1 TAWARIKH 17:20 - WUKE SUSI WATTI'U AL᷊AL᷊USASSA

²⁰ Tumba'u I'o Ruata, taweddu nassul᷊ung-Ngu. Yami masingkattu olangnge udde ana waugu buatte niapasingkatta ro'en dorone.

1 TAWARIKH 17:20 Referans Kwoze

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

EFESUS 3:20

Ringannu taṛṛinon Duata apan maṛṛimadda mammanara sulal᷊ummu naungngi ite, Ruata wotongnge ma'ola'a mannamboanne wuassu apa apan wotongnge doronganni ite ara'e iraṛṛingiddi ite.

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YESAYA 45:5

Ete i Ya'u Mawu, tawe baine, i Ya'u Ruata apan tinggassa. I'o buatte Ta'u nionggol᷊annu ahidda, salaiwe i'o tawe maaillal᷊a si Ya'u.

YESAYA 43:10

Ei uma-U, ete i yamiu manga tiala-U, i yamiu Ta'u nipile maola'a manga allang-Ku, tadea'u masingka-U wuṛṛu mangngimanna si Ya'u, wuṛṛu maasunna manungku ete i Ya'u Ruata. I Ya'u Ruata Apan Tinggassa taweddu wal᷊ine ro'en al᷊amonane wuṛṛu piate i Ya'u.

YESAYA 40:25

Isai apan su pendamannu nassul᷊ungngu Ruata Apan Lembon Na'ukkassa? Ringanni sai i'o ma'apulu manul᷊ungngi Tou?

YESAYA 40:18

Nariaddi ringanni sai i'o manul᷊ungngu Ruata? Isai apan su pendamannu nassul᷊ungngi Tou?

DARALO 89:8

I'o aaddatanna su ammul᷊annu taumata susi, iaata'utta wuassu anambon sarangkamabone apan marani-Nu.

DARALO 89:6

Ammul᷊annu surga maddalo manga inolaan-Nu apan maatiangnga, wuṛṛu mangngantarin apapia-Nu, Mawu.

DARALO 86:8

Oh Mawu, tawe mawu ere I'o, taweddu maaola'a ere a'olaan-Nu.

DARALO 44:1

Daralon ṛuanganni Korah. Antari tatantiro. Su piaṛa'u mangangantari.

1 SAMUEL 2:2

Taweddu apan susi ere Mawu! Tumba'u i Tou apan wotongnge manillumma.

TAHIUL᷊E 33:26

“Ore Israel! Tawe Mawu naal᷊ihidda Ruatanu; I Tou mammal᷊itaddu langitta ringannu awawantuga wuṛṛu nallassuta winabbawa tadea'u mangontolla si yamiu.

TAHIUL᷊E 4:39

Ana waugu udde atimpu'ote su allo indi wuṛṛu arie abbul᷊iananna; Tumba'u Mawu uddewe Ruata su langitta wuṛṛu su runia; taweddu wal᷊ine.

TAHIUL᷊E 4:35

Sarangkanambone udde niapal᷊iatta'u Mawu si'o ipattiala manungku tumba'u Mawu udde Ruata, wuṛṛu taweddu waine.

TAHIUL᷊E 3:24

Oh Mawu Apan Atanggaṛṛanne, i ya'u masingkatta manungku nipasilonu si ya'u indi tumba'u panattaṛṛannu al᷊awo'u inolaanna apan bahewalla wuṛṛu ma'atiangnga. Tawe Mawu wal᷊ine sulangitta ara'e su runia apan ere I'o wotongnge ma'ola'a inolaanna apan waluwalla.

SASABANGNGA 18:11

Orassa indi ya'u masingkatte manungku Mawu maggewal᷊anna wuassu anambon Mawu, ana waugu sarangkanambone udde niolang-Nge su tempo taumatan Mesir inolaanne tumaniten mawunga su saruannu taumatan Israel.”

SASABANGNGA 8:10

Sasimbakku ratu udde, “Aal᷊iomana'e i ya'u tiṛṛabbi.” Unni Musa, “I ya'u tumuṛṛutta apa apan raddoronganni Tuangku. Ne i Tuangku sarun maasingkatta manungku tawe Duata wal᷊ine ere Mawu, Ruatan kami.

SASABANGNGA 9:14

Paasa indi i Ya'u sarun mandantan asasilaka tawe tumba'u su manga mammamanaran araratuanna wuṛṛu tumanangnge, arawe si'o lai, tadea'u i'o maasingkatta manungku i Ya'u tawe doappa su ahewallu runia indi.

1 TAWARIKH 17:19

Wuassu apulu-Nu sassane wuṛṛu hunane su manara'u I'o na'ola'a anambon manara wahewalla indi ringannu matualaga.

1 TAWARIKH 17:21

Su ahewallu runia tawe walahanna ere Israel. Tumba'u Israel sambau walahanna apan Ta'u nipallossa pattataṛṛualanganna tadea'u maola'a al᷊aṛṛana-U sassane. Al᷊awo'u inolaanna apan wahewalla wuṛṛu maatiangnga niolang-Ngu si mangitou naola'a aran-Nu tinumelengnga su ahewallu runia. I'o namallossu al᷊aṛṛanang-Ngu wuassu Mesir, wuṛṛu nallimbuakka manga walahanna waine sutempo al᷊aṛṛanang-Ngu inai mapapangalo.

DARALO 97:9

Ana waugu I'o, oh Mawu, tembonannu ahewallu runia; I'o mawantuga nangillembo wuassu al᷊awo'u monganna.