o wuassuapa?” Ana'a udde sinumimbakka, “I ya'u sangkatou taumatan Mesir, allangngu sangkatou Amalek. I ya'u tinantangngu mawu'u tallu allo apan nal᷊iu ana waugu ya'u maradda'a.

YOSUA 6:19

Anambon saranapa sal᷊a'a, wul᷊awanna, witu'a wuṛṛu atta'a ṛinone iṛṛae ionggola su Mawu, wuṛṛu iaddo su tampa pangangadoannu pussa'a Mawu.”

SASABANGNGA 35:5

Apira'e sasamba su Mawu. Isai apan umal᷊ore naungnge, ṛinone mangonggolu wul᷊awanna, sal᷊a'a wuṛṛu witu'a;

1 TAWARIKH 18:10

Ne i tou nandolokki Yoram parinsine niapawal᷊on tabea si Ratu Daud wuṛṛu iapawal᷊o lai sal᷊amatta su auntunganna udde, ana waugu i Hadadezer masokkate mapapangalon Ratu Tou. I Yoram nirumantate ringanni Daud uaapiddu manambo aonggola wul᷊awanna, sal᷊a'a wuṛṛu witu'a.

1 TAWARIKH 18:12

I Abisai (inangngene aranne i Zeruya) namaddon seetta wuṛṛu namate 18.000 su atoune taumatan Edom su wawal᷊annu Asin

YOSUA 6:24

Wua'udde tantara Israel nanutungnga ahewallu soa udde su sambau ringannu lal᷊oṛṛone sulal᷊umme na'oman sara nasue, nallambe manga saranapa wul᷊awanna, sal᷊a'a, witu'a wuṛṛu atta'a. Manga saranapa udde nianu mangitou wuṛṛu niapidda su tampa pangangadoannu darotongnga pussa'a Mawu.