1 TAWARIKH 18:10 - WUKE SUSI WATTI'U AL᷊AL᷊USASSA

¹⁰ Ne i tou nandolokki Yoram parinsine niapawal᷊on tabea si Ratu Daud wuṛṛu iapawal᷊o lai sal᷊amatta su auntunganna udde, ana waugu i Hadadezer masokkate mapapangalon Ratu Tou. I Yoram nirumantate ringanni Daud uaapiddu manambo aonggola wul᷊awanna, sal᷊a'a wuṛṛu witu'a.

1 TAWARIKH 18:10 Referans Kwoze

2 SAMUEL 8:10

Ne i tou nandolokki Yoram anangnge esakka inai niapawal᷊on tabbea si Ratu Daud wuṛṛu wisarane sal᷊amatta su auntunganne udde, ana waugu i Hadadezer masokkate mapapangalon Tou. I Yoram nirumanta ringanni Daud ringannu uaapiddu manambo aonggolla wuassu wul᷊awanna, sal᷊a'a wuṛṛu witu'a.

YESAYA 39:1

Sutempo udde, ratun Babel, eteudde i Merodakh ana'i Baladan, naaringikka manungku i Ratu Hizkia wakkute napia wuassu radda'a. Ne i tou nandolokku taumata niapaapiddu suratta wuṛṛu aonggolla si Hizkia.

2 TAWARIKH 9:1

Ratun wanua Syeba naaringikka su ola'u i Salomo tinumelengke. Ne i tou nirumanta su Yerusalem manaṛṛasidda si Salomo ringannu aiwal᷊o apan masahadda. I tou nirumanta tatantalongannu manambo taumata wuṛṛu unta apan napene lal᷊uranannu rampa-rampa, watu permata, wuṛṛu wul᷊awanna tumaniten manambo. Sutempo nassombaten Salomo, ratu udde nangapiddu al᷊awo'u aiwal᷊o apan wotongnge asingkatanne.

1 TAWARIKH 18:9

I Ratu Tou wuassu Hamat naaringikka manungku i Daud buatte namaddon anambon tantaran Hadadezer.

1 TAWARIKH 18:11

I Ratu Daud nangonggolu anambon aonggola udde su Mawu apan ipa'atta sulal᷊ummu lal᷊aghu patataṛṛamawu. Aroddi lai su manga saranapa wul᷊awanna wuṛṛu sal᷊a'a apan buatte niaṛṛon Daud si Hadadezer wuṛṛu manga walahanna apan buatte niwaddone, eteudde walahannu Edom, Moab, Amon, Filistin wuṛṛu Amalek.