1 TAWARIKH 17:17 - WUKE SUSI WATTI'U AL᷊AL᷊USASSA

¹⁷ Ewe'e inolaan-Nu nilumambalanna wua isudde; I'o buatte na'ola'a pa'aire su ola'u papapulungku sutempo addantane. Ewe'e i'o lai na'ola'a si ya'u sangkatou apan a'addatanna.

1 TAWARIKH 17:17 Referans Kwoze

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

EFESUS 3:20

Ringannu taṛṛinon Duata apan maṛṛimadda mammanara sulal᷊ummu naungngi ite, Ruata wotongnge ma'ola'a mannamboanne wuassu apa apan wotongnge doronganni ite ara'e iraṛṛingiddi ite.

2 MARARATU 3:18

Ana see i Elisa nanassukku wisarane, “Arawe su Mawu udde tumba'u inolaanna addio'a. I Tou sarun mangonggolu auntunganna si yamiu su manga taumatan Moab.

1 MARARATU 3:13

Ewe'e lai apa apan tawe nirorongannu lai sarun Ta'u ionggola si'o; su al᷊o'engngu pabbiaṛṛamnnu i'o sarun maala wuṛṛu a'addatanna nangillembo wuassu al᷊awo'u ratu waine suapan tampa.

2 SAMUEL 12:8

Araratuanni Saul wuṛṛu manga awingnge buatte Ta'u nionggolla si'o, ewe'e i'o lai buatte Ta'u nitenega maola'a ratun Israel wuṛṛu Yehuda. Unnuwisara udde taambe lai natimu, Ta'u onggol᷊annu anambone ereudde lai.

2 SAMUEL 7:19

Ewe'e lai inolaannu Mawu nangillembo lai wua isudde, Oh Mawu Apan Atanggaṛṛanne; I'o buatte na'ola'a pa'aire su papapulungku sutempo apan sarun dumanta. Wuṛṛu olangnge udde niapasilo-Nu si ya'u, salaiwe i ya'u tumba'u sangkatou taumata, oh Mawu Apan Atanggaṛṛanne!

1 TAWARIKH 17:16

Ana see i Ratu Daud sinumuttate sulal᷊ummu Rasannu Mawu. I tou inuma'ianna wuṛṛu inumal᷊iomanna, “Oh Mawu Ruata, i ya'u wuṛṛu amonangku tawe sutampane manengkamma apapia apan niapal᷊iatta'u Mawu al᷊annune indi.

1 TAWARIKH 17:18

Apate lai apan ta'u iwisara Si'o, oh Mawu Ruata? I'o masingkattu sarangkanambone su allang-Ngu indi, arawe I'o nangonggolu a'addatta si ya'u.