1 TAWARIKH 17:27 - WUKE SUSI WATTI'U AL᷊AL᷊USASSA

²⁷ Ana waugu udde, i ya'u sumal᷊ande, doronganna mangal᷊amatta papapulungku tadea'u saran mal᷊annu-l᷊annu i mangitou sidutu uapendamma darangngu-Nu. Ana waugu, I'o buatte nangal᷊amatta al᷊aṛṛanang-Ngu, oh Mawu, ne i mangitou sidutu sarun al᷊amatanna saran mal᷊annu-l᷊annu.”

1 TAWARIKH 17:27 Referans Kwoze

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

ROMA 11:29

Ana waugu amungkangngu Ruata mamile taumata wuṛṛu mangal᷊amatta taumata udde, Ruata tawe mangul᷊e apia apa apan buatte niolang-Nge.

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

PANDARIADDI 27:33

Ahewallu wadangngi Ishak mangngindote, wuṛṛu i tou naiwal᷊o, “Amungkangngu aroddi, isai apan buatte nilumul᷊u winatangnga wuṛṛu niapidda si ya'u tanginna? I ya'u buatte niumanna tantal᷊anna i'o taambe nirumanta. Ana see i ya'u buatte nangonggolu al᷊ama'u panginsueanne si tou, ne orassa indi naola'e pussaane saran mal᷊annu-l᷊annu.”

1 TAWARIKH 17:26

I'o, Mawu, uddewe Ruata, wuṛṛu watti'a apan maṛṛamaga udde buatte nipa'ire-Nu si ya'u.

1 TAWARIKH 18:1

Manga pira tempo wua'udde i Ratu Daud namangalote wuṛṛu namaddon taumatan Filistin see nangaṛṛote soan Gad suadio'a ringannu manga ampungnga maranine.

1 TAWARIKH 28:4

Mawu Ruata apan sassubbannu Israel, buatte namile si ya'u wuṛṛu papapulungku iapaparenta Israel saran mal᷊annu-l᷊annu. Su ipanaddia sangkatou piaṛṛangnge i tou namile ṛuanganni Yehuda, wuṛṛu wuassu ṛuanganna udde i tou namile laloṛṛon bal᷊en iamangku. Wuṛṛu wuassu anambon lal᷊oṛṛon bal᷊en iamangku udde i Tou namile si ya'u ne i ya'u nitenega naola'a ratun Israel.

DARALO 21:6

Ana waugu tul᷊ungannu Mawu i tou nabbal᷊i aadatanna, I'o na'ola'a si tou tinumelengnga wuṛṛu mawantuga.

REENGANNA 23:20

I ya'u nirolokka mangal᷊amatta; wuṛṛu amungkangngu Ruata mangal᷊amatta, tawe ta'u aul᷊eanna apia.

TAHIUL᷊E 15:6

Mawu Ruatanu sarun mangal᷊amatta si yamiu ere buatte nipa'ire-Ne. I yamiu sarun mapawallasu roitta su anambon balahannu, arawe i yamiu sassane tawe mabballasa; i yamiu uataṛṛino anambon balahanna, arawe i mangitou tawe taṛṛinone si yamiu.

1 MARARATU 2:33

Ṛuumanna ana waugu apapaten darua tembonannu tantara udde sarun pasannananni Yoab wuṛṛu papapulunne saran mal᷊annu-l᷊annu. Arawe anambon papapulunnu iamangku apan naola'a ratu, sidutu sarun aal᷊amatannu Mawu – i mangitou apan naauntungnga.”

1 MARARATU 2:45

arawe i ya'u sarun al᷊amatan-Ne wuṛṛu araratuannu iamangku sarun tohasan-Ne saran mal᷊annu-l᷊annu.”